လံာ်တၢ်ဟးထီၣ်ကွံာ် 1:9 - Sgaw Karen Common Bible

⁹ ဒီးစီၤပၤအံၤစံးဘၣ်အပှၤကူၣ်လိာ်တၢ်တဖၣ်, “ပှၤအံၣ်စရ့လးဖိတဖၣ်အံၤအါထီၣ်ဂီၢ်ထီၣ်ဝဲဒီးအဂံၢ်အဘါ ဆူၣ်ထီၣ်ဝဲတုၤဒၣ်လဲာ်မ့ၢ်တၢ်လီၤပျံၤလီၤဖုးလၢပဂီၢ်လီၤ.

လံာ်တၢ်ဟးထီၣ်ကွံာ် 1:9 Iomraidhean Croise

လံာ်တၢ်ကဲထီၣ်အခီၣ်ထံး 26:16

တုၤနုၤတစု, စီၤအဘံၤမ့လ့းစံးဘၣ်စီၤအံၤစဲး, “ဟးထီၣ်လၢပထံပကီၢ်အပူၤအံၤတက့ၢ်. အဂ့ၢ်ဒ်အံၤ, နကဲထီၣ်လံပှၤလၢအစိကမီၤဒိၣ်န့ၢ်အါန့ၢ်ပှၤတက့ၢ်လီၤ.”

လံာ်တၢ်ကဲထီၣ်အခီၣ်ထံး 46:3

ကစၢ်ယွၤစံးဘၣ်အီၤ, “ယမ့ၢ်ကစၢ်ယွၤ, နပၢ်အကစၢ်ယွၤလီၤ. နကလဲၤဆူကီၢ်အဲၤကူပတူးန့ၣ်ပျံၤတၢ်တ ဂ့ၤ. ယကဒုးကဲထီၣ်နစၢၤနသွဲၣ်တဖၣ်လၢပှၤကလုာ်ဖးဒိၣ်ဖဲန့ၣ်လီၤ.

လံာ်စီၤယိၤဘး 5:2

တၢ်မၤကိၢ်မၤဂီၤလီၤနသးတုၤနသံလၢတၢ်သူၣ်ဒိၣ်သးဖျိး အဃိန့ၣ်ကမ့ၢ်တၢ်မၢးဒီးတၢ်သးတဆးအတၢ်မၤလီၤ.

လံာ်တၢ်ဟးထီၣ်ကွံာ် 5:5

သုပှၤဂီၢ်မုၢ်အနီၣ်ဂံၢ်အါထီၣ်န့ၢ်ဒံးပှၤအဲၤကူပတူးဖိတဖၣ်လီၤ. ဒီးခဲကနံၣ်အံၤသုအဲၣ်ဒိးဆိကတီၢ်အမၤတၢ်လီၤ.”

တၢ်ကတိၤဒိ. 14:28

စီၤပၤတဂၤအတၢ်ဒိၣ်တၢ်မုၢ်န့ၣ်သန့ၤထီၣ်အသးလၢအပၢဘၣ်ပှၤပှံၤဂၤ လဲၣ်န့ၣ်လီၤ. ပှၤဂီၢ်မုၢ်တအိၣ်ဘၣ်ဒီးအဝဲတမ့ၢ်တၢ်နီတမံၤဘၣ် န့ၣ်လီၤ.

တၢ်ကတိၤဒိ. 27:4

တၢ်သူၣ်ဒိၣ်သးဖျိးန့ၣ်အၢသီဒီးမၤဟးဂီၤတၢ်သ့လီၤ. ဘၣ်ဆၣ်ဒီးတုၤတၢ်ထိၣ်သတြီၤအီၤဒီးတၢ်သူၣ်က့ၣ်သးကါန့ၣ်, တမ့ၢ်တၢ်နီတမံၤလၢၤဘၣ်လီၤ.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

ယၤကိာ် 4:5

တဘၣ်ဆိကမိၣ်လၢတၢ်မ့ၢ်တၢ်တီတအိၣ်ဘၣ်လၢတၢ်ကွဲး အသးအပူၤလၢအစံးဝဲ, “သးလၢကစၢ်ယွၤဒၢနုာ်လီၤဆူပပူၤအံၤပှဲၤဝဲဒီးတၢ်သးကွံ တဖၣ်လၢအဂံၢ်ဆူၣ်ဝဲလီၤ” န့ၣ်တဂ့ၤ.