လံာ်တၢ်ဟးထီၣ်ကွံာ် 10:23 - Sgaw Karen Common Bible

²³ ဒီးပှၤအဲၤကူပတူးဖိတဖၣ်ထံၣ်လိာ်အသးတဂၤဒီးတဂၤတသ့ဘၣ်. ဒီးအကတီၢ်ဖဲန့ၣ်ပှၤတဟးထီၣ်ဘၣ်လၢအဟံၣ်ပူၤနီတဂၤဘၣ်. မ့မ့ၢ်ပှၤအံၣ်စရ့လးဖိတဖၣ်အိၣ်ဒီးတၢ်ကပီၤလၢအအိၣ်ဝဲဆိး ဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 10:23 Iomraidhean Croise

လံာ်တၢ်ဟးထီၣ်ကွံာ် 14:20

တၢ်အၢၣ်မၤခံးသူတၢ်လၢပှၤအဲၤကူပတူးဖိတဖၣ်အဂီၢ်ဘၣ်ဆၣ်ဒီး ဟ့ၣ်တၢ်ကပီၤဆူပှၤအံၣ်စရ့လးဖိတဖၣ်အအိၣ်လီၤ. မၤသးဒ်န့ၣ်ဒီး, သီတနၤကျၢၤန့ၣ်သုးမုၢ်တဖၣ်တဖုဒီးတဖု သုးဘူးလိာ်အသးတသ့ဘၣ်န့ၣ်လီၤ.

လံာ်တၢ်ဟးထီၣ်ကွံာ် 7:25

ဒီးနွံသီပူၤကွံာ်ဝဲဖဲယွၤတီၢ်ထံကျိဝံၤအလီၢ်ခံန့ၣ်လီၤ.

လံာ်တၢ်ဟးထီၣ်ကွံာ် 8:18

ပှၤမၤကဒါပှၤမဲာ်တဖၣ်ကျဲးစၢးဒုးအိၣ်ထီၣ်ဃးသူဃးလါတဖၣ်ဘၣ် ဆၣ်ဒီးတကဲထီၣ်ဝဲဒၣ်ဘၣ်. ဒီးဃးသူဃးလါတဖၣ်အိၣ်ဝဲဒၣ်လၢတၢ်လီၢ်ကိးပူၤဒဲး,

လံာ်တၢ်ဟးထီၣ်ကွံာ် 8:19

ဒီးပှၤမၤကဒါပှၤမဲာ်တဖၣ်စံးဘၣ်စီၤပၤ, “တၢ်အံၤမ့ၢ်ကစၢ်ယွၤအတၢ်မၤလီၤ.” ဘၣ်ဆၣ်ဒီးစီၤပၤအသးကိၤဝဲဒ်သိးဒၣ်ယွၤစံးဝဲလၢစီၤပၤ တမ့ၢ်ကဒိကနၣ်စီၤမိၤၡ့ဒီးစီၤအၤဟရိၣ်ဘၣ်န့ၣ်လီၤ.

လံာ်တၢ်ဟးထီၣ်ကွံာ် 8:22

ဘၣ်ဆၣ်ယကပျဲပူၤကီၢ်ကိၡ့ၣ်ဖဲယပှၤဂီၢ်မုၢ်တဖၣ်အိၣ်ဝဲဆိးဝဲဒ် သိးသၣ်ဘုလါသုတအိၣ်ဖဲန့ၣ်နီတဘ့ၣ်တဂ့ၤန့ၣ်လီၤ. ယကမၤတၢ်အံၤဒ်သိးနကသ့ၣ်ညါလၢ, ယၤ, ယွၤအံၤယမ့ၢ်ပှၤလၢအမၤတၢ်အံၤလၢကီၢ်အံၤအပူၤလီၤ.

လံာ်တၢ်ဟးထီၣ်ကွံာ် 9:26

သူၣ်တလီၤဘၣ်ဒၣ်ထဲလၢကီၢ်ကိၡ့ၣ်ဖဲပှၤအံၣ်စရ့လးဖိတဖၣ်အိၣ် ဝဲဆိၣ်ဝဲအလီၢ်ဧိၤန့ၣ်လီၤ.

လံာ်တၢ်ဟးထီၣ်ကွံာ် 9:4

ဘၣ်ဆၣ်ဒီးယကပာ်လီၤဆီပှၤအံၣ်စရ့လးဖိတဖၣ်အဆၣ်ဖိကီၢ်ဖိဒီး ပှၤအဲၤကူပတူးဖိတဖၣ်အဆၣ်ဖိကီၢ်ဖိဒီးပှၤအံၣ်စရ့လးဖိတဖၣ် အဆၣ်ဖိကီၢ်ဖိတဘၣ်သံနီတဒုဘၣ်.

လံာ်ယၡါယၤ 42:16

ယကဆှၢယပှၤမဲာ်ဘျီၣ်တဖၣ် လၢကျဲတဖၣ်လၢအဝဲသ့ၣ်တလဲၤဘၣ်ဝဲ နီတဘျီန့ၣ်လီၤ. ယကဒုးကဲထီၣ်က့ၤအဝဲသ့ၣ်အတၢ်ခံးဆူတၢ်ကပီၤဒီးမၤပၢၤထံ ကီၢ်လၢအကနၢၣ်ခိၣ်ချၢန့ၣ်, လၢအဝဲသ့ၣ်အမဲာ်ညါလီၤ. တၢ်တဖၣ်အံၤမ့ၢ်ယတၢ်အၢၣ်လီၤအီလီၤ ဒီးယကဟံးဃာ်အီၤသပှၢ်ကတၢၢ်လီၤ.

လံာ်ဧၤမိၣ် 4:7

ယတြီဃာ်တၢ်ဟဲစူၤဖဲသုတၢ်မုၢ်တၢ်ဘိတဖၣ်လိၣ်ဘၣ်အီၤ အဒိၣ်ကတၢၢ်အကတီၢ်န့ၣ်လီၤ. ယဒုးဟဲစူၤလီၤတၢ်လၢဝ့ၢ်တ ဖျၢၣ်အဖီခိၣ်ဘၣ်ဆၣ်တြီဃာ်တၢ်စူၤလၢဝ့ၢ်အဂၤတဖျၢၣ်အဖီခိၣ် လီၤ. တၢ်ဟဲစူၤလီၤလၢဟီၣ်ခိၣ်တကဝီၤအဖီခိၣ်ဘၣ်ဆၣ်ဟီၣ်ခိၣ်အဂၤ တကဝီၤလၢတၢ်တဟဲစူၤဘၣ်န့ၣ်ဃ့ထီကွံာ်ဝဲလီၤ.

လံာ်မၤလကံ 3:18

တုၤနုၤတစု, ယပှၤဂီၢ်မုၢ်ကထံၣ်ဘၣ်တၢ်လီၤဆီလၢအမၤအ သးလၢပှၤတီပှၤလိၤဒီးပှၤတတီတလိၤ, ပှၤလၢအမၤယတၢ်ဒီးပှၤလၢ အတမၤယတၢ်အဘၢၣ်စၢၤန့ၣ်လီၤ.”

ကလီးစဲ 1:13

အဝဲထုးထီၣ်ကွံာ်ပှၤလၢတၢ်ခံးတၢ်နၤအတၢ်ပၢအဖီလာ် ဒီးစိာ်ခီပှၤဆူအဖိခွါလၢတၢ်အဲၣ်အီၤတဂၤအဘီအမုၢ် အပူၤန့ၣ်လီၤ.

လံာ်စီၤယိၤၡူ 24:7

ကိးထီၣ်ယၤလၢတၢ်မၤစၢၤအဂီၢ်သတးဒီးယပာ်လီၤတၢ်ခံးလၢအဝဲ သ့ၣ်ဒီးပှၤအဲၤကူပတူးဖိအဘၢၣ်စၢၤန့ၣ်လီၤ. ယဒုးဟဲထီၣ်ပီၣ်လဲၣ်အထံလၢပှၤအဲၤကူပတူးဖိတဖၣ် အဖီခိၣ်ဒီးဒုးလီၤအုးသံကွံာ်အဝဲသ့ၣ်လီၤ. သုသ့ၣ်ညါတၢ်လၢယမၤတ့ၢ်လၢအဲၤကူပတူးအဂီၢ်လံ. ဒီးသုအိၣ်သုဆိးလၢပှၢ်မုၢ်ကနၢအပူၤအါနံၣ်အါလါလီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.