လံာ်နီၢ်အ့ၤစတၢ် 9:21 - Sgaw Karen Common Bible

²¹ တဲဘၣ်အဝဲသ့ၣ်လၢကဘၣ်တိၢ်န့ၢ်ဖံးဃာ်လါအးဒၢ်ထီၣ်တဆံ လွံၢ်နံၤတနံၤဒီးတဆံယဲၢ်နံၤတနံၤတဖၣ်ဒ်တၢ်အိၣ်ဘှံးအမုၢ်နံၤ တဖၣ်အသိးကိးနံၣ်ဒဲးန့ၣ်လီၤ.

လံာ်နီၢ်အ့ၤစတၢ် 9:21 Iomraidhean Croise

လံာ်စီၤဧ့စြၤ 6:15

လၢစီၤပၤဖးဒိၣ်ဒၤရယါဝ့ၣ်ပၢတၢ်ဃုနံၣ်တနံၣ်လါအးဒၢ်လါ ထီၣ်သၢသီတသီန့ၣ်အဝဲသ့ၣ်မၤဝံၤတၢ်လုၢ်ဟံၣ်န့ၣ်လီၤ.

လံာ်နီၢ်အ့ၤစတၢ် 3:7

လၢစီၤပၤအဃၤၡဝ့ရိၣ်ပၢတၢ်တဆံခံနံၣ်တနံၣ်, လါအခီၣ် ထံးတလါလၢအမ့ၢ်လါနံစၣ်အပူၤန့ၣ်, စီၤဟၤမၣ်ဟ့ၣ်လီၤ အကလုၢ်လၢတၢ်ကတ့ၢ်လီၤတၢ်ဖးတဖၣ်လၢအဘၣ်တၢ်ကိး အီၤလၢပူရးဒ်သိးကထံၣ်န့ၢ်နံၤသီဒီးလါအကြၢးကတၢၢ် လၢကမၤဝဲအတၢ်ကူၣ်ခူသူၣ်အဂီၢ်န့ၣ်လီၤ. ဒီးတၢ်ဖးလီၤဘၣ်ဝဲလၢလါတဆံခံလါတလါလၢအမ့ၢ်လါ အးဒၢ်ထီၣ်တဆံသၢနံၤတနံၤန့ၣ်လီၤ.

လံာ်နီၢ်အ့ၤစတၢ် 9:17

အအံၤမ့ၢ်ဖဲလါအးဒၢ်ထီၣ်တဆံသၢနံၤတနံၤန့ၣ်လီၤ. လၢခံတနံၤဖဲလါထီၣ်တဆံလွံၢ်နံၤတနံၤန့ၣ် တၢ်မၤသံတအိၣ်လၢၤဘၣ်ဒီး, ပာ်ဝဲဒ်အမ့ၢ်တၢ်သူၣ်ခု သးခုအတၢ်အီၣ်တၢ်အီအမူးအမုၢ်တနံၤန့ၣ်လီၤ.

လံာ်နီၢ်အ့ၤစတၢ် 9:18

မ့မ့ၢ်, ပှၤယူဒၤဖိလၢအအိၣ်လၢဝ့ၢ်ၡူၡၣ်တဖၣ်န့ၣ်, မၤသံအဒုၣ်အဒါလၢတဆံသၢနံၤတနံၤဒီးတဆံလွံၢ်နံၤတနံၤန့ၣ် လီၤ. ဒီးလၢတဆံယဲၢ်နံၤတနံၤန့ၣ်အိၣ်ဘှံးဝဲဒီးပာ်ဝဲဒ် အမ့ၢ်တၢ်သူၣ်ခုသးခုအတၢ်အီၣ်တၢ်အီအမူးအမုၢ်တနံၤန့ၣ်လီၤ.

လံာ်နီၢ်အ့ၤစတၢ် 9:20

စီၤမၢ်ဒကဲၤမၢပှၤကွဲးလီၤတၢ်မၤအသးတဖၣ်အံၤ, ဒီးဆှၢလီၤလံာ်ပရၢတဖၣ်ဆူကယဲၢ်ပှၤယူဒၤဖိခဲလၢာ်အအိၣ် လၢကီၢ်ပၤရၣ်အဘီအမုၢ်အပူၤလၢအဘူးဒီးအယံၤ,

လံာ်နီၢ်အ့ၤစတၢ် 9:22

မုၢ်နံၤတဖၣ်အံၤမ့ၢ်မုၢ်နံၤလၢပှၤယူဒၤဖိတဖၣ်မၤပူၤ ဖျဲးအသးလၢအဒုၣ်အဒါအတၢ်ကူၣ်အၢ, ဒီးလါအံၤမ့ၢ်လါတလါ လၢအလဲလိာ်ကွံာ်တၢ်သူၣ်အုးသးအုးဒီးတၢ်သးဟးဂီၤ, ဆူတၢ်သူၣ်ခုသးခုဒီးတၢ်သူၣ်ဖှံသးညီန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်မုၢ်နံၤတဖၣ်အံၤ, အိၣ်ဒီးတၢ်အီၣ်တၢ်အီအမူးတဖၣ်ဒီးတၢ်သူၣ်ဖှံသးညီအမူး, တၢ်ဟ့ၣ်လိာ်သကိးအသးလၢတၢ်အီၣ်တၢ် အီတဖၣ်တဂၤဒီးတဂၤဒီးဆူပှၤဖှီၣ်ဖိယာ်ဖိန့ၣ်လီၤ.

လံာ်နီၢ်အ့ၤစတၢ် 9:27

ပှၤယူဒၤဖိတဖၣ်ဒုးကဲထီၣ်အီၤဒ်တၢ်သိၣ်တၢ်သီတမံၤလၢအဂီၢ်, အစၢၤအသွဲၣ်တဖၣ်အဂီၢ်, ဒီးပှၤတဂၤလၢ်လၢ်လၢအကကဲထီၣ်ပှၤ ယူဒၤဖိအဂီၢ်လၢအကတိၢ်န့ၢ်မုၢ်နံၤခံနံၤန့ၣ်လၢအဆၢကတီၢ် ဒၣ်ဝဲဒ်စီၤမၢ်ဒကဲၤအတၢ်ပိာ်လီၤနဲၣ်လီၤအသိးကိးနံၣ်ဒဲးဘၣ်ဆၢဘၣ် ကတီၢ်န့ၣ်လီၤ.

လံာ်နီၢ်အ့ၤစတၢ် 9:29

တုၤနုၤတစုစီၤအဘံဃယ့းလးအဖိမုၣ်, နီၢ်ပၤမုၣ်အ့ၤစတၢ်ဒီး စီၤမၢ်ဒကဲၤ, ကွဲးစ့ၢ်ကီးလံာ်ပရၢတဘ့ၣ်လၢအအိၣ်ဒီးနီၢ် အ့ၤစတၢ်အတၢ်စိကမီၤအလၢအပှဲၤဒ်သိးအကမၤဂၢၢ်မၤကျၢၤ လံာ်ပရၢလၢအဘၣ်ထွဲဒီးဘူၣ်ပူရံၣ်လၢစီၤမၢ်ဒကဲၤကွဲးတ့ၢ်လံ ဝဲလၢညါန့ၣ်လီၤ.