လံာ်တၢ်ဟးထီၣ်ကွံာ် 10:15 - Sgaw Karen Common Bible

¹⁵ အဝဲသ့ၣ်လုၣ်ဘၢကွံာ်ဟီၣ်ခိၣ်တုၤဒၣ်လဲာ်ဟီၣ်ခိၣ်ထီၣ်သူလၢအဃိ န့ၣ်လီၤ. အဝဲသ့ၣ်အီၣ်ကွံာ်ကယဲၢ်တၢ်အိၣ်လီၤတဲာ်တဖၣ်လၢသူၣ် တမၤဟးဂီၤအီၤ, ဃုာ်ဒီးသ့ၣ်သၣ်ခဲလၢာ်လၢသ့ၣ်တဖၣ်အလိၤန့ၣ်လီၤ. ဒီးတၢ်အဟ့အလါတအိၣ်တ့ၢ်ဘၣ်နီတမံၤလၢသ့ၣ်ဧိၤဝၣ်ဧိၤမ့ၢ်ဂ့ၤ, တၢ်မုၢ်တၢ်ဘိမ့ၢ်ဂ့ၤလၢကီၢ်အဲၤကူပတူးဒီကီၢ်ညါအပူၤဘၣ်.

လံာ်တၢ်ဟးထီၣ်ကွံာ် 10:15 Iomraidhean Croise

စံးထီၣ်ပတြၢၤ 78:46

အဝဲဆှၢလီၤဒွဲၣ်တဖၣ်လၢ ကအီၣ်ကွံာ်အတၢ်မုၢ် တၢ်ဘိတဖၣ်ဒီး မၤဟးဂီၤအစံၣ်ပျီတဖၣ်န့ၣ်လီၤ.

လံာ်တၢ်ဟးထီၣ်ကွံာ် 10:12

တုၤနုၤတစု, ယွၤစံးဘၣ်စီၤမိၤၡ့, “ယူာ်ထီၣ်နစုလၢကီၢ် အဲၤကူပတူးအဖီခိၣ်ဒ်သိးဒွဲၣ်တဖၣ်ကဟဲလီၤအဂီၢ်န့ၣ်တက့ၢ်. အဝဲသ့ၣ်ကဟဲလီၤဒီးအီၣ်ကွံာ်ကယဲၢ်တၢ်လၢအမဲထီၣ်ခဲလၢာ်ဒီး ကယဲၢ်တၢ်လၢသူၣ်တမၤဟးဂီၤဒီးအိၣ်လီၤတဲာ်တ့ၢ်တဖၣ်န့ၣ်လီၤ.”

လံာ်တၢ်ဟးထီၣ်ကွံာ် 10:5

ဒီးကအိၣ်အါဝဲတုၤဒၣ်လဲာ်ကမၤပှဲၤဟီၣ်ခိၣ်လၢာ်လၢာ်ဆ့ဆ့န့ၣ် လီၤ. အဝဲသ့ၣ်ကအီၣ်ကွံာ်တၢ်အိၣ်လီၤတဲာ်လၢသူၣ်တဖၣ်တမၤဟးဂီၤဘၣ် ဝဲ, ဒီးသ့ၣ်လၢအအိၣ်လီၤတဲာ်တဖၣ်ဒၣ်လဲာ်န့ၣ်လီၤ.

တၢ်ကတိၤဒိ. 30:27

ဒွဲၣ်ဧိၤတြၤဧိၤတဖၣ်အစီၤပၤတအိၣ်ဘၣ်. ဘၣ်ဆၣ်သုးထီၣ်သုးလီၤအသးအိၣ်ဒီးအဂ့ၢ်အဝီန့ၣ်လီၤ.

လံာ်ယိၤအ့လး 1:4

ဒွဲၣ်ဧိၤတြၤဧိၤတဖုဝံၤတဖုဟဲထီၣ်ဒီးမၤဟးဂီၤကွံာ်တၢ်မုၢ်တၢ်ဘိတဖၣ်လီၤ. တၢ်လၢဒွဲၣ်တဖုပာ်လီၤတဲာ်တ့ၢ်ဝဲန့ၣ်, အဂၤတဖုမၤဟးဂီၤကွံာ်ဝဲလီၤ.

လံာ်ယိၤအ့လး 2:25

တၢ်လၢအလီၤမၢ်တ့ၢ်ဖဲနံၣ်ဧိၤလါဧိၤလၢဒွဲၣ်ဧိၤ သကံၤဧိၤတဖၣ်အီၣ်ကွံာ်တ့ၢ်ဝဲသုတၢ်မုၢ်တၢ်ဘိန့ၣ်ယကဟ့ၣ်ကဒါ က့ၤသုလီၤ. မ့ၢ်လၢယမၢလီၤဒွဲၣ်ဧိၤသကံၤဧိၤတဖၣ်ဆူသုအိၣ် အဃိန့ၣ်လီၤ.

လံာ်ဧၤမိၣ် 7:2

လၢယတၢ်ထံၣ်လၢညါခီအပူၤယထံၣ်တ့ၢ်ဒွဲၣ်တဖၣ်အီၣ်လၢာ်ကွံာ်ကယဲၢ် တၢ်အသံကစဲာ်ကိးမံၤဒဲးလၢကီၢ်ပူၤန့ၣ်လီၤ. တုၤနုၤတစုယစံး, တၢ်စိတၢ်ကမီၤခဲလၢာ်အယွၤဧၢ, ပျၢ်နပှၤဂီၢ်မုၢ်အတၢ်ကမၣ်တက့ၢ်. အဝဲသ့ၣ်မူဒံးဝဲကသ့ဒ်လဲၣ်. အဝဲသ့ၣ်မ့ၢ်ပှၤအဆံးဒီးအဂံၢ်စၢ်ဘါစၢ်ဒိၣ်မးလီၤ.

လံာ်တၢ်ဂံၢ် 22:5

မၤသးဒ်န့ၣ်ဒီးစီၤပၤဘၤလးဆှၢလီၤပှၤစိာ်တၢ်ကစီၣ်ဖိတဖၣ်လၢ ကဟဲက့ၤကိးစီၤဘဧိၢ်အဖိခွါစီၤဘံးလၣ်, လၢအအိၣ်ဝဲဖဲ ဝ့ၢ်ပသူၣ်လၢထံကျိဖရၤသးအကပၤလၢကီၢ်အမိၢ်အပူၤန့ၣ်လီၤ. အဝဲသ့ၣ်လဲၤစိာ်န့ၢ်အီၤစီၤဘၤလးအတၢ်ကစီၣ်လၢအစံးဝဲ, “ယအဲၣ်ဒိး, နသ့ၣ်ညါလၢပှၤဒီတကလုာ်ဟဲဟးထီၣ်လၢကီၢ်အဲၤကူပတူးလီၤ. အပှၤဂီၢ်မုၢ်ရၤလီၤအသးသကုၤတၢ်လီၢ်ကိးပူၤဒဲးဒီးမၤပျံၤ မၤဖုးတၢ်လၢကဟံးန့ၢ်ပကီၢ်န့ၣ်လီၤ.