လံာ်တၢ်ဟးထီၣ်ကွံာ် 1:22 - Sgaw Karen Common Bible

²² လၢခံကတၢၢ်န့ၣ်, စီၤပၤဟ့ၣ်လီၤအကလုၢ်ဆူပှၤအဲၤကူပတူးဖိ ဒီးစံးဝဲ, “ဟံးန့ၢ်ပှၤဧ့ၤဘြံၤဖိသၣ်ပိာ်ခွါဖိလၢအအိၣ် ဖျဲၣ်ထီၣ်သီကိးဂၤဒဲးဒီးတ့ၢ်လီၤကွံာ်အီၤဆူထံကျိနံၤလါ အပူၤတက့ၢ်. မ့မ့ၢ်ဖိသၣ်ပိာ်မုၣ်ဖိတဖၣ်န့ၣ်ပျဲအမူကိးဂၤဒဲး တက့ၢ်.”

လံာ်တၢ်ဟးထီၣ်ကွံာ် 1:22 Iomraidhean Croise

လံာ်တၢ်ကဲထီၣ်အခီၣ်ထံး 41:1

ခံနံၣ်ပူၤကွံာ်အလီၢ်ခံကီၢ်အဲၤကူပတူးအစီၤပၤမံမီၢ်တ့ၢ် ဝဲဒၣ်လၢအဝဲဆၢထၢၣ်လၢထံကျိနံလၤအကပၤ,

စံးထီၣ်ပတြၢၤ 105:25

အဝဲဒုးသးဟ့ပှၤအဲၤကူပတူးဖိတဖၣ်လၢ အပှၤဂီၢ်မုၢ်ဒီး မၤအခ့အပှၤတဖၣ်လၢ တၢ်လီတၢ်ဝ့ၤအပူၤန့ၣ်လီၤ.

လံာ်တၢ်ဟးထီၣ်ကွံာ် 1:16

“ဖဲသုမၤစၢၤပှၤဧ့ၤဘြံၤမုၣ်တဖၣ်ဆံးစၢ်အဖိန့ၣ်မ့ၢ်အိၣ် ဖျဲၣ်ထီၣ်အပိာ်ခွါဖိဒီးမၤသံကွံာ်အီၤတက့ၢ်. မ့မ့ၢ်အပိာ်မုၣ်ဖိဒီးပျဲအမူတက့ၢ်,” န့ၣ်လီၤ.

လံာ်တၢ်ဟးထီၣ်ကွံာ် 2:6

ဒီးအိးထီၣ်ဝဲ, ဒီးထံၣ်ဘၣ်ဖိသၣ်ပိာ်ခွါတဂၤလီၤ. ဒီးဖိသၣ်န့ၣ်ဟီၣ်ဝဲ, ဒီးသးကညီၤဘၣ်အီၤ, ဒီးစံးဝဲဒၣ်, “အဝဲအံၤမ့ၢ်ပှၤဧ့ၤဘြံၤ ဖိသၣ်ပိာ်ခွါဖိတဂၤလီၤ.”

တၢ်ကတိၤဒိ. 1:16

အဂ့ၢ်ဒ်အံၤ, အဝဲသ့ၣ်တဖၣ်အခီၣ်ဃ့ၢ်ဝဲချ့ချ့ကလဲာ်ဆူတၢ် အၢတၢ်သီအပူၤလီၤ. ဒီးအိၣ်ကတဲာ်ကတီၤအသးထီဘိလၢကမၤသံတၢ်အဂီၢ်လီၤ.

တၢ်ကတိၤဒိ. 27:4

တၢ်သူၣ်ဒိၣ်သးဖျိးန့ၣ်အၢသီဒီးမၤဟးဂီၤတၢ်သ့လီၤ. ဘၣ်ဆၣ်ဒီးတုၤတၢ်ထိၣ်သတြီၤအီၤဒီးတၢ်သူၣ်က့ၣ်သးကါန့ၣ်, တမ့ၢ်တၢ်နီတမံၤလၢၤဘၣ်လီၤ.

တၢ်ကတိၤဒိ. 4:16

ပှၤတတီတလိၤတဖၣ်န့ၣ်, မ့ၢ်တမၤကမၣ်ဘၣ်တၢ်တမံၤမံၤဒီးမံဝဲ တန့ၢ်ဘၣ်. မ့ၢ်တမၤဆါဘၣ်ပှၤတဂၤဂၤဘၣ်ဒီး, တမံဘၣ်ဝဲဘၣ်.

မၤတၢ် 7:19

အဝဲဒၣ်အသးတဘျၢလၢပပှၤကလုာ်အဖီခိၣ်ဘၣ်ဒီး, မၤအၢမၤနးဝဲဒီးမၢဆူၣ်ပမိၢ်ပၢ်ဖံဖုလၢပျၢၤတဖၣ်လၢ အကပာ်အဖိအိၣ်ဖျဲၣ်ထီၣ်သီတဖၣ်လၢဟံၣ်အချၢဒ်သိး အကသံကွံာ်ဝဲအဂီၢ်န့ၣ်လီၤ.

ဧ့ၤဘြံၤ 11:23

လၢတၢ်စူၢ်တၢ်နာ်န့ၣ်, စီၤမိၤၡ့အိၣ်ဖျဲၣ်ထီၣ်ဝံၤအလီၢ်ခံအမိၢ် အပၢ်တဖၣ်ပာ်ခူသူၣ်အီၤသၢလါလီၤ. အဂ့ၢ်မ့ၢ်လၢ အထံၣ်ဝဲလၢဖိသၣ်အံၤအက့ၢ်အဂီၤဂ့ၤဒီးဃံလၤဝဲသတး ဒီးအဝဲသ့ၣ်တပျံၤဘၣ်စီၤပၤအတၢ်မၤလိာ်ဘၣ်.