လံာ်တၢ်ဟးထီၣ်ကွံာ် 10:6 - Sgaw Karen Common Bible

⁶ ဒီးကပှဲၤလၢနနီပူၤ, လၢနခ့နပှၤတဖၣ်အဟံၣ်ဒီးကယဲၢ်နပှၤဂီၢ် မုၢ်အဟံၣ်တဖၣ်ခဲလၢာ်အပူၤန့ၣ်လီၤ. ဒီးကအၢဝဲနးန့ၢ်ဒံးနပၢ်လၢပျၢၤတဖၣ်ထံၣ်ဘၣ်တ့ၢ်ဝဲဒၣ်န့ၣ်လီၤ.” ဒီးစီၤမိၤၡ့ဃၣ်အသးဒီးဟးထီၣ်ကွံာ်လၢစီၤပၤအအိၣ်န့ၣ်လီၤ.

လံာ်တၢ်ဟးထီၣ်ကွံာ် 10:6 Iomraidhean Croise

လံာ်တၢ်ဟးထီၣ်ကွံာ် 10:11

တသ့ဘၣ်. တၢ်န့ၣ်မ့မ့ၢ်တၢ်လၢသုအဲၣ်ဒိးမၤအဃိဒီး, ထဲပှၤပိာ်ခွါတဖၣ်ဧိၤကဘၣ်လဲၤဘူၣ်ထီၣ်ဘါထီၣ်ယွၤန့ၣ်လီၤ.” ဒီးစီၤမိၤၡ့ဒီးစီၤအၤဟရိၣ်တဖၣ်ဘၣ်တၢ်ဟီထီၣ်ကွံာ်အီၤလၢ စီၤပၤအမဲာ်ညါန့ၣ်လီၤ.

လံာ်တၢ်ဟးထီၣ်ကွံာ် 11:6

ဒီးတၢ်ဟီၣ်တၢ်ယၢၤဖးဒိၣ်ကအိၣ်လၢကီၢ်အဲၤကူပတူးဒီဘ့ၣ်ညါ အပူၤလီၤ. တၢ်ဒ်န့ၣ်အသိးအံၤတအိၣ်တ့ၢ်နီတဘျီဒီးတအိၣ်လၢၤနီ တဘျီလၢၤဘၣ်.

လံာ်တၢ်ဟးထီၣ်ကွံာ် 11:8

စီၤမိၤၡ့မၤကတၢၢ်အတၢ်ကတိၤစံးဝဲဒၣ်, “နပဒိၣ်ပပှၢ်ခဲလၢာ် ကဟဲဆူယအိၣ်ဒီးတီၤလီၤလၢယမဲာ်ညါဒီးအဝဲသ့ၣ်ကဃ့ကညး ယၤဒ်သိးယကဟးထီၣ်ကွံာ်ဒီးယပှၤဂီၢ်မုၢ်ခဲလၢာ်န့ၣ်လီၤ. ဒီးတၢ်န့ၣ်အလီၢ်ခံယကဟးထီၣ်ကွံာ်န့ၣ်လီၤ.” အန့ၣ်ဝံၤဒီးစီၤမိၤၡ့ဟးထီၣ်လၢစီၤပၤအအိၣ်လၢတၢ်သးထီၣ် အပူၤန့ၣ်လီၤ.

လံာ်တၢ်ဟးထီၣ်ကွံာ် 8:21

ယဟ့ၣ်ပလီၢ်နၤလၢနမ့ၢ်တပျၢ်ဘၣ်ယပှၤဂီၢ်မုၢ်ဒီး, ယကမၢသၣ်ဘုလါတဖၣ်ဟဲလီၤလၢနလိၤ, ဒီးနပဒိၣ်ပပှၢ်တဖၣ်ဒီးနပှၤဂီၢ်မုၢ်အလိၤဒီးလၢနဟံၣ်တဖၣ်အပူၤလီၤ. ဒီးပှၤအဲၤကူပတူးဖိအဟံၣ်ပူၤကပှဲၤဒီးသၣ်ဘုလါတဖၣ်ဒီးဟီၣ် ခိၣ်ကပှဲၤစ့ၢ်ကီးဒီးသၣ်ဘုလါလီၤ.

လံာ်တၢ်ဟးထီၣ်ကွံာ် 8:3

ထံကျိနံၤလါကပှဲၤဒီးဒ့ၣ်ဧိၤကွီၣ်ဧိၤတုၤဒၣ်လဲာ်ကလဲၤဆူ နနူၢ်ပူၤစီၤပူၤ, နလီၢ်မံဒၢးပူၤ, နလီၢ်မံခးအလိၤ, နပဒိၣ် ပပှၢ်ဒီးနပှၤဂီၢ်မုၢ်အဟံၣ်ပူၤဒီးတုၤဒၣ်လဲာ်လၢနဖၣ်ကပူၤ, ဒီးနစံၢ်ကိၣ်အသပၢၤပူၤန့ၣ်လီၤ.

လံာ်တၢ်ဟးထီၣ်ကွံာ် 9:18

ခဲဂီၤကိာ်လၢအကတီၢ်ဒ်အံၤန့ၣ်ယကဒုးစူၤလီၤသူၣ်နးနးကလဲာ် လၢကီၢ်အဲၤကူပတူးတသ့ၣ်ညါတ့ၢ်ဘၣ်လၢအတၢ်စံၣ်စိၤတဲစိၤအပူၤ နီတစုဘၣ်န့ၣ်လီၤ.

လံာ်တၢ်ဟးထီၣ်ကွံာ် 9:24

လီဝၢ်ဒံးကပြ့ၢ်ဆူအံၤဆူနုၤန့ၣ်လီၤ. ဒီးတၢ်န့ၣ်မ့ၢ်ကလံၤမုၢ်အဆူၣ်ကတၢၢ်လၢကီၢ်အဲၤကူပတူးသ့ၣ်ညါ ဘၣ်ဝဲလၢအတၢ်စံၣ်စိၤတဲစိၤအပူၤန့ၣ်လီၤ.

လံာ်ယိၤအ့လး 2:2

ကမ့ၢ်တၢ်ခံးတၢ်နၤဒီးတၢ်သူၣ်အုးသးအုးအမုၢ်တနံၤ, တၢ်အၢၣ်ဒီးတၢ်ခံးသူအမုၢ်တနံၤလီၤ. ဒွဲၣ်ဧိၤသကံၤဧိၤဂီၢ်မုၢ်ဂီၢ်ပၤဟဲထီၣ်ဝဲ လီၤဂာ်ဒ်တၢ်ခံးတၢ်နၤသလၣ်လီၤအသးလၢကစၢၢ်ကလိအလိၤ အသိးန့ၣ်လီၤ. တၢ်ဒ်န့ၣ်အသိးတမၤတ့ၢ်အသးနီတဘျီဘၣ်. ဒီးတမၤလၢၤကဒီး အသးနီတဘျီဘၣ်.

လံာ်ယိၤအ့လး 2:9

အဝဲသ့ၣ်ဃ့ၢ်သဖှိဃီၤဆူဝ့ၢ်, ဃ့ၢ်လၢဝ့ၢ်ခိၣ်ဒူတဖၣ်အလိၤ, လဲၤနုာ်ဆူဟံၣ်တဖၣ်အပူၤ ဒီးလဲၤနုာ်ခီဖျိပဲတြီဖိတဖၣ်ဒ်တၢ်ဘျၣ်တဖၣ်အသိးလီၤ.

ဧ့ၤဘြံၤ 11:27

လၢတၢ်စူၢ်တၢ်နာ်န့ၣ် စီၤမိၤၡ့ဟးထီၣ်ကွံာ်လၢအဲၤကူပတူး အပူၤဒီးတပျံၤဘၣ်စီၤပၤအတၢ်သးဒိၣ်ထီၣ်န့ၣ်ဘၣ်. အဝဲအိၣ်ဂၢၢ်ဆိးကျၢၤဒီးတက့ၤကဒါက့ၤဝဲဘၣ်န့ၣ်, မၤအသးဒ်အထံၣ်ဘၣ်ကစၢ်ယွၤလၢတၢ်ထံၣ်အီၤတသ့ဘၣ် တဂၤအသိးန့ၣ်လီၤ.