လံာ်တၢ်ဟးထီၣ်ကွံာ် 1:16 - Sgaw Karen Common Bible

¹⁶ “ဖဲသုမၤစၢၤပှၤဧ့ၤဘြံၤမုၣ်တဖၣ်ဆံးစၢ်အဖိန့ၣ်မ့ၢ်အိၣ် ဖျဲၣ်ထီၣ်အပိာ်ခွါဖိဒီးမၤသံကွံာ်အီၤတက့ၢ်. မ့မ့ၢ်အပိာ်မုၣ်ဖိဒီးပျဲအမူတက့ၢ်,” န့ၣ်လီၤ.

လံာ်တၢ်ဟးထီၣ်ကွံာ် 1:16 Iomraidhean Croise

စံးထီၣ်ပတြၢၤ 105:25

အဝဲဒုးသးဟ့ပှၤအဲၤကူပတူးဖိတဖၣ်လၢ အပှၤဂီၢ်မုၢ်ဒီး မၤအခ့အပှၤတဖၣ်လၢ တၢ်လီတၢ်ဝ့ၤအပူၤန့ၣ်လီၤ.

လံာ်တၢ်ဟးထီၣ်ကွံာ် 1:15

ဒီးကီၢ်အဲၤကူပတူးအစီၤပၤစံးဘၣ်နီၢ်ၡံးပရၤဒီးနီၢ်ပူၤ ဧၤလၢအမ့ၢ်ပှၤကွၢ်ဟုးလၢမၤစၢၤပှၤဧ့ၤဘြံၤမုၣ်တဖၣ်န့ၣ်,

လံာ်တၢ်ဟးထီၣ်ကွံာ် 1:22

လၢခံကတၢၢ်န့ၣ်, စီၤပၤဟ့ၣ်လီၤအကလုၢ်ဆူပှၤအဲၤကူပတူးဖိ ဒီးစံးဝဲ, “ဟံးန့ၢ်ပှၤဧ့ၤဘြံၤဖိသၣ်ပိာ်ခွါဖိလၢအအိၣ် ဖျဲၣ်ထီၣ်သီကိးဂၤဒဲးဒီးတ့ၢ်လီၤကွံာ်အီၤဆူထံကျိနံၤလါ အပူၤတက့ၢ်. မ့မ့ၢ်ဖိသၣ်ပိာ်မုၣ်ဖိတဖၣ်န့ၣ်ပျဲအမူကိးဂၤဒဲး တက့ၢ်.”

လံာ်မးသဲ 21:38

ဘၣ်ဆၣ်ဒီး, တုၤပှၤဒိးလဲစပံးလီၢ်တဖၣ်ထံၣ်အဖိခွါန့ၣ်, အဝဲသ့ၣ် စံးလိာ်အသး, ‘အအံၤမ့ၢ်စပံးလီၢ်အကစၢ်အဖိခွါလၢအကန့ၢ်သါတၢ် တဂၤလီၤ. ဟဲ, မ်ပကမၤသံကွံာ်အီၤ, ဒီးပကန့ၢ်ဘၣ်အတၢ်န့ၢ်သါလီၤ.’

မၤတၢ် 7:19

အဝဲဒၣ်အသးတဘျၢလၢပပှၤကလုာ်အဖီခိၣ်ဘၣ်ဒီး, မၤအၢမၤနးဝဲဒီးမၢဆူၣ်ပမိၢ်ပၢ်ဖံဖုလၢပျၢၤတဖၣ်လၢ အကပာ်အဖိအိၣ်ဖျဲၣ်ထီၣ်သီတဖၣ်လၢဟံၣ်အချၢဒ်သိး အကသံကွံာ်ဝဲအဂီၢ်န့ၣ်လီၤ.

ဧ့ၤဘြံၤ 11:23

လၢတၢ်စူၢ်တၢ်နာ်န့ၣ်, စီၤမိၤၡ့အိၣ်ဖျဲၣ်ထီၣ်ဝံၤအလီၢ်ခံအမိၢ် အပၢ်တဖၣ်ပာ်ခူသူၣ်အီၤသၢလါလီၤ. အဂ့ၢ်မ့ၢ်လၢ အထံၣ်ဝဲလၢဖိသၣ်အံၤအက့ၢ်အဂီၤဂ့ၤဒီးဃံလၤဝဲသတး ဒီးအဝဲသ့ၣ်တပျံၤဘၣ်စီၤပၤအတၢ်မၤလိာ်ဘၣ်.

လံာ်လီၣ်ဖျါ 12:4

ဒီးအဝဲဒၣ်အမဲၢ်န့ၣ်ထုးလီၤတဲာ်ကွံာ်ဆၣ်သၢပူတပူ လၢမူကပိာ်လိၤ, ဒီးတ့ၢ်လီၤကွံာ်အီၤလၢဟီၣ်ခိၣ်လိၤလီၤ. အဝဲဒၣ်အိၣ်ဆၢထၢၣ်လၢပိာ်မုၣ်တဂၤန့ၣ်အမဲာ်ညါ, ဒ်သိးအကအီၣ်ကွံာ်အဖိတစုဃီဖဲအအိၣ်ဖျဲၣ်ထီၣ်န့ၣ်လီၤ.