လံာ်နီၢ်အ့ၤစတၢ် 9:30 - Sgaw Karen Common Bible

³⁰ လံာ်ပရၢအံၤဘၣ်တၢ်ကွဲးအီၤဆူကယဲၢ်ပှၤယူဒၤဖိခဲလၢာ်အအိၣ်, ဒီးလံာ်ပရၢအဒိတဖၣ်ဘၣ်တၢ်ဆှၢအီၤဆူကီၢ်ဆၣ်တကယၤခံဆံနွံဘ့ၣ်, လၢကီၢ်ပၤရၣ်အဘီအမုၢ်အပူၤလီၤ. လံာ်အံၤအိၣ်ဃုာ်ဒီးတၢ်ဆၢဂ့ၤ ဆၢဝါပှၤယူဒၤဖိလၢကအိၣ်ဒီးတၢ်ဃူတၢ်ဖိးဒီးတၢ်အိၣ်ဘံၣ်အိၣ်ဘၢ

လံာ်နီၢ်အ့ၤစတၢ် 9:30 Iomraidhean Croise

လံာ်တၢ်ကဲထီၣ်အခီၣ်ထံး 23:1

နီၢ်စၤရါအိၣ်မူတ့ၢ်ဝဲတကယၤခံဆံနွံနံၣ်လီၤ. ဒီးနီၢ်စၤရါသံလၢဝ့ၢ်ဃ့ဘြိၣ်လၢအအိၣ်လၢကီၢ်ကနၤဧၣ်အပူၤ န့ၣ်လီၤ. ဒီးစီၤအၤဘြၤဟၣ်လဲၤဒီးပာ်ဖျါထီၣ်အ တၢ်သူၣ်အုးသးအုးလၢအတၢ်သံအဃိန့ၣ်လီၤ.

လံာ်နီၢ်အ့ၤစတၢ် 1:1

တၢ်အံၤမ့ၢ်တၢ်မၤအသးဖဲမုၢ်နံၤမုၢ်သီတဖၣ် လၢစီၤပၤအဃၤၡဝ့ရိၣ်ပၢတၢ်လၢကီၢ်ပၤရၣ်အဝ့ၢ်ခိၣ်ဝ့ၢ်ၡူၡၣ် န့ၣ်လီၤ. အဝဲပၢဘၣ်ကီၢ်ဖိတကယၤခံဆံနွံဘ့ၣ်, စးထီၣ် လၢကီၢ်ဟံၣ်ဒူၤတုၤလၢကီၢ်ကူၤၡးန့ၣ်လီၤ.

လံာ်နီၢ်အ့ၤစတၢ် 8:9

တၢ်အံၤမၤအသးဖဲလါသၢလါတလါ, လါစံဝၣ်ထီၣ်ခံဆံသၢသီအနံၤန့ၣ်လီၤ. စီၤမၢ်ဒကဲၤကိးန့ၢ်စီၤပၤအပှၤကွဲးလံာ်ဒိၣ်တဖၣ်, ဒီးကိးထီၣ်န့ၢ်အီၤလံာ်ပရၢတဖၣ်လၢကဘၣ်ကွဲးဝဲဆူပှၤယူဒၤဖိတဖၣ်, ဒီးဆူပဒိၣ်တဖၣ်, လၢပှၤပၢတၢ်ဆှၢတၢ်တဖၣ်ဒီးပဒိၣ်ဖးဒိၣ်တဖၣ် အအိၣ်လၢကီၢ်တကယၤခံဆံနွံဘ့ၣ်အပူၤ, စးထီၣ်လၢကီၢ်ဟံၣ်ဒူၤတုၤဆူကီၢ်ကူၤၡးန့ၣ်လီၤ. လံာ်ပရၢတဖၣ်န့ၣ်ဘၣ်တၢ်ကွဲးအီၤဆူကီၢ်တဘ့ၣ်ဘၣ်တဘ့ၣ်လၢအကျိာ် ဒၣ်ဝဲဒီးအတၢ်ကွဲးအကျိၤအကွာ်ဒၣ်ဝဲဒီးဆူပှၤယူဒၤဖိတဖၣ်အအိၣ် လၢအကျိာ်ဒီးအတၢ်ကွဲးအကျိၤအကွာ်ဒၣ်ဝဲန့ၣ်လီၤ.

စံးထီၣ်ပတြၢၤ 73:27

အဂ့ၢ်ဒ်အံၤ, ကွၢ်ကွၢ်, ပှၤလၢအအိၣ်ယံၤဒီးနၤန့ၣ် ကတုၤလၢတၢ်ဟးဂီၤလီၤ. နကမၤဟးဂီၤကွံာ်ပှၤလၢအသးတတီဒီးနၤန့ၣ်လီၤ.

လံာ်ယၡါယၤ 32:17

မ့ၢ်လၢပှၤကိးဂၤဒဲးကမၤတၢ်အမ့ၢ်အတီအဃိ, တၢ်ဃူတၢ်ဖိးဒီးတၢ်ပူၤဖျဲးကအိၣ်လီၤထူလီၤယိာ်လီၤ.

လံာ်ယၡါယၤ 39:8

စီၤပၤဃံးစကံယၤနၢ်ပၢၢ်တ့ၢ်တၢ်အံၤအခီပညီလၢအမ့ၢ်ဝဲတၢ်ဃူ တၢ်ဖိးဒီးတၢ်ဂၢၢ်တၢ်ကျၢၤကမၤအသးလၢအဝဲအစိၤအဆၢကတီၢ်န့ၣ် လီၤ. အန့ၣ်ဒီးအဝဲစံးဆၢတၢ်ဒီးစံးဝဲ, “တၢ်ကစီၣ်လၢနဟ့ၣ်တ့ၢ်ယၤလၢယွၤအအိၣ်အံၤဂ့ၤဝဲလီၤ.”

လံာ်စကၤရယၤ 8:19

“တၢ်ဒုၣ်တၢ်အီၣ်တၢ်အီတဖၣ်လၢအဘၣ်တၢ်မၤအီၤလၢလါလွံၢ်လါ တလါ, လါယဲၢ်လါတလါ, လါနွံလါတလါ, ဒီးလါဆံဆဲၣ်လါတလါန့ၣ်ကကဲထီၣ်တၢ်သူၣ်ဖှံသးညီဒီး တၢ်သူၣ်ခုသးခုအဘူၣ်တဖၣ်လၢကီၢ်ယူဒၤအပှၤဂီၢ်မုၢ်အဂီၢ်လီၤ. ဒီးသုကဘၣ်အဲၣ်တၢ်မ့ၢ်တၢ်တီဒီးတၢ်ဃူတၢ်ဖိးန့ၣ်လီၤ.”