လံာ်တၢ်ဟးထီၣ်ကွံာ် 1:11 - Sgaw Karen Common Bible

¹¹ မၤသးဒ်န့ၣ်ဒီး, ပှၤအဲၤကူပတူးဖိတဖၣ်ပာ်လီၤပှၤအခိၣ်တဖၣ်လၢ တၢ်မၢကဲကုၢ်တၢ်အဂီၢ်လၢပှၤအံၣ်စရ့လးဖိသ့ၣ်တဖၣ်အဖီခိၣ်ဒ် သိးကမၤဟးဂီၤကွံာ်အသူၣ်အသးခီဖျိတၢ်မၤဆူၣ်မၤနၢၤန့ၣ် လီၤ. ဒီးပှၤအံၣ်စရ့လးဖိသ့ၣ်တဖၣ်သူၣ်ထီၣ်ဝ့ၢ်ပံသိၣ်ဒီးဝ့ၢ်ရၤ မစ့လၢကကဲထီၣ်တၢ်ပာ်ဖှိၣ်တၢ်အလီၢ်ခၢၣ်သးတဖၣ်လၢစီၤပၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 1:11 Iomraidhean Croise

လံာ်တၢ်ကဲထီၣ်အခီၣ်ထံး 15:13

ယွၤစံးဘၣ်အီၤ, “နစၢၤနသွဲၣ်တဖၣ်ကကဲထီၣ်ပှၤသမှံၤလၢပှၤတခီ ဘီမုၢ်အကီၢ်တဘ့ၣ်အပူၤလီၤ. အဝဲသ့ၣ်ကကဲထီၣ်ကုၢ်တဖၣ်ဖဲန့ၣ်ဒီးကဘၣ်တၢ်မၤအီၤအၢအၢသီသီ အနံၣ်လွံၢ်ကယၤန့ၣ်လီၤ.

လံာ်တၢ်ကဲထီၣ်အခီၣ်ထံး 47:11

အန့ၣ်ဒီး, ဒ်စီၤပၤမၤလိာ်တ့ၢ်ဝဲအသိးန့ၣ်, စီၤယိၤသးဒုးအိၣ်ဒုးဆိးအပၢ်ဒီးအဒီပုၢ်ဝဲၢ်ခွါတဖၣ်လၢ ကီၢ်အဲၤကူပတူးအပူၤ, ဖဲတၢ်လီၢ်အဂ့ၤကတၢၢ်ဘူးဒီးဝ့ၢ်ရၤမစ့, ဒီးဟ့ၣ်လီၤဃုာ်အီၤတၢ်စုလီၢ်ခီၣ်ခိၣ်လီၤ.

လံာ်စီၤပၤအခီၣ်ထံးတဘ့ၣ် 9:19

ဝ့ၢ်တဖၣ်ဖဲအဝဲအတၢ်လိၣ်ဘၣ်တဖၣ်ဘၣ်တၢ်ပဒၢးဃာ်အီၤ, ဝ့ၢ်တဖၣ်လၢအဝဲအကသ့ၣ်တဖၣ်ဒီးအလ့ၣ်ကဟၣ်တဖၣ်ဘၣ်တၢ်ပာ်အီၤန့ၣ် လီၤ. ဒ်န့ၣ်အသိးသူစ့ၢ်ကီးတၢ်မၢဆူၣ်မၢနၢၤအတၢ်မၤလၢကယဲၢ်တၢ်လၢ အဝဲအဲၣ်ဒိးသူၣ်ထီၣ်ဝဲလၢဝ့ၢ်ယရူၤၡလ့ၣ်အပူၤမ့ၢ်ဂ့ၤ, လၢလဘၤနိၣ်အပူၤမ့ၢ်ဂ့ၤဒီးလၢတၢ်လီၢ်တပူၤလၢ်လၢ်လၢအဝဲအဘီ အမုၢ်အပူၤမ့ၢ်ဂ့ၤ, အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:4

စီၤဘ့ၣ်ဟဒးဘၣ်သူၣ်ဘၣ်သးတ့ၢ်လၢစီၤအၤစါအတၢ်ဃ့, ဒီးအဝဲဆှၢလီၤအပှၤသုးမုၢ်အခိၣ်တဖၣ်ဃုာ်ဒီးအဝဲသ့ၣ်အသုး မုၢ်တဖၣ်ဒ်သိးအကလဲၤဒုးကီၢ်အံၣ်စရ့လးအဝ့ၢ်တဖၣ်န့ၣ်လီၤ. အဝဲသ့ၣ်မၤန့ၢ်ကွံာ်ဝ့ၢ်ဧံၤယိၣ်, ဝ့ၢ်ဒၣ်, ဝ့ၢ်အၤဘ့ၤလးဘ့ၤ သမၤကၤဒီးကယဲၢ်ဝ့ၢ်ခဲလၢာ်လၢနးသၤလံအကီၢ်ပူၤဖဲတၢ်လၢတၢ် လိၣ်ဘၣ်တဖၣ်ဘၣ်တၢ်ပိာ်ဖှိၣ်အီၤအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:4

ဒီးမၤကျၢၤထီၣ်က့ၤဝ့ၢ်ဖၢၣ်လမါရၤလၢမဲးမုၢ်ခိၣ်အပူၤန့ၣ် လီၤ. အဝဲသူၣ်ထီၣ်ကဒါက့ၤကယဲၢ်ဝ့ၢ်ခဲလၢာ်လၢအအိၣ်လၢဃမါသးအခိၣ် အဃၢၤလၢအမ့ၢ်တ့ၢ်တၢ်ပာ်ဖှိၣ်အဒၢးတဖၣ်အလီၢ်ခၢၣ်သးတဖၣ်န့ၣ်လီၤ.

စံးထီၣ်ပတြၢၤ 105:13

အဝဲသ့ၣ်ဟးဝ့းဝီၤလၢ ကီၢ်တဘ့ၣ်ဘၣ်တဘ့ၣ်, ဒီး လၢဘီမုၢ်တဘ့ၣ်ဆူ အဂၤတဘ့ၣ်န့ၣ်လီၤ.

စံးထီၣ်ပတြၢၤ 129:1

အံၣ်စရ့လးဧၢ, တဲဘၣ်ပှၤလၢ နဘၣ်တၢ်မၤနးမၤဖှီၣ်နၤလၢနဒုၣ်နဒါတဖၣ်, စးထီၣ်လၢ နသးစၢ်လံၤလံၤဒ်လဲၣ်အဂ့ၢ်န့ၣ်တက့ၢ်.

စံးထီၣ်ပတြၢၤ 129:2

“စးထီၣ်လၢယသးစၢ်လံၤလံၤန့ၣ် ယဒုၣ်ယဒါတဖၣ် မၤနးမၤဖှီၣ်ယၤ နးနးကျံၤကျံၤ, ဘၣ်ဆၣ်အဝဲသ့ၣ်တမၤနၢၤယၤဘၣ်.

စံးထီၣ်ပတြၢၤ 68:13

လၢအမ့ၢ်, ထိၣ်လွံၢ်အဂီၤတဖၣ်လၢ တၢ်ကးဘၢအီၤဒီးစ့, အိၣ်ဒီးအဒံးဆ့လၢ အကတြ့ၣ်ဒီးသူန့ၣ်လီၤ. (လၢတၢ်ဒုးတၢ်ယၤအမုၢ်နံၤန့ၣ် ဘၣ်မနုၤသုဝဲတနီၤအိၣ်မံလီၤလၢသိကရၢၢ်ပူၤလဲၣ်)

စံးထီၣ်ပတြၢၤ 81:6

“ယသုးကွံာ်နဖံဘၣ်ခိၣ်အတၢ်ဝံတၢ်ယိး, ဒီးနစုတဖၣ်ထူၣ်ဖျဲးထီၣ်လၢတၢ်ဃၢတၢ်စုာ် အလိၤလံ.”

လံာ်တၢ်ဟးထီၣ်ကွံာ် 1:14

ဒီးမၢဆူၣ်မၤနၢၤဝဲဒၣ်လၢတၢ်သူၣ်ထီၣ်ဘှီထီၣ်တၢ်မၤလီၢ်တဖၣ် ဒီးလၢစံာ်ပျီတဖၣ်အပူၤ, ဒီးတသးကညီၤဘၣ်ဝဲနီတစဲးဘၣ်န့ၣ်လီၤ.

လံာ်တၢ်ဟးထီၣ်ကွံာ် 2:11

ဖဲစီၤမိၤၡ့ဒိၣ်ထီၣ်ဝဲ, ဒီးဘၣ်မုၢ်တနံၤန့ၣ်လဲၤအိၣ်သကိး အပှၤကလုာ်, ပှၤဧ့ၤဘြံၤဖိတဖၣ်ဒီး ထံၣ်ဘၣ်လၢအဝဲသ့ၣ်ဘၣ်တၢ်မၢဆူၣ် မၢနၢၤအီၤန့ၣ်လီၤ. ဒီးထံၣ်ဘၣ်ပှၤအဲၤကူပတူးဖိတဂၤတီၢ်ပှၤဧ့ၤဘြံၤဖိတဂၤလၢ အမ့ၢ်အပှၤကလုာ်န့ၣ်လီၤ.

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 5:10

ပှၤအဲၤကူပတူးဖိလၢအမၢကုၢ်တၢ်တဖၣ်ဒီးပှၤအံၣ်စရ့လးဖိလၢ အကွၢ်ထွဲတၢ်ဖံးတၢ်မၤတဖၣ်ဟးထီၣ်ဝဲဒီးကတိၤတၢ်ဒီးပှၤဂီၢ် မုၢ်ဒီးစံးဝဲဒၣ်, “စီၤပၤစံးဒ်အံၤ, ယတဟ့ၣ်သုဘုလီၢ်လၢၤဘၣ်.

လံာ်တၢ်ဟးထီၣ်ကွံာ် 5:15

ဒီးပှၤအံၣ်စရ့လးဖိလၢအကွၢ်ထွဲတၢ်ဖံးတၢ်မၤတဖၣ်လဲၤဆူ ကီၢ်အဲၤကူပတူးအစီၤပၤအအိၣ်ဒီးစံးဝဲဒၣ်, “ကစၢ်စီၤပၤဧၢ, ဘၣ်မနုၤလၢနမၤပှၤဒ်သိးအံၤလဲၣ်.

လံာ်တၢ်ဟးထီၣ်ကွံာ် 5:8

ဘၣ်ဆၣ်ဒီးမၢအမၤဒံးတၢးခီအနီၣ်ဂံၢ်ပှဲၤသိးဒီးအမၤတ့ၢ်ဝဲဒ် လၢညါအသိးန့ၣ်တက့ၢ်. မၢအမၤစှၤလီၤတဂ့ၤ. အဂ့ၢ်ဒ်အံၤအဝဲသ့ၣ်တဖၣ်ကၢၣ်ဝဲဒၣ်သတး ဒီးဃ့ယၤအခွဲးခဲအံၤခဲအံၤလၢယကပျဲအလဲၤလုၢ်ထီၣ်တၢ်လုၢ် တၢ်ပာ်တဖၣ်ဆူပကစၢ်ယွၤအအိၣ်န့ၣ်လီၤ.

တၢ်ကတိၤဒိ. 27:4

တၢ်သူၣ်ဒိၣ်သးဖျိးန့ၣ်အၢသီဒီးမၤဟးဂီၤတၢ်သ့လီၤ. ဘၣ်ဆၣ်ဒီးတုၤတၢ်ထိၣ်သတြီၤအီၤဒီးတၢ်သူၣ်က့ၣ်သးကါန့ၣ်, တမ့ၢ်တၢ်နီတမံၤလၢၤဘၣ်လီၤ.

လံာ်တၢ်ဂံၢ် 20:15

ပမိၢ်ပၢ်ဖံဖုလၢပျၢၤတဖၣ်လဲၤနုာ်ဆူကီၢ်အဲၤကူပတူးဒ်လဲၣ်, တၢ်လီၢ်ဖဲပအိၣ်ဆိးတ့ၢ်လၢအါနံၣ်အါလါအတီၢ်ပူၤန့ၣ်လီၤ. ပှၤအဲၤကူပတူးဖိတဖၣ်မၤအၢမၤနးတ့ၢ်ပမိၢ်ပၢ်ဖံဖုတဖၣ်, ဒီးပဝဲဒၣ်

လံာ်သိၣ်လီၤသီလီၤတၢ် 26:6

ပှၤအဲၤကူပတူးဖိတဖၣ်မၤအၢမၤသီပှၤဒီးမၤဆူၣ်ပှၤလၢပကမၤ တၢ်ဒ်ကုၢ်တဖၣ်အသိးန့ၣ်လီၤ.