လံာ်တၢ်ဟးထီၣ်ကွံာ် 1:21 - Sgaw Karen Common Bible

²¹ ဒီးမ့ၢ်လၢပှၤကွၢ်ပဟုးတဖၣ်ပျံၤကစၢ်ယွၤအဃိ, ကစၢ်ယွၤဟ့ၣ်အီၤလၢအဟံၣ်ဖိဃီဖိဒၣ်ဝဲစုာ်စုာ်လီၤ.

လံာ်တၢ်ဟးထီၣ်ကွံာ် 1:21 Iomraidhean Croise

လံာ်စီၤပၤအခီၣ်ထံးတဘ့ၣ် 11:38

နမ့ၢ်စူၢ်ယၤလၢလၢပှဲၤပှဲၤ, အိၣ်မူလၢယတၢ်သိၣ်တၢ်သီ တဖၣ်အပူၤဒီးမၤန့ၢ်ယတၢ်ဘၣ်သူၣ်ဘၣ်သးနၤခီဖျိမၤတၢ်လၢယမၤ လိာ်နၤ, ဒ်ယခ့ယပှၤစီၤဒၤဝံးမၤတ့ၢ်ဝဲအသိးန့ၣ်ဒီးယကအိၣ်ဒီးနၤထီ ဘိန့ၣ်လီၤ. ယကဒုးကဲထီၣ်နၤလၢကီၢ်အံၣ်စရ့လးအစီပၤ, ဒီးသပှၢ်ကတၢၢ်နစၢၤနသွဲၣ်တဖၣ်ကပၢဘၣ်တၢ်လၢနလီၢ်ခံ, ဒ်ယမၤတ့ၢ်တၢ်လၢစီၤဒၤဝံးအဂီၢ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:24

ယွၤပာ်လီၤယၤဂၢၢ်ဂၢၢ်ကျၢၤကျၢၤလၢယပၢ်စီၤဒၤဝံးအလီၢ်ပစိာ် အဖီခိၣ်န့ၣ်လီၤ. အဝဲဟံးဃာ်အတၢ်အၢၣ်လီၤ, ဒီးဟ့ၣ်လီၤယၤဒီးယစၢၤယသွဲၣ်တဖၣ်လၢ ဘီမုၢ်န့ၣ်လီၤ. ယဆိၣ်တၢ်လၢယွၤလၢအမူဝဲတဂၤအမံၤအပူၤလၢစီၤအဒိနံၤယၤကသံ ဝဲတနံၤအံၤဒၣ်လဲာ်န့ၣ်လီၤ.”

စံးထီၣ်ပတြၢၤ 112:1

စံးထီၣ်ပတြၢၤယွၤတက့ၢ်. ပှၤလၢအပျံၤယွၤ, ပှၤလၢအသးခုဒိၣ်ဒိၣ်ကလဲာ်လၢတၢ်စူၢ် အတၢ်မၤလိာ်အပူၤန့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 127:1

ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤဝဲကလီကလီလီၤ. ယွၤမ့ၢ်တကွၢ်ဝ့ၢ်ဘၣ်ဒီး, ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

စံးထီၣ်ပတြၢၤ 127:3

ကွၢ်ကွၢ်, ပဖိပလံၤန့ၣ်မ့ၢ်တၢ်န့ၢ်သါဟဲလၢယွၤလီၤ. ဒီးပှၤဒၢလီၢ်အတၤသၣ်န့ၣ် မ့ၢ်တၢ်အဘူးအလဲလီၤ.

စံးထီၣ်ပတြၢၤ 37:3

သန့ၤနသးလၢယွၤဒီးမၤတၢ်ဂ့ၤတက့ၢ်. အန့ၣ်ဒီးနကအိၣ်နဲကဆိးနဲလၢထံဧိၤကီၢ်ဧိၤအပူၤ ဒီးမုာ်လၤသးခုလၢတၢ်ပူၤဖျဲးအပူၤန့ၣ်တက့ၢ်.

လံာ်တၢ်ဟးထီၣ်ကွံာ် 1:17

ဘၣ်ဆၣ်ဒီးပိာ်မုၣ်လၢအကွၢ်ပဟုးတဖၣ်န့ၣ်မ့ၢ်ပှၤလၢအပျံၤကစၢ်ယွၤ ဒီးတမၤဝဲဒ်အဲၤကူပတူးအစီၤပၤမၤလိာ်ဝဲအသိးန့ၣ်ဘၣ်. မ့မ့ၢ်ပျဲဖိသၣ်ပိာ်ခွါတဖၣ်မူဝဲဒၣ်န့ၣ်လီၤ.

တၢ်ကတိၤဒိ. 24:3

ဟံၣ်တဖၣ်ဘၣ်တၢ်သူၣ်ထီၣ်အီၤလၢတၢ်အခီၣ်ထံးလၢအမ့ၢ်ဝဲ တၢ်ကူၣ်သ့ဒီးတၢ်သ့ၣ်ညါနၢ်ပၢၢ်အဖီခိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:12

ပှၤဒဲးဘးဖိတဂၤမ့ၢ်မၤတၢ်ထီဒါတၢ်သိၣ်တၢ်သီအဘျီတက ယၤနာ်က့အိၣ်မူဒံးဝဲလီၤ. အိ, မ့ၢ်, ယသ့ၣ်ညါတၢ်လၢအဝဲသ့ၣ် စံးဝဲ, “နမ့ၢ်စူၢ်ကစၢ်ယွၤဒီး, တၢ်ခဲလၢာ်ကဘၣ်ဘျီးဘၣ်ဒါဝဲလီၤ.”

လံာ်ယံးရမံယၤ 35:2

“လဲၤဆူပှၤရ့ကးဖိအဒူၣ်ထၢ အဟံၣ်ဖိဃီဖိတဖၣ်အအိၣ်ဒီး ကတိၤတၢ်ဒီး အဝဲသ့ၣ်တက့ၢ်. ဝံၤဒီးဟဲက့ၤ ကိးအဝဲ သ့ၣ်ဆူဒၢးအကျါတဒၢးလၢ ယွၤအတၢ်လုၢ်ဟံၣ်အပူၤဒီး ဟ့ၣ်အီအဝဲသ့ၣ် လၢစပံးထံတနီၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 2:35

ယကဃုထၢထီၣ်ပှၤလုၢ်တၢ်အခိၣ်တဂၤလၢအသူၣ်ကတီသးကလိၤဒီးယၤ ဒီးမၤကယဲၢ်တၢ်ကိးမံၤလၢယအဲၣ်ဒိးအကမၤဝဲဒၣ်န့ၣ်လီၤ. ယကဟ့ၣ်အီၤလၢအစၢၤအသွဲၣ်တဖၣ်လၢအကမၤတၢ်လၢ စီၤပၤလၢယဃုထၢထီၣ်အီၤအမဲာ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:28

တၢ်ဒိၣ်ဧၢ, ဝံသးစူၤပျၢ်ကယဲၢ်တၢ်လၢယမၤကမၣ်ဘၣ်တ့ၢ်အီၤတမံၤလၢ်လၢ်န့ၣ်တက့ၢ်. ယွၤကဒုးကဲထီၣ်နၤဒီးနစၢၤနသွဲၣ်တဖၣ်စ့ၢ်ကီးလၢစီၤပၤလီၤ. အဂ့ၢ်ဒ်အံၤ, နဒုးအတၢ်ဒုးတဖၣ်ဒီးလၢနအိၣ်မူဒံးအမုၢ်နံၤတဖၣ် န့ၣ်နတဘၣ်မၤတၢ်အၢတၢ်သီနီတမံၤဘၣ်လီၤ.