လံာ်တၢ်ဟးထီၣ်ကွံာ် 10:5 - Sgaw Karen Common Bible

⁵ ဒီးကအိၣ်အါဝဲတုၤဒၣ်လဲာ်ကမၤပှဲၤဟီၣ်ခိၣ်လၢာ်လၢာ်ဆ့ဆ့န့ၣ် လီၤ. အဝဲသ့ၣ်ကအီၣ်ကွံာ်တၢ်အိၣ်လီၤတဲာ်လၢသူၣ်တဖၣ်တမၤဟးဂီၤဘၣ် ဝဲ, ဒီးသ့ၣ်လၢအအိၣ်လီၤတဲာ်တဖၣ်ဒၣ်လဲာ်န့ၣ်လီၤ.

လံာ်တၢ်ဟးထီၣ်ကွံာ် 10:5 Iomraidhean Croise

လံာ်တၢ်ဟးထီၣ်ကွံာ် 10:12

တုၤနုၤတစု, ယွၤစံးဘၣ်စီၤမိၤၡ့, “ယူာ်ထီၣ်နစုလၢကီၢ် အဲၤကူပတူးအဖီခိၣ်ဒ်သိးဒွဲၣ်တဖၣ်ကဟဲလီၤအဂီၢ်န့ၣ်တက့ၢ်. အဝဲသ့ၣ်ကဟဲလီၤဒီးအီၣ်ကွံာ်ကယဲၢ်တၢ်လၢအမဲထီၣ်ခဲလၢာ်ဒီး ကယဲၢ်တၢ်လၢသူၣ်တမၤဟးဂီၤဒီးအိၣ်လီၤတဲာ်တ့ၢ်တဖၣ်န့ၣ်လီၤ.”

လံာ်တၢ်ဟးထီၣ်ကွံာ် 10:15

အဝဲသ့ၣ်လုၣ်ဘၢကွံာ်ဟီၣ်ခိၣ်တုၤဒၣ်လဲာ်ဟီၣ်ခိၣ်ထီၣ်သူလၢအဃိ န့ၣ်လီၤ. အဝဲသ့ၣ်အီၣ်ကွံာ်ကယဲၢ်တၢ်အိၣ်လီၤတဲာ်တဖၣ်လၢသူၣ် တမၤဟးဂီၤအီၤ, ဃုာ်ဒီးသ့ၣ်သၣ်ခဲလၢာ်လၢသ့ၣ်တဖၣ်အလိၤန့ၣ်လီၤ. ဒီးတၢ်အဟ့အလါတအိၣ်တ့ၢ်ဘၣ်နီတမံၤလၢသ့ၣ်ဧိၤဝၣ်ဧိၤမ့ၢ်ဂ့ၤ, တၢ်မုၢ်တၢ်ဘိမ့ၢ်ဂ့ၤလၢကီၢ်အဲၤကူပတူးဒီကီၢ်ညါအပူၤဘၣ်.

လံာ်တၢ်ဟးထီၣ်ကွံာ် 10:4

နမ့ၢ်ဂ့ၢ်လိာ်ဒံးယၤဒီးခဲဂီၤကိာ်ယကဒုးဟဲထီၣ်ဒွဲၣ်ဧိၤ သကံၤဧိၤလၢနကီၢ်ပူၤလီၤ.

လံာ်တၢ်ဟးထီၣ်ကွံာ် 9:32

မ့မ့ၢ်ဘုကၠူၣ်ဒီးဘုစမ့းတဖၣ်တဟးဂီၤဘၣ်. မ့ၢ်လၢမံဝဲစဲၤခံ အဃိန့ၣ်လီၤ.

လံာ်ယိၤအ့လး 1:4

ဒွဲၣ်ဧိၤတြၤဧိၤတဖုဝံၤတဖုဟဲထီၣ်ဒီးမၤဟးဂီၤကွံာ်တၢ်မုၢ်တၢ်ဘိတဖၣ်လီၤ. တၢ်လၢဒွဲၣ်တဖုပာ်လီၤတဲာ်တ့ၢ်ဝဲန့ၣ်, အဂၤတဖုမၤဟးဂီၤကွံာ်ဝဲလီၤ.

လံာ်ယိၤအ့လး 2:25

တၢ်လၢအလီၤမၢ်တ့ၢ်ဖဲနံၣ်ဧိၤလါဧိၤလၢဒွဲၣ်ဧိၤ သကံၤဧိၤတဖၣ်အီၣ်ကွံာ်တ့ၢ်ဝဲသုတၢ်မုၢ်တၢ်ဘိန့ၣ်ယကဟ့ၣ်ကဒါ က့ၤသုလီၤ. မ့ၢ်လၢယမၢလီၤဒွဲၣ်ဧိၤသကံၤဧိၤတဖၣ်ဆူသုအိၣ် အဃိန့ၣ်လီၤ.

လံာ်ယိၤအ့လး 2:3

အဝဲသ့ၣ်အီၣ်ကွံာ်တၢ်မုၢ်တၢ်ဘိတဖၣ်ဒ်မ့ၣ်အူအီၣ်တၢ်အသိး, ဒီးလၢအဝဲသ့ၣ်အမဲာ်ညါန့ၣ်ထံဧိၤကီၢ်ဧိၤမၤအသးဒ် ဧ့ၤဒ့ၣ်တၤသၣ်အလီၢ်အသိးန့ၣ်လီၤ. ဘၣ်ဆၣ်တုၤအဝဲသ့ၣ်အီၣ်ကွံာ်တၢ်ဝံၤအလီၢ်ခံန့ၣ် ကဲထီၣ်တၢ်ဃ့ထီအလီၢ်န့ၣ်လီၤ. ဒီးတၢ်တပူၤဖျဲးဘၣ်ဒီးအီၤနီတမံၤဘၣ်.