လံာ်တၢ်ဟးထီၣ်ကွံာ် 10:14 - Sgaw Karen Common Bible

¹⁴ အဝဲသ့ၣ်ဟဲဝဲအါဖုအါဂီၢ်ဒီးစီၢ်လီၤလၢကီၢ်အဲၤကူပတူးဒီ ဘ့ၣ်ညါန့ၣ်လီၤ. တၢ်န့ၣ်မ့ၢ်ဒွဲၣ်ဧိၤသကံၤဧိၤအဖုအဂီၢ်အဒိၣ်ကတၢၢ်လၢတၢ်တထံၣ် ဘၣ်တ့ၢ်အီၤနီတစုမ့ၢ်ဂ့ၤ, တဘၣ်တၢ်ထံၣ်ကဒီးအီၤနီတစုလၢၤမ့ၢ်ဂ့ၤဘၣ်န့ၣ်လီၤ.

လံာ်တၢ်ဟးထီၣ်ကွံာ် 10:14 Iomraidhean Croise

လံာ်စီၤပၤအခီၣ်ထံးတဘ့ၣ် 8:37

လၢကီၢ်အံၤအပူၤဖဲတၢ်သၣ်ဝံၤလီၤဒိအိၣ်ထီၣ်အံၤမ့ၢ်ဂ့ၤ, တၢ်သံသတြိာ်တမံၤမၤအသးမ့ၢ်ဂ့ၤ, တၢ်မုၢ်တၢ်ဘိတဖၣ်ဘၣ်တၢ်မၤဟးဂီၤကွံာ်အီၤလၢကလံၤမုၢ်ကိၢ် အဃိမ့ၢ်ဂ့ၤ, လၢဒွဲၣ်အဖုအဂီၢ်အဃိမ့ၢ်ဂ့ၤ, ဒီးဖဲနပှၤဂီၢ်မုၢ်ဘၣ်တၢ်ထီဒါအီၤလၢအဝဲသ့ၣ်အဒုၣ်အဒါတဖၣ် အခါမ့ၢ်ဂ့ၤ,

စံးထီၣ်ပတြၢၤ 78:46

အဝဲဆှၢလီၤဒွဲၣ်တဖၣ်လၢ ကအီၣ်ကွံာ်အတၢ်မုၢ် တၢ်ဘိတဖၣ်ဒီး မၤဟးဂီၤအစံၣ်ပျီတဖၣ်န့ၣ်လီၤ.

လံာ်တၢ်ဟးထီၣ်ကွံာ် 11:6

ဒီးတၢ်ဟီၣ်တၢ်ယၢၤဖးဒိၣ်ကအိၣ်လၢကီၢ်အဲၤကူပတူးဒီဘ့ၣ်ညါ အပူၤလီၤ. တၢ်ဒ်န့ၣ်အသိးအံၤတအိၣ်တ့ၢ်နီတဘျီဒီးတအိၣ်လၢၤနီ တဘျီလၢၤဘၣ်.

လံာ်တၢ်ဟးထီၣ်ကွံာ် 9:18

ခဲဂီၤကိာ်လၢအကတီၢ်ဒ်အံၤန့ၣ်ယကဒုးစူၤလီၤသူၣ်နးနးကလဲာ် လၢကီၢ်အဲၤကူပတူးတသ့ၣ်ညါတ့ၢ်ဘၣ်လၢအတၢ်စံၣ်စိၤတဲစိၤအပူၤ နီတစုဘၣ်န့ၣ်လီၤ.

တၢ်ကတိၤဒိ. 30:27

ဒွဲၣ်ဧိၤတြၤဧိၤတဖၣ်အစီၤပၤတအိၣ်ဘၣ်. ဘၣ်ဆၣ်သုးထီၣ်သုးလီၤအသးအိၣ်ဒီးအဂ့ၢ်အဝီန့ၣ်လီၤ.

လံာ်ယိၤအ့လး 1:7

အဝဲသ့ၣ်မၤဟးဂီၤကွံာ်ပစပံးမုၢ် တဖၣ်ဒီးအ့ၣ်ကွံာ်ပချၢၣ်ဒၢအထူၣ်တဖၣ်လီၤ. အဝဲသ့ၣ်အီးကွံာ်ပချၢၣ်ဒၢအထူၣ်တဖၣ်အဖံးဒီးကွံာ်ကွံာ်ဝဲ, ဒီးအဒ့တဖၣ်အိၣ်တ့ၢ်ဝါဝဲဒၣ်န့ၣ်လီၤ.

လံာ်သိၣ်လီၤသီလီၤတၢ် 28:38

သုကဖှံလီၤတၢ်ချံအါအါဂီၢ်ဂီၢ်, ဘၣ်ဆၣ်ကူးဘၣ်တၢ်ထဲစှၤကိာ်ဧိၤ, မ့ၢ်လၢဒွဲၣ်ဧိၤတြၤဧိၤတဖၣ်ကအီၣ်ကွံာ်သုတၢ်မုၢ်တၢ်ဘိ, တၤသူတၤသၣ်တဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 28:42

ကယဲၢ်သုသ့ၣ်အထူၣ်တဖၣ်ဒီးတၢ်မုၢ်တၢ်ဘိ, တၤသူတၤသၣ်တဖၣ်ကဘၣ် တၢ်အီၣ်ဂီၤကွံာ်အီၤလၢတၢ်ဖိဃၢ်တဖၣ်န့ၣ်လီၤ.