လံာ်နီၢ်အ့ၤစတၢ် 9:29 - Sgaw Karen Common Bible

²⁹ တုၤနုၤတစုစီၤအဘံဃယ့းလးအဖိမုၣ်, နီၢ်ပၤမုၣ်အ့ၤစတၢ်ဒီး စီၤမၢ်ဒကဲၤ, ကွဲးစ့ၢ်ကီးလံာ်ပရၢတဘ့ၣ်လၢအအိၣ်ဒီးနီၢ် အ့ၤစတၢ်အတၢ်စိကမီၤအလၢအပှဲၤဒ်သိးအကမၤဂၢၢ်မၤကျၢၤ လံာ်ပရၢလၢအဘၣ်ထွဲဒီးဘူၣ်ပူရံၣ်လၢစီၤမၢ်ဒကဲၤကွဲးတ့ၢ်လံ ဝဲလၢညါန့ၣ်လီၤ.

လံာ်နီၢ်အ့ၤစတၢ် 9:29 Iomraidhean Croise

လံာ်နီၢ်အ့ၤစတၢ် 2:15

ဒီးတၢ်ဆၢကတီၢ်ဘၣ်ဝဲလၢနီၢ်အ့ၤစတၢ်အဂီၢ်, လၢကလဲၤဆူစီၤပၤအအိၣ်လီၤ. နီၢ်အ့ၤစတၢ်မ့ၢ်, စီၤအဘံဃယ့းလးအဖိမုၣ်ဒီးစီၤမၢ်ဒကဲၤအတခွါမုၣ်လၢအ ကွၢ်လုၢ်ဖိက့ၤဝဲဒ်အဖိမုၣ်အသိးန့ၣ်လီၤ. ပှၤတဂၤလၢ်လၢ်လၢအထံၣ်ဘၣ်နီၢ်အ့ၤစတၢ်န့ၣ်, ဘၣ်သူၣ်ဘၣ်သးအီၤလီၤ. ဖဲအဝဲအကတီၢ်တုၤဃီၤန့ၣ်, အဝဲကူသိးဒၣ်တၢ်ဒ်ပှၤဒ့ဒံၣ်ဖိလၢအကွၢ်ထွဲပှၤပိာ်မုၣ်အိၣ်ဟံၣ်, စီၤဟ့က့ၤဟ့ၣ်ကူၣ်အီၤအသိးန့ၣ်လီၤ.

လံာ်နီၢ်အ့ၤစတၢ် 3:15

လၢစီၤပၤအကလုၢ်န့ၣ်တၢ်မၤလိာ်ဘၣ်တၢ်ရၤလီၤ အီၤလၢဝ့ၢ်ခိၣ်ဝ့ၢ်ၡူၡၣ်အပူၤဒီး, ပှၤဆှၢလံာ်ဖိတဖၣ်ဆှၢလီၤတၢ်ကစီၣ်ဆူကီၢ်တဖၣ်န့ၣ်လီၤ. စီၤပၤဒီးစီၤဟၤမၣ်ဆ့ၣ်နီၤဝဲဒီးအီတၢ်, ဖဲဝ့ၢ်ၡူၡၣ်ပှဲၤဝဲဒီး တၢ်သဘံၣ်ဘုၣ်ဒီးသူၣ်ကိၢ်သးဂီၤအခါန့ၣ်လီၤ.

လံာ်နီၢ်အ့ၤစတၢ် 8:10

စီၤမၢ်ဒကဲၤဒုးကွဲးလီၤလံာ်ပရၢတဖၣ်အံၤလၢစီၤပၤအဃၤၡဝ့ရိၣ်အမံၤ, ဒီးစဲပနီၣ်ဃာ်အီၤလၢစီၤပၤအတၢ်စဲပနီၣ်လီၤ. လံာ်ပရၢတဖၣ်န့ၣ်ဘၣ်တၢ်ရၤလီၤအီၤလၢပှၤဒိးကသ့ၣ်အချ့တဖၣ် လၢကဒိးကသ့ၣ်လၢပှၤဘုၣ်ဃာ်အီၤလၢစီၤပၤအဂီၢ်န့ၣ်လီၤ.

လံာ်နီၢ်အ့ၤစတၢ် 9:20

စီၤမၢ်ဒကဲၤမၢပှၤကွဲးလီၤတၢ်မၤအသးတဖၣ်အံၤ, ဒီးဆှၢလီၤလံာ်ပရၢတဖၣ်ဆူကယဲၢ်ပှၤယူဒၤဖိခဲလၢာ်အအိၣ် လၢကီၢ်ပၤရၣ်အဘီအမုၢ်အပူၤလၢအဘူးဒီးအယံၤ,

လံာ်နီၢ်အ့ၤစတၢ် 9:21

တဲဘၣ်အဝဲသ့ၣ်လၢကဘၣ်တိၢ်န့ၢ်ဖံးဃာ်လါအးဒၢ်ထီၣ်တဆံ လွံၢ်နံၤတနံၤဒီးတဆံယဲၢ်နံၤတနံၤတဖၣ်ဒ်တၢ်အိၣ်ဘှံးအမုၢ်နံၤ တဖၣ်အသိးကိးနံၣ်ဒဲးန့ၣ်လီၤ.

လံာ်နီၢ်အ့ၤစတၢ် 9:28

တၢ်ပာ်လီၤသးအိၣ်ဝဲဒၣ်လၢပှၤယူဒၤဖိတဒူၣ်လၢ်လၢ်လၢစိၤတစိၤ ဘၣ်တစိၤလၢအကဟဲလၢကီၢ်ဆၣ်တဘ့ၣ်လၢ်လၢ်ဒီးလၢဝ့ၢ်တဖျၢၣ် လၢ်လၢ်အပူၤန့ၣ်, ကဘၣ်သ့ၣ်နီၣ်တိၢ်န့ၢ်ဖံးဃာ်ဒီးမၤပူရံၣ်အမုၢ်နံၤ တဖၣ်ကိးဆၢကိးကတီၢ်ဒဲးလၢဆၢကတီၢ်လၢအကဟဲန့ၣ်လီၤ.