လံာ်တၢ်ဟးထီၣ်ကွံာ် 1:14 - Sgaw Karen Common Bible

¹⁴ ဒီးမၢဆူၣ်မၤနၢၤဝဲဒၣ်လၢတၢ်သူၣ်ထီၣ်ဘှီထီၣ်တၢ်မၤလီၢ်တဖၣ် ဒီးလၢစံာ်ပျီတဖၣ်အပူၤ, ဒီးတသးကညီၤဘၣ်ဝဲနီတစဲးဘၣ်န့ၣ်လီၤ.

လံာ်တၢ်ဟးထီၣ်ကွံာ် 1:14 Iomraidhean Croise

လံာ်တၢ်ကဲထီၣ်အခီၣ်ထံး 15:13

ယွၤစံးဘၣ်အီၤ, “နစၢၤနသွဲၣ်တဖၣ်ကကဲထီၣ်ပှၤသမှံၤလၢပှၤတခီ ဘီမုၢ်အကီၢ်တဘ့ၣ်အပူၤလီၤ. အဝဲသ့ၣ်ကကဲထီၣ်ကုၢ်တဖၣ်ဖဲန့ၣ်ဒီးကဘၣ်တၢ်မၤအီၤအၢအၢသီသီ အနံၣ်လွံၢ်ကယၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:14

ဒ်ပှၤသးစၢ်တဖၣ်အတၢ်ဟ့ၣ်ကူၣ်အီၤအသိးန့ၣ်လီၤ. အဝဲစံးဝဲဒၣ်, “ယပၢ်ပာ်လီၤတ့ၢ်တၢ်ဝံဃၢယိးဃၢတဖၣ်လၢသု လိၤဒီးယကမၤဃၢအါထီၣ်အီၤနးန့ၢ်အလီၢ်တက့ၢ်လီၤ. အဝဲဖျ့သုလၢနီၣ်ဖျ့တဖၣ်မ့မ့ၢ်ယဲဒၣ်အံၤယကတီၢ်သုလၢနီၣ် တီၢ်ကသ့ၣ်န့ၣ်လီၤ.”

စံးထီၣ်ပတြၢၤ 129:1

အံၣ်စရ့လးဧၢ, တဲဘၣ်ပှၤလၢ နဘၣ်တၢ်မၤနးမၤဖှီၣ်နၤလၢနဒုၣ်နဒါတဖၣ်, စးထီၣ်လၢ နသးစၢ်လံၤလံၤဒ်လဲၣ်အဂ့ၢ်န့ၣ်တက့ၢ်.

စံးထီၣ်ပတြၢၤ 68:13

လၢအမ့ၢ်, ထိၣ်လွံၢ်အဂီၤတဖၣ်လၢ တၢ်ကးဘၢအီၤဒီးစ့, အိၣ်ဒီးအဒံးဆ့လၢ အကတြ့ၣ်ဒီးသူန့ၣ်လီၤ. (လၢတၢ်ဒုးတၢ်ယၤအမုၢ်နံၤန့ၣ် ဘၣ်မနုၤသုဝဲတနီၤအိၣ်မံလီၤလၢသိကရၢၢ်ပူၤလဲၣ်)

စံးထီၣ်ပတြၢၤ 81:6

“ယသုးကွံာ်နဖံဘၣ်ခိၣ်အတၢ်ဝံတၢ်ယိး, ဒီးနစုတဖၣ်ထူၣ်ဖျဲးထီၣ်လၢတၢ်ဃၢတၢ်စုာ် အလိၤလံ.”

လံာ်တၢ်ဟးထီၣ်ကွံာ် 1:11

မၤသးဒ်န့ၣ်ဒီး, ပှၤအဲၤကူပတူးဖိတဖၣ်ပာ်လီၤပှၤအခိၣ်တဖၣ်လၢ တၢ်မၢကဲကုၢ်တၢ်အဂီၢ်လၢပှၤအံၣ်စရ့လးဖိသ့ၣ်တဖၣ်အဖီခိၣ်ဒ် သိးကမၤဟးဂီၤကွံာ်အသူၣ်အသးခီဖျိတၢ်မၤဆူၣ်မၤနၢၤန့ၣ် လီၤ. ဒီးပှၤအံၣ်စရ့လးဖိသ့ၣ်တဖၣ်သူၣ်ထီၣ်ဝ့ၢ်ပံသိၣ်ဒီးဝ့ၢ်ရၤ မစ့လၢကကဲထီၣ်တၢ်ပာ်ဖှိၣ်တၢ်အလီၢ်ခၢၣ်သးတဖၣ်လၢစီၤပၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 1:13

ဒီးပှၤအဲၤကူပတူးဖိတဖၣ်မၤနးမၤဖှီၣ်ပှၤအံၣ်စရ့လးဖိတဖၣ် ခီဖျိတၢ်မၤဆူၣ်မၤနၢၤလၢတၢ်ကဲကုၢ်အတၢ်ကီတၢ်ခဲအပူၤန့ၣ် လီၤ.

လံာ်တၢ်ဟးထီၣ်ကွံာ် 1:15

ဒီးကီၢ်အဲၤကူပတူးအစီၤပၤစံးဘၣ်နီၢ်ၡံးပရၤဒီးနီၢ်ပူၤ ဧၤလၢအမ့ၢ်ပှၤကွၢ်ဟုးလၢမၤစၢၤပှၤဧ့ၤဘြံၤမုၣ်တဖၣ်န့ၣ်,

လံာ်တၢ်ဟးထီၣ်ကွံာ် 2:23

အါနံၣ်အါလါပူၤကွံာ်ဝံၤအလီၢ်ခံန့ၣ်ကီၢ်အဲၤကူပတူးအစီၤ ပၤသံဝဲဒၣ်လီၤ. ဘၣ်ဆၣ်ဒီးပှၤအံၣ်စရ့လးဖိတဖၣ်ကအုကစွါဝဲ လၢအဘၣ်တၢ်မၢကဲကုၢ်အဃိဒီးကိးပသူထီၣ်လၢတၢ်မၤစၢၤအဂီၢ် လီၤ. ဒီးအဝဲသ့ၣ်အတၢ်ကိးပသူထီၣ်ဘးဆူကစၢ်ယွၤအအိၣ်လီၤ.

လံာ်တၢ်ဟးထီၣ်ကွံာ် 6:9

ဒီးစီၤမိၤၡ့တဲဘၣ်တၢ်အံၤဆူပှၤအံၣ်စရ့လးဖိတဖၣ်လီၤ. ဘၣ်ဆၣ်ဒီးအဝဲသ့ၣ်တဒိကနၣ်ဘၣ်ဝဲဘၣ်. အဂ့ၢ်ဒ်အံၤ, အဝဲသ့ၣ်အသးဟးဂီၤလၢတၢ်မၢကဲကုၢ်အီၤအၢအၢသီသီ အဃိန့ၣ်လီၤ.

တၢ်ကတိၤဒိ. 28:15

လၢပှၤတတီတလိၤအတၢ်ပၢအဖီလာ်န့ၣ်, ပှၤဖှီၣ်ဖိယာ်ဖိတဖၣ်မၤစၢၤလီၤက့ၤအသးတသ့နီတမံၤဘၣ်. အဝဲလီၤပျံၤလီၤဖုးဒ်ခ့ယုၢ်တဒုလၢအကညီၤထီၣ်ရုၢ်ရုၢ်အသိး ဒီးဒ်တၤသူတဒုလၢအဟးဝ့ၤဝီၤစီၤတၢ်အသိးလီၤ.

လံာ်ယၡါယၤ 10:24

ယွၤ, ပၢဘၣ်တၢ်ခဲလၢာ်, သ့တၢ်လၢာ်ကစၢ်စံးဘၣ်အပှၤဂီၢ်မုၢ် လၢအအိၣ်လၢစံယိၣ်, “ပျံၤဘၣ်ပှၤအၤၡူၢ်ဖိတဖၣ်တဂ့ၤ. အဝဲသ့ၣ်မ့ၢ်မၤအၢမၤနးသုဒ်ပှၤအဲၤကူပတူးဖိမၤညီနုၢ်တ့ၢ်ဝဲ အသိးဒၣ်လဲာ်န့ၣ်ပျံၤတဂ့ၤ.

လံာ်ယၡါယၤ 14:6

ပှၤလၢအမၤနၢၤမၤဃၣ်ပှၤဂီၢ်မုၢ်လၢတၢ်သးဒိၣ်ဒီးတဆိကတီၢ် လၢအတၢ်မၤနးမၤဖှီၣ်ပှၤကလုာ်တဖၣ်လၢအဝဲသ့ၣ်ဒုးန့ၢ်ဒီးမၤ နၢၤအီၤတဖၣ်န့ၣ်ယွၤဆိကတီၢ်ကွံာ်အီၤလံ.

လံာ်ယၡါယၤ 51:23

ယကဟ့ၣ်လီၤအီၤဆူ, ပှၤတဖၣ်လၢအမၤအၢမၤနးသု, လၢအမၢသုမံလီၤလၢကျဲဘိတဖၣ်အပူၤ ဒီးယီၢ်တံၢ်သုဒ်ဟီၣ်ခိၣ်ကမူၣ်အသိး, အအိၣ်န့ၣ်လီၤ.”

လံာ်ယၡါယၤ 52:5

ဒီးခဲအံၤလၢကီၢ်ဘၤဘူၤလိၣ်န့ၣ်တၢ်တမံၤဃီမၤတ့ၢ်အသးလီၤ. သုဘၣ်တၢ်စိာ်မၢကဲကုၢ်သုဒီးတၢ်တဟ့ၣ်တၢ်အပှ့ၤနီ တမံၤလၢသုဂီၢ်ဘၣ်. ပှၤတဖၣ်လၢအပၢသုန့ၣ်ပာ်ထီၣ်ထီ ကတိၤဒိၣ်လီၤအသးဒီးဒုးနဲၣ်အတၢ်သူၣ်က့ၣ်သးကါဘၣ်ယၤ တထံၣ်ဃီလီၤ.

လံာ်ယၡါယၤ 58:6

တၢ်ဒုၣ်တၢ်အီၣ်တၢ်အီတကလုာ်လၢအဘၣ်ယသးန့ၣ်မ့ၢ်တၢ်အံၤလီၤ. မ့ၢ်တၢ်ထုးကွံာ်သုးကွံာ်တၢ်မၤအၢမၤနးအထးကွီၤတဖၣ်, ဒီးတၢ်စံၣ်ညီၣ်တတီအနီၣ်ယိးဘိ, ဒီးပျဲထူၣ်ဖျဲးကွံာ်ပှၤလၢအဘၣ်တၢ် မၤအၢမၤနးအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:43

သုတဘၣ်ပၢအီၤလၢတၢ်စုဆူၣ်ခီၣ်တကးဘၣ်. မ့မ့ၢ်သုဘၣ်ပျံၤသုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:46

ဒီးသုကပာ်လီၤတဲာ်အဝဲသ့ၣ်လၢ သုဖိခွါတဖၣ်အတၢ်န့ၢ်သါအဂီၢ်ဒီးကဘၣ်မၤအတၢ်မၤတစိၤသုဖိ ခွါတဖၣ်အသးသမူန့ၣ်လီၤ. ဘၣ်ဆၣ်ဒီးသုတဘၣ်မၤအံၣ်စရ့လးဖိကဒဲကဒဲဒီးသုလၢတၢ်စု ဆူၣ်ခီၣ်တကးန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 25:53

ဒ်ကုၢ်လၢအဘၣ်တၢ်ဒိးလဲအီၤတနံၣ်ဘၣ်တနံၣ်အသိးန့ၣ်ကဘၣ်အိၣ်ဒီး ပှၤလၢအပှ့ၤအီၤဒီးတၢ်တဘၣ်မၤအီၤလၢတၢ်စုဆူၣ်ခီၣ်တကးအပူၤန့ၣ်ဘၣ်.

လံာ်မံကၤ 3:3

သုအီၣ်ကွံာ်ယပှၤဂီၢ်မုၢ်, အုၣ်ကွံာ်အဖံး, မၤကၢ်ကွံာ်အဃံတဖၣ်, ဒီးကျီပြံအီၤဒ်တၢ်ညၣ်လၢသပၢၤအဂီၢ်အသိးန့ၣ်လီၤ.

လံာ်နၤဃူၣ် 3:14

ဒၢၣ်ဃာ်ထံဒီးအိၣ်ကတဲာ်ကတီၤနသးလၢဒုၣ်ဒါအတၢ်ကဝီၤ တံၢ်ဃာ်နၤအဂီၢ်, ဒီးမၤခၢၣ်သနၢၣ်နတိာ်နတာ်တက့ၢ်. ယီၢ်ကပံာ်လၢတၢ်မၤဒၢးခီတဖၣ်အဂီၢ်ဒီးကတဲာ်ကတီၤထီၣ် တၢ်သိဒၢးခီတဖၣ်တက့ၢ်.

လံာ်တၢ်ဂံၢ် 20:15

ပမိၢ်ပၢ်ဖံဖုလၢပျၢၤတဖၣ်လဲၤနုာ်ဆူကီၢ်အဲၤကူပတူးဒ်လဲၣ်, တၢ်လီၢ်ဖဲပအိၣ်ဆိးတ့ၢ်လၢအါနံၣ်အါလါအတီၢ်ပူၤန့ၣ်လီၤ. ပှၤအဲၤကူပတူးဖိတဖၣ်မၤအၢမၤနးတ့ၢ်ပမိၢ်ပၢ်ဖံဖုတဖၣ်, ဒီးပဝဲဒၣ်

မၤတၢ် 7:19

အဝဲဒၣ်အသးတဘျၢလၢပပှၤကလုာ်အဖီခိၣ်ဘၣ်ဒီး, မၤအၢမၤနးဝဲဒီးမၢဆူၣ်ပမိၢ်ပၢ်ဖံဖုလၢပျၢၤတဖၣ်လၢ အကပာ်အဖိအိၣ်ဖျဲၣ်ထီၣ်သီတဖၣ်လၢဟံၣ်အချၢဒ်သိး အကသံကွံာ်ဝဲအဂီၢ်န့ၣ်လီၤ.

မၤတၢ် 7:34

ယထံၣ်ဘၣ်လံယပှၤဂီၢ်မုၢ်တဖၣ်တူၢ်ဘၣ်တၢ်နးတၢ်ဖှီၣ်လၢ ကီၢ်အဲၤကူပတူးပူၤနးဆံးဒိၣ်လဲၣ်န့ၣ်လီၤ. ယနၢ်ဟူတ့ၢ်အတၢ် ကအုကစွါဒီး ယဟဲလီၤလၢယကမၤထူၣ်ဖျဲးထီၣ်အဝဲသ့ၣ် အဂီၢ်လီၤ. ခဲကနံၣ်အံၤဟဲဃီၤဒီးယကမၢလီၤနၤဆူကီၢ် အဲၤကူပတူးအပူၤလီၤ.’

လံာ်သိၣ်လီၤသီလီၤတၢ် 26:6

ပှၤအဲၤကူပတူးဖိတဖၣ်မၤအၢမၤသီပှၤဒီးမၤဆူၣ်ပှၤလၢပကမၤ တၢ်ဒ်ကုၢ်တဖၣ်အသိးန့ၣ်လီၤ.

လံာ်သိၣ်လီၤသီလီၤတၢ် 4:20

မ့မ့ၢ်, သုမ့ၢ်ပှၤဂီၢ်မုၢ်လၢအဝဲအုၣ်က့ၤခီၣ်က့ၤဝဲလၢကီၢ် အဲၤကူပတူးတခီ, လၢဖၣ်ကပူၤလၢအကဲၤကပျီၤအပူၤန့ၣ်လီၤ. အဝဲထုးထီၣ်ကွံာ်သုဒ်သိးကဒုးကဲထီၣ်သုလၢအပှၤဂီၢ်မုၢ်ဒ်သု မ့ၢ်တၢ်တနံၤအံၤအသိးန့ၣ်လီၤ.

လံာ်နီၢ်ရူၤသး 1:20

အဝဲစံးဆၢဝဲ, “တဘၣ်ကိးယၤလၢနီၢ်နၤဧမံလၢအမ့ၢ်ပှၤလၢ အသူၣ်ဖှံသးညီတဂ့ၤ. ကိးယၤလၢနီၢ်မၤရၤလၢအမ့ၢ်ပှၤလၢအသူၣ်အုးသးအုး, မ့ၢ်လၢသ့တၢ်လၢာ်ကစၢ်ယွၤမၤဆါယၤနးနးကလဲာ်လံအဃိတက့ၢ်.