လံာ်တၢ်ဟးထီၣ်ကွံာ် 1:19 - Sgaw Karen Common Bible

¹⁹ ဒီးအဝဲသ့ၣ်စံးဆၢဝဲဒၣ်, “ပှၤဧ့ၤဘြံၤမုၣ်တဖၣ်န့ၣ်တဒ်သိး ဒီးပှၤအဲၤကူပတူးမုၣ်တဖၣ်န့ၣ်ဘၣ်. အဝဲသ့ၣ်ဆံးစၢ်န့ၢ်အဖိညီဝဲ ဒီးတချုးလၢပဝဲတဂၤဂၤလဲၤတုၤဒံးဘၣ်န့ၣ်ဖိသၣ်တဖၣ်အိၣ် ဖျဲၣ်လံန့ၣ်လီၤ.”

လံာ်တၢ်ဟးထီၣ်ကွံာ် 1:19 Iomraidhean Croise

လံာ်တၢ်ဟးထီၣ်ကွံာ် 1:18

မၤသးဒ်န့ၣ်ဒီးစီၤပၤကိးန့ၢ်ပှၤကွၢ်ပဟုးတဖၣ်ဒီးသံကွၢ်ဝဲ, “ဘၣ်မနုၤလၢသုပျဲဖိသၣ်ပိာ်ခွါတဖၣ်အိၣ်မူဝဲဒၣ်န့ၣ်လဲၣ်.”

လံာ်တၢ်ဟးထီၣ်ကွံာ် 1:20

ဒီးကစၢ်ယွၤမၤဂ့ၤပှၤကွၢ်ပဟုးတဖၣ်ဒီးပှၤဂီၢ်မုၢ်အါထီၣ်ဒီး ဆူၣ်ထီၣ်ဒိၣ်မးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:2

စီၤဒၤဝံးစံးဆၢဝဲ, “ယဟဲဖဲအံၤလၢစီၤပၤအတၢ်ဖံးတၢ်မၤ အဂ့ၢ်လီၤ. အဝဲတဲယၤဒ်သိးတၢ်လၢအဝဲမၢလီၤယၤလၢယကမၤအံၤ, ယသုတပျဲပှၤသ့ၣ်ညါနီတဂၤတဂ့ၤလီၤ. မ့မ့ၢ်ယပှၤတဖၣ်န့ၣ်ယမၤလိာ်တ့ၢ်အဝဲသ့ၣ်လၢကထံၣ်လိာ်ယၤဖဲ တၢ်လီၢ်လီၤဆီတပူၤန့ၣ်လီၤ.