လံာ်တၢ်ဟးထီၣ်ကွံာ် 10:1 - Sgaw Karen Common Bible

¹ တုၤနုၤတစုယွၤစံးဘၣ်စီၤမိၤၡ့, “လဲၤဆူစီၤပၤအအိၣ်တက့ၢ်. အဂ့ၢ်ဒ်အံၤ, ယမၤကိၤတ့ၢ်အဝဲဒီးအပဒိၣ်ပပှၢ်တဖၣ်အသးဒ်သိးယကမၤတၢ်လီၤလးတဖၣ်အံၤလၢအကျါ,

လံာ်တၢ်ဟးထီၣ်ကွံာ် 10:1 Iomraidhean Croise

စံးထီၣ်ပတြၢၤ 7:11

ကစၢ်ယွၤမ့ၢ်ပှၤစံၣ်ညီၣ်တၢ်အတီအလိၤ ဒီးစံၣ်ညီၣ်ဃၣ်ပှၤအၢပှၤသီထီဘိန့ၣ်လီၤ.

လံာ်တၢ်ဟးထီၣ်ကွံာ် 10:20

ဘၣ်ဆၣ်ယွၤမၤကိၤထီၣ်ကီၢ်အဲၤကူပတူးအစီၤပၤအသး, ဒီးတပျဲလဲၤဘၣ်ပှၤအံၣ်စးရ့လးဖိအတၢ်ဘၣ်.

လံာ်တၢ်ဟးထီၣ်ကွံာ် 3:20

ဘၣ်ဆၣ်ဒီးယကယူာ်ထီၣ်ယစုဒီးစံၣ်ညီၣ်ပှၤအဲၤကူပတူးဖိလၢတၢ် လီၤပျံၤလီၤဖုးတဖၣ်ဖဲန့ၣ်လီၤ. ဒီးတၢ်တဖၣ်န့ၣ်ဝံၤအလီၢ်ခံ အဝဲသ့ၣ်ကပျဲသုဟးထီၣ်လီၤ.

လံာ်တၢ်ဟးထီၣ်ကွံာ် 4:21

ဒီးယွၤစံးဘၣ်စီၤမိၤၡ့, “တုၤနက့ၤကဒါက့ၤဆူကီၢ်အဲၤကူပတူး န့ၣ်မၤတၢ်လီၤလးတဖၣ်လၢယဟ့ၣ်စိဟ့ၣ်ကမီၤနၤလၢနကမၤအီၤ လၢစီၤပၤဖၤရိၤအမဲာ်ညါတက့ၢ်. ယကမၤကိၤထီၣ်အသးဒ်သိးအသုတပျဲပှၤဂီၢ်မုၢ်တဖၣ်ဟးထီၣ်တဂ့ၤ န့ၣ်လီၤ.

လံာ်တၢ်ဟးထီၣ်ကွံာ် 7:4

တုၤနုၤတစုယကဟဲစိာ်တၢ်စံၣ်ညီၣ်ဆါဆါကလဲာ်လၢကီၢ်အဲၤကူပတူးအလိၤ, ဒီးဒုးဟးထီၣ်ကွံာ်ပှၤဂီၢ်မုၢ်, ပှၤအံၣ်စရ့လးဖိ, လၢကီၢ်အဲၤကူပတူးန့ၣ်လီၤ.

လံာ်တၢ်ဟးထီၣ်ကွံာ် 9:12

ဘၣ်ဆၣ်ဒီးယွၤမၤကိၤထီၣ်စီၤပၤအသး, ဒီးဒ်ယွၤစံးဝဲအသိး, စီၤပၤတဒိကနၣ်ဘၣ်စီၤမိၤၡ့ဒီးစီၤအၤဟရိၣ်ဘၣ်.

လံာ်တၢ်ဟးထီၣ်ကွံာ် 9:16

ဘၣ်ဆၣ်ယပာ်မူနၤဒ်သိးယကဒုးနဲၣ်နၤလၢယစိယကမီၤဒ်သိးယမံၤ ကဘၣ်တၢ်စံၣ်တဲၤတဲလီၤအီၤလၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်တၢ်ဟးထီၣ်ကွံာ် 9:27

တုၤနုၤတစုစီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤ ဟရိၣ်ဒီးစံးဝဲဒၣ်, “တဘျီအံၤယမၤတ့ၢ်တၢ်ဒဲးဘးလံ. ယွၤအိၣ်လၢတၢ်အဘၣ်တခီ, မ့မ့ၢ်ယၤဒီးယပှၤဂီၢ်မုၢ်ပအိၣ်လၢတၢ်အကမၣ်တခီလီၤ.

လံာ်ယိၤဟၣ် 12:40

“ကစၢ်ယွၤမၤဘျီၣ်အဝဲသ့ၣ်အမဲာ်ချံတဖၣ် ဒီးမၤကိၤထီၣ်အဝဲသ့ၣ်အသး, ဒ်သိးအမဲာ်ချံတဖၣ်သုတထံၣ်တၢ်တဂ့ၤ ဒီးအသးအသုတနၢ်ပၢၢ်တၢ်တဂ့ၤ, ဒီးအဝဲသ့ၣ်အသုတဃၣ်အသးဆူအအိၣ် လၢအကမၤဘျါက့ၤအဝဲသ့ၣ်အဂီၢ်တဂ့ၤန့ၣ်လီၤ” (ၡါ ၆:၁၀).

ရိမ့ၤ 9:17

အဂ့ၢ်ဒ်လဲၣ်န့ၣ်, တၢ်ကွဲးအသးစီဆှံစံးဘၣ်ဖၤရိၤ, “ယဒုးကဲထီၣ်နၤစီၤပၤလၢယကသူနၤလၢယကဒုးနဲၣ် ယစိကမီၤအဂီၢ်, ဒီးလၢယမံၤကဘၣ်တၢ်သ့ၣ်ညါအီၤလၢ ဟီၣ်ခိၣ်ဒီဘ့ၣ်အဂီၢ်န့ၣ်လီၤ.”

ရိမ့ၤ 9:18

လၢတၢ်န့ၣ်အဃိ, ကစၢ်ယွၤသးကညီၤပှၤလၢအသးအိၣ်သး ကညီၤဝဲတဖၣ်, ဒီးမၤကိၤပှၤအသးဖဲအသးအိၣ်မၤဝဲန့ၣ်လီၤ.

လံာ်စီၤယိၤၡူ 11:20

အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:8

အဝဲသ့ၣ်မ့ၢ်ကစၢ်တဖၣ်လၢအမၤသံတ့ၢ်ပှၤအဲၤကူပတူးဖိတဖၣ်လၢ မဲးမုၢ်ခိၣ်န့ၣ်လီၤ.