လံာ်တၢ်ဟးထီၣ်ကွံာ် 10:22 - Sgaw Karen Common Bible

²² မၤသးဒ်န့ၣ်ဒီးစီၤမိၤၡ့ယူာ်ထီၣ်အစုဆူမူခိၣ်, ဒီးတၢ်ခံးသူလီၤလၢကီၢ်အဲၤကူပတူးဒီဘ့ၣ်ညါသၢသီန့ၣ် လီၤ.

လံာ်တၢ်ဟးထီၣ်ကွံာ် 10:22 Iomraidhean Croise

လံာ်စီၤယိၤဘး 5:14

လၢမုၢ်ထူၣ်အကတီၢ်ဒၣ်လဲာ်န့ၣ်အဝဲသ့ၣ်ဃုကလၢၢ်တၢ်ဒ်လၢ မုၢ်နၤအသိးန့ၣ်လီၤ.

စံးထီၣ်ပတြၢၤ 105:28

ကစၢ်ယွၤဆှၢလီၤတၢ်ခံးတၢ်နၤလၢ ကီၢ်အလိၤ, ဘၣ်ဆၣ် ပှၤအဲၤကူပတူးဖိတဖၣ် တစူၢ်ဘၣ်အတၢ်မၤလိာ်ဘၣ်.

လံာ်တၢ်ဟးထီၣ်ကွံာ် 20:21

ဘၣ်ဆၣ်ဒီးပှၤဂီၢ်မုၢ်အိၣ်ဆၢထၢၣ်ဒံးဝဲဖးယံၤန့ၣ်လီၤ. ထဲဒၣ်စီၤမိၤၡ့တဂၤဧိၤလဲၤဝဲဘူးဒီးတၢ်အၢၣ်ခံးသူဖဲကစၢ် ယွၤအိၣ်ဝဲအလီၢ်န့ၣ်လီၤ.

လံာ်ယၡါယၤ 8:22

မ့တမ့ၢ်, ကကွၢ်စူၢ်ဟီၣ်ခိၣ်, ဘၣ်ဆၣ်ဒီးတထံၣ်တၢ်နီတမံၤဘၣ်. ကထံၣ်ဒၣ်ထဲတၢ်ကီတၢ်ခဲဒီးတၢ်ခံးတၢ်နၤ, လၢတၢ်ခံးတၢ်နၤလီၤ ပျံၤလီၤဖုးတခါအဝဲသ့ၣ်ဘၣ်တၢ်နီၣ်နုာ်အီၤဆူအပူၤန့ၣ်လီၤ.

လံာ်ယဃ့းစက့လး 32:7

ဖဲယမၤဟးဂီၤကွံာ်နၤန့ၣ်, ယကကးဘၢမူကပိာ်လိၤဒီးတြီတံာ် ဃးဆၣ်ဧိၤဖီဧိၤတဖၣ်န့ၣ်လီၤ. မုၢ်န့ၣ်ကအိၣ်ခူသူၣ်လၢတၢ်အၢၣ်တဖၣ် အလီၢ်ခံဒီးလါန့ၣ်တဟ့ၣ်ထီၣ်ဘၣ်အတၢ်ကပီၤဘၣ်.

လံာ်ယဃ့းစက့လး 32:8

ယကမၤလီၤပံာ်ကွံာ်မူခိၣ်အတၢ်ကပီၤတဖၣ်ဒီးမၤခံးလီၤနဟီၣ်ခိၣ် ဒီဘ့ၣ်ညါန့ၣ်လီၤ. ယၤ, ယွၤ, ပၢဘၣ်တၢ်ခဲလၢာ်ကစၢ် ကတိၤတ့ၢ်လံတၢ်လံ.

လံာ်ယိၤအ့လး 2:2

ကမ့ၢ်တၢ်ခံးတၢ်နၤဒီးတၢ်သူၣ်အုးသးအုးအမုၢ်တနံၤ, တၢ်အၢၣ်ဒီးတၢ်ခံးသူအမုၢ်တနံၤလီၤ. ဒွဲၣ်ဧိၤသကံၤဧိၤဂီၢ်မုၢ်ဂီၢ်ပၤဟဲထီၣ်ဝဲ လီၤဂာ်ဒ်တၢ်ခံးတၢ်နၤသလၣ်လီၤအသးလၢကစၢၢ်ကလိအလိၤ အသိးန့ၣ်လီၤ. တၢ်ဒ်န့ၣ်အသိးတမၤတ့ၢ်အသးနီတဘျီဘၣ်. ဒီးတမၤလၢၤကဒီး အသးနီတဘျီဘၣ်.

လံာ်ယိၤအ့လး 2:31

တချုးလၢယွၤအမုၢ်နံၤလၢအလီၤပျံၤလီၤ ဖုးဖးဒိၣ်ဟဲဝဲဒံးဘၣ်န့ၣ်မုၢ်ကခံးလီၤဝဲ, ဒီးလါန့ၣ်ကလဲလိာ်အသးဆူအလွဲၢ်ဂီၤဒ်တၢ်သွံၣ်အသိးန့ၣ်လီၤ.

လံာ်ဧၤမိၣ် 4:13

အဂ့ၢ်ဒ်အံၤ, ကွၢ်ကွၢ်, ပှၤလၢအမၤကစၢၢ်ကလိ ဒီးတ့လီၤကလံၤသီၣ်ဂီၤ, လၢအဒုးသ့ၣ်ညါပှၤကညီလၢအတၢ်ဆိကမိၣ်, လဲလိာ်မုၢ်နံၤဆူမုၢ်နၤ ဒီးယီၢ်လီၤဟီၣ်ခိၣ်အလီၢ်ထီၣ်ထီတဖၣ်န့ၣ်, မ့ၢ်ကစၢ်ယွၤ, တၢ်သုးမုၢ်ဂီၢ်မုၢ်အကစၢ်မ့ၢ်အမံၤလီၤ.

လံာ်ဧၤမိၣ် 4:7

ယတြီဃာ်တၢ်ဟဲစူၤဖဲသုတၢ်မုၢ်တၢ်ဘိတဖၣ်လိၣ်ဘၣ်အီၤ အဒိၣ်ကတၢၢ်အကတီၢ်န့ၣ်လီၤ. ယဒုးဟဲစူၤလီၤတၢ်လၢဝ့ၢ်တ ဖျၢၣ်အဖီခိၣ်ဘၣ်ဆၣ်တြီဃာ်တၢ်စူၤလၢဝ့ၢ်အဂၤတဖျၢၣ်အဖီခိၣ် လီၤ. တၢ်ဟဲစူၤလီၤလၢဟီၣ်ခိၣ်တကဝီၤအဖီခိၣ်ဘၣ်ဆၣ်ဟီၣ်ခိၣ်အဂၤ တကဝီၤလၢတၢ်တဟဲစူၤဘၣ်န့ၣ်ဃ့ထီကွံာ်ဝဲလီၤ.

လံာ်သိၣ်လီၤသီလီၤတၢ် 4:11

တဲဘၣ်သုဖိတဖၣ်လၢသုလဲၤဒီးဆၢထၢၣ်လၢကစၢၢ်အခီၣ်ထံးဒ်လဲၣ်, ဖဲကစၢၢ်န့ၣ်ဘၣ်တၢ်ကးဘၢအီၤလၢမ့ၣ်အူလုၣ်အတၢ်အၢၣ်ဖးတီၣ်တဖၣ် ဒီးမ့ၣ်အူကပျီၤထီၣ်ဆူမူကပိာ်လိၤန့ၣ်တက့ၢ်.

လံာ်သိၣ်လီၤသီလီၤတၢ် 5:22

တၢ်တဖၣ်အံၤမ့ၢ်တၢ်မၤလိာ်တဖၣ်လၢယွၤဟ့ၣ်လီၤသုဝဲကိးဂၤဒဲး, ဖဲသုပာ်ဖှိၣ်ထီၣ်သုသးလၢကစၢၢ်အခါန့ၣ်လီၤ. ဖဲအဝဲကတိၤတၢ်လၢအကလုၢ်ဖးဒိၣ်လၢမ့ၣ်အူအကျါဒီးလၢတၢ်အၢၣ် အတီၢ်အကျါန့ၣ်, အဝဲဟ့ၣ်လီၤတၢ်မၤလိာ်တဖၣ်အံၤဒီးအဂၤတအိၣ်ဘၣ်. အန့ၣ်ဝံၤဒီးအဝဲကွဲးလီၤဝဲလၢလၢၢ်ဘ့ၣ်ဘၣ်ခံဘ့ၣ်အလိၤ, ဒီးဟ့ၣ်လီၤအီၤလၢယၤန့ၣ်လီၤ.

လံာ်လီၣ်ဖျါ 16:10

အန့ၣ်ဝံၤအလီၢ်ခံကလူးယဲၢ်ဂၤတဂၤလူလီၤဂၢ်လီၤအသလၢ လၢတၢ်ဒူတၢ်ဃိၤအလီၢ်ပစိာ်အဖီခိၣ်လီၤ. တၢ်ခံးလီၤဝဲလၢတၢ်ဒူတၢ်ဃိၤအဘီအမုၢ် အပူၤ, ဒီးပှၤကညီတဖၣ်အ့ၣ်တံၢ်အပျ့ၤလၢအတၢ်နးတၢ်ဖှီၣ် အဃိလီၤ.