လံာ်တၢ်ဟးထီၣ်ကွံာ် 10:21 - Sgaw Karen Common Bible

²¹ ဒီးယွၤစံးဘၣ်စီၤမိၤၡ့, “ယူာ်ထီၣ်နစုဆူမူခိၣ်ဒီးတၢ် ခံးသူကလီၤဘၣ်ကီၢ်အဲၤကူပတူး, တုၤဒၣ်လဲာ်ပှၤကကလၢာ်ဘၣ်အီၤကသ့ဝဲလီၤ.”

လံာ်တၢ်ဟးထီၣ်ကွံာ် 10:21 Iomraidhean Croise

လံာ်စီၤယိၤဘး 5:14

လၢမုၢ်ထူၣ်အကတီၢ်ဒၣ်လဲာ်န့ၣ်အဝဲသ့ၣ်ဃုကလၢၢ်တၢ်ဒ်လၢ မုၢ်နၤအသိးန့ၣ်လီၤ.

စံးထီၣ်ပတြၢၤ 105:28

ကစၢ်ယွၤဆှၢလီၤတၢ်ခံးတၢ်နၤလၢ ကီၢ်အလိၤ, ဘၣ်ဆၣ် ပှၤအဲၤကူပတူးဖိတဖၣ် တစူၢ်ဘၣ်အတၢ်မၤလိာ်ဘၣ်.

စံးထီၣ်ပတြၢၤ 35:6

မ်အကျဲခံး ဒီးဒုးလီၤတလံာ်တၢ်, ဒီးမ်ယွၤအကလူးလူၤအီၤတက့ၢ်.

စံးထီၣ်ပတြၢၤ 78:49

အဝဲဒုးလီၤဘၣ်တၢ်ကိၢ်တၢ်ဂီၤဖးဒိၣ်လၢ အဝဲသ့ၣ်အလိၤခီဖျိလူလီၤအတၢ်သးဒိၣ်ဒီး အတၢ်သးကဲၤထီၣ်လၢ အဟဲဒ်တၢ်သံအကလူးတဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 7:19

ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကလဲၤစိာ် အနီၣ်ထိးဘိ, ဒီးယူာ်ထီၣ်အီၤလၢထံကျိခဲလၢာ်, ထံကျိၤတဖၣ်ဒီးကမါတဖၣ်အဖီခိၣ်လၢကီၢ်အဲၤကူပတူးအပူၤ တက့ၢ်. ဒီးထံကကဲထီၣ်လၢတၢ်သွံၣ်, ဒီးတၢ်သွံၣ်ကအိၣ်လၢကီၢ်ဒီ ဘ့ၣ်ညါ, တုၤလၢသ့ၣ်သရာ်ဒီးလၢၢ်သရာ်တဖၣ်အပူၤဒၣ်လဲာ်န့ၣ်လီၤ.”

လံာ်တၢ်ဟးထီၣ်ကွံာ် 9:22

တုၤနုၤတစုယွၤစံးဘၣ်စီၤမိၤၡ့, “ယူာ်ထီၣ်နစုဆူမူခိၣ် ဒီးသူၣ်ကလီၤလၢကီၢ်အဲၤကူပတူးဒီကီၢ်ညါအဖီခိၣ်, လၢပှၤဂီၢ်မုၢ်, ဆၣ်ဖိကီၢ်ဖိဒီးကယဲၢ်တၢ်မုၢ်တၢ်ဘိတဖၣ်လၢအအိၣ်လၢစံာ်ပျီ ပူၤအလိၤန့ၣ်လီၤ.”

တၢ်ကတိၤဒိ. 4:19

မ့မ့ၢ်, ပှၤတတီတလိၤအကျဲခံးဝဲဒ်မုၢ်နၤအသိးလီၤ. အဝဲသ့ၣ်လီၤဃံၤဝဲဒီးအခီၣ်ဘၣ်တိၢ်လၢမနုၤမနုၤလဲၣ်န့ၣ် အဝဲသ့ၣ်ထံၣ်ဝဲတသ့ဘၣ်.

လံာ်ပှၤစံၣ်တဲၤတဲလီၤတၢ် 2:14

ပှၤကူၣ်တၢ်သ့တဖၣ်န့ၣ်မ့ၢ်အဝဲသ့ၣ်လဲၤဆူလဲၣ်ဆူလဲၣ်န့ၣ်ထံၣ် သ့ၣ်ညါဝဲလီၤ. မ့မ့ၢ်ပှၤဟးဂီၤဖိတဖၣ်တထံၣ်သ့ၣ်ညါဝဲဘၣ်. ဘၣ်ဆၣ်ဒီးယသ့ၣ်ညါစ့ၢ်ကီးလၢတၢ်ဘူၣ်တၢ်တီၢ်တမံၤဃီန့ၣ်အိၣ် ခိးပာ်ပှၤကိးဂၤဒဲးလီၤ.

လံာ်ပှၤစံၣ်တဲၤတဲလီၤတၢ် 6:4

တၢ်န့ၣ်တမၤဂ့ၤဖိသၣ်န့ၣ်လၢကအိၣ်ဖျဲၣ်ထီၣ်နီတမံၤဘၣ်. တၢ်န့ၣ်လီၤမၢ်ကွံာ်ဝဲဆူတၢ်ခံးတၢ်နၤအပူၤ, တၢ်လီၢ်ဖဲအဘၣ်တၢ်သးပ့ၤနီၣ်ကွံာ်အီၤန့ၣ်လီၤ.

လံာ်ယဃ့းစက့လး 32:7

ဖဲယမၤဟးဂီၤကွံာ်နၤန့ၣ်, ယကကးဘၢမူကပိာ်လိၤဒီးတြီတံာ် ဃးဆၣ်ဧိၤဖီဧိၤတဖၣ်န့ၣ်လီၤ. မုၢ်န့ၣ်ကအိၣ်ခူသူၣ်လၢတၢ်အၢၣ်တဖၣ် အလီၢ်ခံဒီးလါန့ၣ်တဟ့ၣ်ထီၣ်ဘၣ်အတၢ်ကပီၤဘၣ်.

လံာ်မးသဲ 27:45

ဖဲမုၢ်ထူၣ်အကတီၢ်န့ၣ်, တၢ်ခံးလီၤလၢကီၢ်ဒီဘ့ၣ်ညါအပူၤတုၤလီၤလၢ ဟါသၢနၣ်ရံၣ်အကတီၢ်န့ၣ်လီၤ.

လံာ်မၢ်ကူး 15:33

တုၤမုၢ်ထူၣ်အကတီၢ်ဘၣ်ဒီး, တၢ်ဟဲခံးလီၤလၢကီၢ်ဒီဘ့ၣ်ညါ အပူၤပၢၢ်တုၤလၢမုၢ်ဃ့ၢ်လီၤသၢနၣ်ရံၣ်လီၤ.

လံာ်လူၤကၣ် 23:44

ဖဲမုၢ်ဆါခီတဆံခံနၣ်ရံၣ်ဃၣ်ဃၣ်န့ၣ်, မုၢ်ဆိကတီၢ်ကွံာ်အတၢ်ကပီၤဒီး တၢ်ခံးမးလၢကီၢ်ဒီဘ့ၣ်ညါတုၤလၢဟါခီလီၤသၢနၣ်ရံၣ်,

လံာ်သိၣ်လီၤသီလီၤတၢ် 1:30

ယွၤ, သုကစၢ်ယွၤကဆှၢသုဒီးအဝဲကဒုးတၢ်လၢသုဂီၢ်, ဒ်သိးဒၣ်သုထံၣ်အဝဲမၤတ့ၢ်ဝဲလၢကီၢ်အဲၤကူပတူးအပူၤအသိး,

လံာ်သိၣ်လီၤသီလီၤတၢ် 28:29

သုကဟးပုာ်ကလၢၢ်တၢ်လၢမုၢ်ထူၣ်အခါဒ်ပှၤမဲာ်ဘျီၣ်တဂၤအသိး, ဒီးသုဃုထံၣ်သုကျဲတသ့ဝဲဘၣ်. လၢသုမၤတၢ်တမံၤလၢ်လၢ်အပူၤန့ၣ်, သုတဘီၣ်ထီၣ်ညီထီၣ်ဘၣ်. သုကဘၣ်တၢ်မၤနၢၤမၤပ့ၤသုဒီးဂုာ်န့ၢ်ဝာ်န့ၢ်သုတပယူာ်ဃီ ဒီးပှၤတအိၣ်ဘၣ်လၢကမၤစၢၤသုနီတဂၤဘၣ်.

လံာ်သိၣ်လီၤသီလီၤတၢ် 4:34

ဒ်ယွၤ, သုကစၢ်ယွၤမၤတ့ၢ်တၢ်လၢသုဂီၢ်လၢကီၢ်အဲၤကူပတူး အပူၤအသိးန့ၣ်, မ့ၢ်ကစၢ်လၢအလဲၤဒီးထုးထီၣ်ကွံာ်ပှၤဂီၢ်မုၢ်တဖုလၢပှၤအဂၤ တကလုာ်အကျါဒီးဒုးကဲထီၣ်အီၤလၢအတၢ်ဒၣ်ဝဲဘူၣ်န့ၣ်ကအိၣ်တဂၤ ဂၤဧါ. သုထံၣ်ဘၣ်အဝဲသူတ့ၢ်အတၢ်စိတၢ်ကမီၤဒီးတၢ်ဂံၢ်တၢ်ဘါဖးဒိၣ် လၢသုမဲာ်ချံဒၣ်သုဝဲလီၤ. အဝဲဒုးလီၤဘၣ်တၢ်ဆါသံသတြိာ်ဒီးတၢ်ဒုးတၢ်ယၤ, မၤတ့ၢ်တၢ်လီၤလးတဖၣ်ဒီးတၢ်လီၤကမၢကမၣ်တဖၣ်ဒီးဒုးအိၣ်ထီၣ် တၢ်လီၤပျံၤလီၤဖုးတဖၣ်လၢကမၤအသးန့ၣ်လီၤ.

၂ ပ့းတရူး 2:17

ပှၤသ့ၣ်တဖၣ်အံၤလီၤဂာ်ဒီးထံမူထီၣ်ပၢၤလၢထံတအိၣ် လၢၤဘၣ်, တၢ်အၢၣ်တဖၣ်လၢကလံၤမုၢ်အူဒီးဒံကွံာ်ဝဲ အသိး, ဒီးကစၢ်ယွၤကတဲာ်ကတီၤတၢ်လီၢ်လၢအဝဲသ့ၣ် အဂီၢ်လၢတၢ်ခံးယိာ်ကတၢၢ်အပူၤန့ၣ်လီၤ.

၂ ပ့းတရူး 2:4

ကလူးလၢအမၤတၢ်ဒဲးဘးတဖၣ်န့ၣ်, ကစၢ်ယွၤတပျၢ်ဖျဲး အီၤဘၣ်ဒီးတ့ၢ်လီၤကွံာ်အဝဲသ့ၣ်ဆူလရာ်အပူၤ, ဒီးဖဲန့ၣ်အဝဲသ့ၣ်ဘၣ်တၢ်စၢဃာ်အီၤလၢတၢ်ခံးတၢ်နၤ အပူၤဒီးအိၣ်ခိးမုၢ်စံၣ်ညီၣ်အနံၤန့ၣ်လီၤ.

ယူဒၤ 1:13

အဝဲသ့ၣ်တဖၣ်လီၤဂာ်ဒီးပီၣ်လဲၣ်လပီတပျုာ်တပျီၤ, ဒီးအတၢ်မၤလၢအလီၤမဲာ်ဆှးတဖၣ်အိၣ်ဖျါထီၣ်ဒ်ပီၣ်လဲၣ် သဘှဲထီၣ်အသိးန့ၣ်လီၤ. အဝဲသ့ၣ်လီၤဂာ်ဒီးဆၣ်လၢအယူၤ တဖၣ်, လၢကစၢ်ယွၤကတဲာ်ကတီၤပာ်စၢၤန့ၢ်အလီၢ်လီၤထူလီၤ ယိာ်လၢတၢ်ခံးယိာ်အပူၤန့ၣ်လီၤ.

ယူဒၤ 1:6

သ့ၣ်နီၣ်ထီၣ်က့ၤကလူးတဖၣ်လၢအတအိၣ်လၢအတၢ်စိကမီၤ အဘၢၣ်ကဝီၤအပူၤ, မ့မ့ၢ်ဟးထီၣ်ကွံာ်လၢအတၢ်အိၣ်တၢ်ဆိးအလီၢ်ဒၣ်ဝဲန့ၣ် တက့ၢ်. အဝဲသ့ၣ်ဘၣ်တၢ်စၢဃာ်အီၤလၢပျံၤထးအထူအယိာ် လၢတၢ်ခံးတၢ်နၤအပူၤလၢလာ်, ဖဲကစၢ်ယွၤပာ်ဃာ်အဝဲသ့ၣ်လၢတၢ်ကစံၣ်ညီၣ်ဃၣ် အီၤဖဲမုၢ်နံၤဖးဒိၣ်န့ၣ်အဂီၢ်လီၤ.

လံာ်လီၣ်ဖျါ 8:12

တုၤနုၤတစုကလူးလွံၢ်ဂၤတဂၤအူထီၣ်အကွဲၤလီၤ. မုၢ်အသၢပူတပူဒီးလါအသၢပူတပူဒီးဆၣ်တဖၣ်အသၢပူ တပူဘၣ်တၢ်မၤဘၣ်ဒိအီၤတုၤဒၣ်လဲာ်အဝဲသ့ၣ်အတၢ်ကပီၤ အကပြုၢ်ကပြီၤလီၤမၢ်ကွံာ်ဝဲဒၣ်သၢပူတပူန့ၣ်လီၤ. မုၢ်နံၤအသၢပူတပူဒီးမုၢ်နၤအသၢပူတပူစ့ၢ်ကီးန့ၣ်, အတၢ်ကပီၤတအိၣ်ဘၣ်.