လံာ်တၢ်ဟးထီၣ်ကွံာ် 1:12 - Sgaw Karen Common Bible

¹² ဘၣ်ဆၣ်ဒီး, ဒ်ပှၤအဲၤကူပတူးဖိတဖၣ်မၤနးမၤဖှီၣ်ပှၤအံၣ်စရ့လး ဖိတဖၣ်အါထီၣ်အသိးန့ၣ်, ပှၤအံၣ်စရ့လးဖိတဖၣ်အနီၣ်ဂံၢ်ဒံးအါထီၣ်ဒီးအိၣ်ရၤလီၤအသး ပှဲၤလၢကီၢ်ဒီဘ့ၣ်ညါအပူၤန့ၣ်လီၤ. ဒီးပှၤအဲၤကူပတူးဖိတဖၣ်ပျံၤဝဲပှၤအံၣ်စရ့လးဖိတဖၣ်န့ၣ်လီၤ.

လံာ်တၢ်ဟးထီၣ်ကွံာ် 1:12 Iomraidhean Croise

လံာ်တၢ်ကဲထီၣ်အခီၣ်ထံး 46:3

ကစၢ်ယွၤစံးဘၣ်အီၤ, “ယမ့ၢ်ကစၢ်ယွၤ, နပၢ်အကစၢ်ယွၤလီၤ. နကလဲၤဆူကီၢ်အဲၤကူပတူးန့ၣ်ပျံၤတၢ်တ ဂ့ၤ. ယကဒုးကဲထီၣ်နစၢၤနသွဲၣ်တဖၣ်လၢပှၤကလုာ်ဖးဒိၣ်ဖဲန့ၣ်လီၤ.

လံာ်စီၤနဃ့မယၤ 9:23

နဟ့ၣ်အီၤအဖိတဖၣ်အါအါဂီၢ်ဂီၢ်ဒ်ဆၣ်လၢမူကပိာ်လိၤအသိး ဒီးပျဲအမၤနၢၤကွံာ်ဒီးအိၣ်ဝဲဆိးဝဲလၢထံဧိၤကီၢ်ဧိၤ လၢနအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်လၢနကဟ့ၣ် အဝဲသ့ၣ်အပူၤန့ၣ်လီၤ.

လံာ်စီၤယိၤဘး 5:2

တၢ်မၤကိၢ်မၤဂီၤလီၤနသးတုၤနသံလၢတၢ်သူၣ်ဒိၣ်သးဖျိး အဃိန့ၣ်ကမ့ၢ်တၢ်မၢးဒီးတၢ်သးတဆးအတၢ်မၤလီၤ.

စံးထီၣ်ပတြၢၤ 105:24

ယွၤဟ့ၣ်လီၤအပှၤဂီၢ်မုၢ်လၢ ဖိတဖၣ်အါဒံ အါဂၤဒီး မၤဂံၢ်ဆူၣ်ဘါဆူၣ်ထီၣ်အီၤ အါန့ၢ်ဒံး အဒုၣ်အဒါတဖၣ်လီၤ.

စံးထီၣ်ပတြၢၤ 107:38

မ့ၢ်လၢအတၢ်ဆိၣ်ဂ့ၤဆိၣ်ဝါအဃိ, အပှၤဂီၢ်မုၢ်အါထီၣ်ဂီၢ်ထီၣ်ဒိၣ်မး, ဒီးအဝဲတပျဲအဝဲသ့ၣ်အဆၣ်ဖိကီၢ်ဖိ ဆံးလီၤစှၤလီၤန့ၣ်ဘၣ်.

လံာ်တၢ်ဟးထီၣ်ကွံာ် 1:20

ဒီးကစၢ်ယွၤမၤဂ့ၤပှၤကွၢ်ပဟုးတဖၣ်ဒီးပှၤဂီၢ်မုၢ်အါထီၣ်ဒီး ဆူၣ်ထီၣ်ဒိၣ်မးန့ၣ်လီၤ.

လံာ်တၢ်ဟးထီၣ်ကွံာ် 1:7

မ့မ့ၢ်အဝဲသ့ၣ်အစၢၤအသွဲၣ်လၢအမ့ၢ်ဝဲပှၤအံၣ်စရ့လးဖိတဖၣ် န့ၣ်, အိၣ်ဒီးအဖိအလံၤအါဂၤ, ဒီးအါထီၣ်ဂီၢ်ထီၣ်ဝဲဒီးဆူၣ်ထီၣ်ဝဲ တုၤကီၢ်အဲၤကူပတူးအိၣ်ပှဲၤဒီးအဝဲသ့ၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 1:9

ဒီးစီၤပၤအံၤစံးဘၣ်အပှၤကူၣ်လိာ်တၢ်တဖၣ်, “ပှၤအံၣ်စရ့လးဖိတဖၣ်အံၤအါထီၣ်ဂီၢ်ထီၣ်ဝဲဒီးအဂံၢ်အဘါ ဆူၣ်ထီၣ်ဝဲတုၤဒၣ်လဲာ်မ့ၢ်တၢ်လီၤပျံၤလီၤဖုးလၢပဂီၢ်လီၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

တၢ်ကတိၤဒိ. 27:4

တၢ်သူၣ်ဒိၣ်သးဖျိးန့ၣ်အၢသီဒီးမၤဟးဂီၤတၢ်သ့လီၤ. ဘၣ်ဆၣ်ဒီးတုၤတၢ်ထိၣ်သတြီၤအီၤဒီးတၢ်သူၣ်က့ၣ်သးကါန့ၣ်, တမ့ၢ်တၢ်နီတမံၤလၢၤဘၣ်လီၤ.

လံာ်တၢ်ဂံၢ် 22:3

အဝဲဒီးကယဲၢ်အပှၤဂီၢ်မုၢ်ပျံၤတၢ်ဒိၣ်ဒိၣ်ကလဲာ်လီၤ.

လံာ်ယိၤဟၣ် 12:19

တုၤနုၤတစု, ပှၤဖၤရံၤၡဲတဖၣ်ကတိၤလိာ်အသးတဂၤဒီးတဂၤ, “သုထံၣ်လံ. ပမၤတၢ်တကဲထီၣ်လိၣ်ထီၣ်နီတမံၤဘၣ်. ကွၢ်ကွၢ်, ပှၤခဲလၢာ်ပိာ်အခံလံ.”

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

လံာ်သိၣ်လီၤသီလီၤတၢ် 26:5

တုၤနုၤတစုလၢယွၤအမဲာ်ညါသုကဘၣ်ရူးထီၣ်တၢ်ကတိၤတဖၣ်ဒ်အံၤလီၤ. ‘ယပၢ်ဖးဒိၣ်လၢပျၢၤတဂၤလၢအမ့ၢ်ပှၤစူၤရံဖိလၢအဟးဝ့ၤဝီၤ န့ၣ်လဲၤကိးအဟံၣ်ဖိဃီဖိဆူကီၢ်အဲၤကူပတူးဒ်သိးကအိၣ်ဆိးဝဲလီၤ. အဝဲသ့ၣ်လဲၤဖဲန့ၣ်အခါအနီၣ်ဂံၢ်အိၣ်ထဲစှၤဂၤ, ဘၣ်ဆၣ်အဝဲသ့ၣ်ကဲထီၣ်ပှၤဖးဒိၣ်တကလုာ်လၢအဒိၣ်ဒီးအဂံၢ်အဘါဆူၣ်ဝဲန့ၣ်လီၤ.