လံာ်နီၢ်အ့ၤစတၢ် 9:25 - Sgaw Karen Common Bible

²⁵ ဘၣ်ဆၣ်နီၢ်အ့ၤစတၢ်လဲၤဆူစီၤပၤအအိၣ်ဒီးစီၤပၤရၤလီၤအတၢ် မၤလိာ်တဖၣ်လၢတၢ်ကွဲးအီၤအိၣ်ဒီးတၢ်အစၢလၢစီၤဟၤမၣ် တူၢ်ဘၣ်က့ၤအတၢ်ဘူၣ်အၢတီၢ်သီလၢအကူၣ်ကျဲၤဝဲလၢပှၤ ယူဒၤဖိတဖၣ်အဂီၢ်အဝဲဒီးအဖိခွါတဖၣ်ဘၣ်တၢ်ဘျးထီၣ် အီၤလၢသ့ၣ်အလိၤန့ၣ်လီၤ.

လံာ်နီၢ်အ့ၤစတၢ် 9:25 Iomraidhean Croise

လံာ်စီၤပၤအခီၣ်ထံးတဘ့ၣ် 8:32

အိယွၤဧၢ, ဒိကနၣ်လၢ်လၢမူခိၣ်ဒီးစံၣ်ညီၣ်နခ့နပှၤတဖၣ်န့ၣ်တ က့ၢ်. စံၣ်ညီၣ်ဃၣ်ပှၤလၢအတၢ်ကမၣ်အိၣ်တဂၤဒ်အကြၢးဒိးဘၣ်ဝဲအသိးဒီး ပျၢ်ဖျဲးကွံာ်ပှၤတဂၤလၢအတၢ်ကမၣ်တအိၣ်ဘၣ်န့ၣ်တက့ၢ်.

လံာ်နီၢ်အ့ၤစတၢ် 3:6

ဒီးတုၤအသ့ၣ်ညါဘၣ်ဝဲလၢစီၤမၢ်ဒကဲၤမ့ၢ်ပှၤယူဒၤဖိတဂၤန့ၣ်, အဝဲပာ်လီၤအသးလၢကမၤတၢ်အါန့ၢ်ကစံၣ်ညီၣ်စီၤမၢ်ဒကဲၤ ထဲတဂၤဧိၤတက့ၢ်န့ၣ်လီၤ. အဝဲကူၣ်ထီၣ်ဖးလီၤလၢကမၤသံကယဲၢ်ပှၤ ယူဒၤဖိခဲလၢာ်လၢကီၢ်ပၤရၣ်အဘီအမုၢ်ဒီဘ့ၣ်ညါအပူၤန့ၣ်လီၤ.

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်နီၢ်အ့ၤစတၢ် 7:4

ယၤဒီးယပှၤဂီၢ်မုၢ်ဘၣ်တၢ်ဆါလီၤကွံာ်အီၤလၢတၢ်မၤသံ အဂီၢ်န့ၣ်လီၤ. တၢ်န့ၣ်မ့ၢ်တအၢန့ၢ်ဒံးတၢ်ဆါလီၤကွံာ် ဆူတၢ်ကဲကုၢ်အပူၤဘၣ်ဒီး, ယကအိၣ်ဘှီၣ်ကလာ်ဒီးတမၤတံာ်တာ်ဘၣ် နၤလၢတၢ်ဂ့ၢ်န့ၣ်ဘၣ်. မ့မ့ၢ်ခဲအံၤပကဘၣ်တၢ်မၤဟးဂီၤကွံာ်ပှၤတုၤ အလၢာ်တစုန့ၣ်လီၤ.”

လံာ်နီၢ်အ့ၤစတၢ် 7:5

တုၤနုၤတစု, စီၤပၤအဃၤၡဝ့ရိၣ်သံကွၢ်နီၢ်ပၤမုၣ်အ့ၤစတၢ်, “မတၤမၤတၢ်ဒ်န့ၣ်တမံၤဘူၣ်တဂၤလဲၣ်. ပှၤတဂၤအံၤအိၣ်ဖဲလဲၣ်.”

စံးထီၣ်ပတြၢၤ 140:8

ယွၤဧၢ, ပှၤတတီတလိၤအတၢ်ဆၢန့ၢ်တဖၣ်န့ၣ် ဟ့ၣ်လီၤအီၤတဂ့ၤ. မ်အကူၣ်ထီၣ်တၢ်အၢန့ၣ်သုတကဲထီၣ်တၢ်တဂ့ၤ. စ့လၤ

စံးထီၣ်ပတြၢၤ 140:9

ပျဲယဒုၣ်ယဒါတဖၣ် မၤနၢၤယၤတဂ့ၤ, မ်အတၢ်ကတိၤမၤပျံၤမၤဖုးထီဒါယၤတဖၣ်န့ၣ် လီၤဘၣ်ကဒါက့ၤလၢအလိၤတက့ၢ်.

စံးထီၣ်ပတြၢၤ 141:10

မ်ပှၤအၢပှၤသီလီၤတဲာ်ကွံာ်ဆူအပျံၤသကွီၤဒၣ်ဝဲအပူၤ, ဖဲယထူၣ်ဖျဲးန့ၣ်တက့ၢ်.

စံးထီၣ်ပတြၢၤ 7:16

အတၢ်မၤကီမၤခဲတၢ်ကဘၣ်က့ၤဒၣ်အီၤ ဒီးအတၢ်စုဆူၣ်ခီၣ်တကး ကမၤဘၣ်ဒိက့ၤဒၣ်အီၤန့ၣ်လီၤ.

စံးထီၣ်ပတြၢၤ 7:17

ယကစံးထီၣ်ပတြၢၤယွၤဒ်အတၢ်တီတၢ်လိၤအသိး ဒီးယကသးဝံၣ်စံးထီၣ်ပတြၢၤ တၢ်ထီကတၢၢ်ယွၤအမံၤန့ၣ်လီၤ.

စံးထီၣ်ပတြၢၤ 94:23

ယွၤကသိၣ်ဃီၣ်အဝဲသ့ၣ်လၢအတၢ်တတီတလိၤအဃိ ဒီးကမၤဟးဂီၤအဝဲသ့ၣ်လၢ အတၢ်ဒဲးဘးတဖၣ်အဃိန့ၣ်လီၤ. ယွၤပကစၢ်ယွၤကမၤဟးဂီၤအဝဲသ့ၣ်လီၤ.

တၢ်ကတိၤဒိ. 26:27

ပှၤလၢအပာ်လီၤထုတဖၣ်လၢပှၤဂၤအဂီၢ်န့ၣ်, အကစၢ်ဒၣ်ဝဲကဘၣ်က့ၤထုလီၤ. ပှၤလၢအဒုးအိၣ်ထီၣ်ဟီၣ်ခိၣ်အတၢ်လီၤလာ်န့ၣ်, အကစၢ်ဒၣ်ဝဲတၢ်ကလီၤလာ်ဒိးသံအီၤန့ၣ်လီၤ.

တၢ်ကတိၤဒိ. 5:22

ပှၤတတီတလိၤတဂၤအတၢ်ဒဲးဘးတဖၣ်မ့ၢ်ထုတခါဒီးအဝဲဘၣ်တၢ်ဖီၣ် န့ၢ်အီၤလၢအတၢ်ဒဲးဘးဒၣ်ဝဲအပျံၤသကွီၤန့ၣ်လီၤ.

လံာ်ယၡါယၤ 22:25

ဖဲတၢ်န့ၣ်မၤအသးဒီး, နီၣ်စဲလၢအဘၣ်တၢ်စဲထီအီၤဂၢၢ်ဂၢၢ် ကျၢၤကျၢၤန့ၣ်, ကလီၤဖျုဒီးလီၤတဲာ်ကွံာ်ဝဲန့ၣ်လီၤ. ဒီးတၢ်န့ၣ်, ကမ့ၢ်တၢ်အကတၢၢ်လၢတၢ်ခဲလၢာ်လၢအဘျး လီၤစဲၤအသးလၢအလိၤအဂီၢ်န့ၣ်လီၤ.” ယွၤကတိၤတ့ၢ်လံတၢ်န့ၣ်လီၤ.

လံာ်ဧိၤဘါဒယၤ 1:15

မုၢ်နံၤလၢယၤ, ယွၤကစံၣ်ညီၣ်ပှၤကလုာ်ခဲလၢာ်န့ၣ်အိၣ်ဘူးဝဲလီၤ. ဒ်နမၤတ့ၢ်နဲအသိးတၢ်ကမၤက့ၤနၤလီၤ. နတၢ်ဖံးတၢ်မၤတဖၣ်ကဟဲဘၣ်ကဒါက့ၤနၤလီၤ.

လံာ်မးသဲ 21:44

(ပှၤတဂၤလၢ်လၢ်လၢအလီၤဃံၤလၢလၢၢ်အံၤအဖီခိၣ်န့ၣ်, ကကၢ်ဝဲဒီး လၢၢ်အံၤမ့ၢ်လီၤတဲာ်ဒီးဘၣ်ပှၤတဂၤဂၤဒီး, ကမၤလီၤသဘှံးကွံာ်အီၤလီၤ.)

လံာ်စီၤၡမူၤအ့လးအခီၣ်ထံးတဘ့ၣ် 25:39

တုၤစီၤဒၤဝံးနၢ်ဟူဘၣ်ဝဲလၢစီၤနၤဘလးသံန့ၣ်, အဝဲစံးဝဲ, “စံးထီၣ်ပတြၢၤယွၤတက့ၢ်. အဝဲဟ့ၣ်ကၣ်က့ၤလံ စီၤနၤဘလးလၢအမၤမဲာ်ဆှးယၤအဃိ, ဒီးပၢၤဃာ်ယၤလၢအမ့ၢ်အခ့ အပှၤ, လၢတၢ်မၤကမၣ်န့ၣ်လီၤ. ယွၤစံၣ်ညီၣ်လံစီၤနၤဘလးလၢအတၢ် အၢတၢ်သီအဃိလီၤ.”