လံာ်တၢ်ဟးထီၣ်ကွံာ် 10:7 - Sgaw Karen Common Bible

⁷ စီၤပၤအပဒိၣ်ပပှၢ်တဖၣ်စံးဘၣ်အီၤ, “ပှၤတဂၤအံၤကမၤတံာ်တာ်ပှၤ ဆံးယံာ်လဲၣ်. ပျၢ်ကွံာ်ပှၤအံၣ်စရ့လးဖိအပိာ်ခွါတဖၣ်ဒ်သိးအကလဲၤဘူၣ်ထီၣ် ဘါထီၣ်အယွၤ, အကစၢ်ယွၤန့ၣ်တက့ၢ်. မ့ၢ်နတသ့ၣ်ညါဘၣ်လၢကီၢ်အဲၤကူပတူးအံၤဟးဂီၤကွံာ်လံန့ၣ်ဘၣ်ဧါ.”

လံာ်တၢ်ဟးထီၣ်ကွံာ် 10:7 Iomraidhean Croise

စံးထီၣ်ပတြၢၤ 107:34

အဝဲဒၣ်ဒုးကဲထီၣ်ကီၢ်လၢအသၣ်ထီၣ်တဘ့ၣ်ဆူ အံသၣ်အလီၢ်, မ့ၢ်လၢပှၤလၢအအိၣ်ဝဲဆိးဝဲတဖၣ် အတၢ်အၢတၢ်သီအဃိန့ၣ်လီၤ.

လံာ်တၢ်ဟးထီၣ်ကွံာ် 12:33

ပှၤအဲၤကူပတူးဖိတဖၣ်မၢကီၢ်အံၣ်စရ့လးအပှၤဂီၢ်မုၢ်လၢကမၤ ချ့ချ့ဒီးဟးထီၣ်ကွံာ်လၢထံကီၢ်အပူၤန့ၣ်လီၤ. အဝဲသ့ၣ်စံးဝဲဒၣ်, “သုမ့ၢ်တဟးထီၣ်ဘၣ်ဒီးပဝဲခဲလၢာ်ပကသံ ကွံာ်လီၤ.”

လံာ်တၢ်ဟးထီၣ်ကွံာ် 23:33

ပျဲပှၤတဖၣ်န့ၣ်အိၣ်ဝဲဆိးဝဲလၢသုကီၢ်အပူၤတဂ့ၤ. သုမ့ၢ်ပျဲဒီး, အဝဲသ့ၣ်ကဒုးမၤသုတၢ်ဒဲးဘးထီဒါယၤန့ၣ် လီၤ. သုမ့ၢ်ဘါထီၣ်အကစၢ်တဖၣ်ဒီး, ကမ့ၢ်ဝဲတၢ်သံအပျံၤသကွီၤလၢသုဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 7:5

ဒီးပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤ, ဖဲယယူာ်ထီၣ်ယစုထီဒါအဝဲသ့ၣ်ဒီးဒုးဟးထီၣ်ကွံာ်ပှၤအံၣ်စရ့လးဖိ တဖၣ်လၢကီၢ်အဲၤကူပတူးန့ၣ်လီၤ.”

လံာ်တၢ်ဟးထီၣ်ကွံာ် 8:19

ဒီးပှၤမၤကဒါပှၤမဲာ်တဖၣ်စံးဘၣ်စီၤပၤ, “တၢ်အံၤမ့ၢ်ကစၢ်ယွၤအတၢ်မၤလီၤ.” ဘၣ်ဆၣ်ဒီးစီၤပၤအသးကိၤဝဲဒ်သိးဒၣ်ယွၤစံးဝဲလၢစီၤပၤ တမ့ၢ်ကဒိကနၣ်စီၤမိၤၡ့ဒီးစီၤအၤဟရိၣ်ဘၣ်န့ၣ်လီၤ.

တၢ်ကတိၤဒိ. 29:6

ဖဲပှၤအတီအလိၤတဖၣ်သူၣ်ဖှံသးညီဒီးသဘျ့ဝဲဒၣ်န့ၣ်, ပှၤအၢပှၤသီတဖၣ်ဘၣ်ပျံၤသကွီၤလၢအနီၢ်ကစၢ်ဒၣ်ဝဲအတၢ်ဒဲးဘး တဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:26

ယထံၣ်န့ၢ်တၢ်တမံၤလၢအခၣ်ဝဲဒိၣ်န့ၢ်ဒံးတၢ်သံတက့ၢ်လၢအမ့ၢ်ဝဲ ပိာ်မုၣ်လၢအလီၤဂာ်ဒ်ထုတခါအသိးန့ၣ်လီၤ. တၢ်အဲၣ်လၢအဝဲဟ့ၣ်လီၤနၤကဖီၣ်နၤဒ်ပှာ်ဧိၤစၤဧိၤအသိးလီၤ. ဒီးအဝဲစုတီၤတဖၣ်လၢအဖိးဟုဃာ်နၤန့ၣ်ကစှီၤဃာ်နၤဒ်ထးသွဲအသိးလီၤ. ပှၤလၢအမၤမုာ်ယွၤအသးန့ၣ်ကပူၤဖျဲးဒီးအီၤလီၤ. ဘၣ်ဆၣ်အဝဲကဖီၣ်န့ၢ်ပှၤတၢ်ဒဲးဘးဖိလီၤ.

လံာ်ယၡါယၤ 14:20

မ့ၢ်လၢနမၤဟးဂီၤနထံနကီၢ်ဒီးမၤသံနပှၤဒၣ်နဲတဖၣ်အဃိ, နတဘၣ်တၢ်ခူၣ်လီၤနၤဒ်စီၤပၤအဂၤတဖၣ်အသိးနီတစုဘၣ်. နဒူၣ်ဖိထၢဖိအအၢအသီတဖၣ်စ့ၢ်ကီးတအိၣ်မူတ့ၢ်ဘၣ်ဝဲဘၣ်.

လံာ်ယၡါယၤ 51:9

ယွၤဧၢ, ဖုးသံနီၣ်ထီၣ်ဒီးမၤစၢၤပှၤတက့ၢ်. သူနတၢ်စိတၢ်ကမီၤဒီးအုၣ်က့ၤခီၣ်က့ၤပှၤတက့ၢ်, သူအီၤဒ်နသူတ့ၢ်အီၤလၢပျၢၤ လၢကစၢၤအသိးန့ၣ်တက့ၢ်. နမ့ၢ်တ့ၢ်ပှၤလၢအကျီကွံာ်ပီၣ်လဲၣ် အတၢ်မုၢ်ဃၢ်ဖးဒိၣ်ရၤဃးတကူာ်တကူာ်န့ၣ်လီၤ.

လံာ်ယံးရမံယၤ 48:4

ကီၢ်မိၤအးဘၣ်တၢ်မၤဟးဂီၤကွံာ်အီၤလံ. ဒိကနၣ်ဖိသၣ်တဖၣ် အတၢ်ကဲးပသူထီၣ်တက့ၢ်.

လံာ်ယံးရမံယၤ 51:8

သတူၢ်ကလာ်, ကီၢ်ဘၤဘူၤလိၣ်လီၤပှီၢ်ဝဲဒီး ဘၣ်တၢ်မၤဟးဂီၤ အီၤလံ. ဟီၣ်တၢ်ယၢၤတၢ်လၢအဃိတက့ၢ်. မၤန့ၢ်ကသံၣ်ကသီလၢအပူၤလီၢ်ပူၤကျဲတဖၣ်အဂီၢ်, ဒီးဘၣ်သ့ၣ်သ့ၣ်, ဘျါက့ၤဝဲကသ့လီၤ.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

1 ကရံၣ်သူး 7:35

ယစံးဘၣ်တဲဘၣ်သုဒ်အံၤန့ၣ်, မ့ၢ်လၢယသးအိၣ်မၤစၢၤသု အဃိလီၤ. တမ့ၢ်ယဂုာ်ကျဲးစၢးမၤဃံးမၤစ့ၤသုဘၣ်. မ့မ့ၢ်ယသးအိၣ်လၢသုကမၤတၢ်လၢအကြၢးအဘၣ်ဒီးဘၣ်ဘျီး ဘၣ်ဒါ, ဒီးဟ့ၣ်လီၤသုသးလၢာ်လၢာ်ဆ့ဆ့ပူၤဖျဲးဒီးတၢ်တံာ်တာ် တမံၤလၢ်လၢ်, လၢကစၢ်အတၢ်ဖံးတၢ်မၤအဂီၢ်န့ၣ်လီၤ.

လံာ်စီၤယိၤၡူ 23:13

သ့ၣ်ညါသပှၢ်ကတၢၢ်လၢယွၤသုကစၢ်ယွၤတနီၣ်ထီၣ်ဟီထီၣ် ပှၤကလုာ်တဖၣ်အံၤလၢသုမဲာ်ညါလၢၤဘၣ်. မ့မ့ၢ်, အဝဲသ့ၣ်ကကဲ ထီၣ်ပျံၤသကွီၤဒီးထုလၢသုဂီၢ်, နီၣ်ဖျ့လၢသုချၢအဂီၢ်ဒီး တၤဆှုၣ်တၤမဲလၢသုမဲာ်ချံအပူၤန့ၣ်လီၤ. တၢ်အံၤကမၤအသးတုၤလၢသုဟးဂီၤကွံာ်ခဲလၢာ်လၢကီၢ်လၢအဂ့ၤ လၢယွၤသုကစၢ်ယွၤဟ့ၣ်လီၤသုတဘ့ၣ်အံၤအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:21

အဝဲစံးလီၤအသး, “ယကဟ့ၣ်နီၢ်မံကၤလးဆူစီၤဒၤဝံးဒီး ယကသူအီၤဒ်ထုအသိးလၢစီၤဒၤဝံးကဘၣ်တၢ်မၤသံကွံာ်အီၤလၢပှၤ ဖလ့ၡသးဖိတဖၣ်န့ၣ်လီၤ.” မၤသးဒ်န့ၣ်ဒီးစီၤစီလူးစံးဘၣ်စီၤဒၤဝံးခံစုတစု, “နကဘၣ်ကဲထီၣ်ယမာ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 5:11

မၤကဒီးတစု, အဝဲသ့ၣ်ကိးန့ၢ်ပှၤဖလ့ၡသးဖိအစီၤပၤတဖၣ်ဒီးစံးဝဲ, “ဆှၢက့ၤကီၢ်အံၣ်စရ့လးအတၢ်အၢၣ်လီၤအီလီၤအတလါစီဆှံဆူ အလီၢ်ဒၣ်ဝဲဒ်သိးအသုတမၤသံပှၤဒီးပဟံၣ်ဖိဃီဖိတဖၣ်တဂ့ၤန့ၣ် တက့ၢ်.” တၢ်လီၤပျံၤလီၤဖုးဖးဒိၣ်အိၣ်ဝဲသကုၤလၢဝ့ၢ်ပူၤလၢ ကစၢ်ယွၤစံၣ်ညီၣ်အဝဲသ့ၣ်နးနးကလဲာ်အဃိလီၤ.