လံာ်နီၢ်အ့ၤစတၢ် 9:20 - Sgaw Karen Common Bible

²⁰ စီၤမၢ်ဒကဲၤမၢပှၤကွဲးလီၤတၢ်မၤအသးတဖၣ်အံၤ, ဒီးဆှၢလီၤလံာ်ပရၢတဖၣ်ဆူကယဲၢ်ပှၤယူဒၤဖိခဲလၢာ်အအိၣ် လၢကီၢ်ပၤရၣ်အဘီအမုၢ်အပူၤလၢအဘူးဒီးအယံၤ,

လံာ်နီၢ်အ့ၤစတၢ် 9:20 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:12

သ့ၣ်နီၣ်ထီၣ်က့ၤတၢ်မၤလီၤလးတဖၣ်လၢကစၢ်ယွၤမၤတ့ၢ်ဝဲ ဒီးတၢ်စံၣ်ညီၣ်တဖၣ်လၢအဟ့ၣ်ဝဲ,

လံာ်နီၢ်အ့ၤစတၢ် 1:1

တၢ်အံၤမ့ၢ်တၢ်မၤအသးဖဲမုၢ်နံၤမုၢ်သီတဖၣ် လၢစီၤပၤအဃၤၡဝ့ရိၣ်ပၢတၢ်လၢကီၢ်ပၤရၣ်အဝ့ၢ်ခိၣ်ဝ့ၢ်ၡူၡၣ် န့ၣ်လီၤ. အဝဲပၢဘၣ်ကီၢ်ဖိတကယၤခံဆံနွံဘ့ၣ်, စးထီၣ် လၢကီၢ်ဟံၣ်ဒူၤတုၤလၢကီၢ်ကူၤၡးန့ၣ်လီၤ.

လံာ်နီၢ်အ့ၤစတၢ် 1:22

အဝဲဆှၢလီၤတၢ်ကစီၣ်တမံၤအံၤဆူကီၢ်တဘ့ၣ်ဘၣ် တဘ့ၣ်လၢအပၢဘၣ်ဝဲဒ်အကျိာ်ဒၣ်ဝဲအသိး, လၢဝၤကိးဂၤဒဲးကဘၣ်မ့ၢ်ဟံၣ်ခိၣ်လၢအဟံၣ်ဒၣ်ဝဲဒီး ကတိၤတၢ်အိၣ်ဒီးတၢ်စိတၢ်ကမီၤလၢခံကတၢၢ်န့ၣ်လီၤ.

လံာ်နီၢ်အ့ၤစတၢ် 3:12

လၢတၢ်န့ၣ်အဃိ, လၢလါအခီၣ်ထံးတလါထီၣ်တဆံသၢ သီတနံၤန့ၣ်, စီၤဟၤမၣ်ကိးန့ၢ်စီၤပၤအပှၤ ကွဲးလံာ်တဖၣ်ဒီးကိးထီၣ်ထးခိၣ်န့ၢ်အီၤလၢ တၢ်ဘိးဘၣ်သ့ၣ်ညါတခါလၢကဘၣ်တၢ်ကွဲးကျိးထံ အီၤဆူကျိာ်ကိးကျိာ်ဒဲးလၢတၢ်သူအီၤလၢဘီမုၢ်အ ပူၤခဲလၢာ်ဒီးကဘၣ်တၢ်ရၤလီၤအီၤဆူပှၤပၢတၢ်တဖၣ်, ပဒိၣ်ပပှၢ်ခဲလၢာ်အအိၣ်န့ၣ်လီၤ. လံာ်ဘိးဘၣ်သ့ၣ်ညါအံၤဘၣ်တၢ်ရၤလီၤအီၤလၢစီၤပၤအဃၤၡဝ့ ရိၣ်အမံၤဒီးဘၣ်တၢ်စဲပနီၣ်ဃာ်အီၤလၢစီၤပၤအပသံးန့ၣ်လီၤ.

လံာ်နီၢ်အ့ၤစတၢ် 8:9

တၢ်အံၤမၤအသးဖဲလါသၢလါတလါ, လါစံဝၣ်ထီၣ်ခံဆံသၢသီအနံၤန့ၣ်လီၤ. စီၤမၢ်ဒကဲၤကိးန့ၢ်စီၤပၤအပှၤကွဲးလံာ်ဒိၣ်တဖၣ်, ဒီးကိးထီၣ်န့ၢ်အီၤလံာ်ပရၢတဖၣ်လၢကဘၣ်ကွဲးဝဲဆူပှၤယူဒၤဖိတဖၣ်, ဒီးဆူပဒိၣ်တဖၣ်, လၢပှၤပၢတၢ်ဆှၢတၢ်တဖၣ်ဒီးပဒိၣ်ဖးဒိၣ်တဖၣ် အအိၣ်လၢကီၢ်တကယၤခံဆံနွံဘ့ၣ်အပူၤ, စးထီၣ်လၢကီၢ်ဟံၣ်ဒူၤတုၤဆူကီၢ်ကူၤၡးန့ၣ်လီၤ. လံာ်ပရၢတဖၣ်န့ၣ်ဘၣ်တၢ်ကွဲးအီၤဆူကီၢ်တဘ့ၣ်ဘၣ်တဘ့ၣ်လၢအကျိာ် ဒၣ်ဝဲဒီးအတၢ်ကွဲးအကျိၤအကွာ်ဒၣ်ဝဲဒီးဆူပှၤယူဒၤဖိတဖၣ်အအိၣ် လၢအကျိာ်ဒီးအတၢ်ကွဲးအကျိၤအကွာ်ဒၣ်ဝဲန့ၣ်လီၤ.

လံာ်နီၢ်အ့ၤစတၢ် 9:19

မၤသးဒ်န့ၣ်ဒီးပှၤယူဒၤဖိလၢအအိၣ်လၢသဝီ ဒီးဝ့ၢ်ဆံးတဖၣ်အပူၤန့ၣ်ပာ်ဝဲဒၣ်လါအးဒၢ်ထီၣ်တဆံလွံၢ်နံၤ တနံၤလၢတၢ်သူၣ်ခုသးခုအနံၤအိၣ်ဘှံးတနံၤ, ဒီးတၢ်အီၣ်တၢ်အီအမူးတနံၤဒီးတၢ်ဟ့ၣ်လိာ်သကိးသး လၢတၢ်အီၣ်တၢ်အီအမုၢ်နံၤန့ၣ်လီၤ.

လံာ်နီၢ်အ့ၤစတၢ် 9:21

တဲဘၣ်အဝဲသ့ၣ်လၢကဘၣ်တိၢ်န့ၢ်ဖံးဃာ်လါအးဒၢ်ထီၣ်တဆံ လွံၢ်နံၤတနံၤဒီးတဆံယဲၢ်နံၤတနံၤတဖၣ်ဒ်တၢ်အိၣ်ဘှံးအမုၢ်နံၤ တဖၣ်အသိးကိးနံၣ်ဒဲးန့ၣ်လီၤ.

လံာ်နီၢ်အ့ၤစတၢ် 9:26

မၤသးဒ်န့ၣ်ဒီး, တၢ်အိၣ်ဘှံးအမုၢ်နံၤတဖၣ်န့ၣ်ဘၣ်တၢ်ကိး အီၤလၢပူရံၣ်လၢအဟဲလၢတၢ်ကတိၤပူရးန့ၣ်လီၤ. လၢစီၤမၢ်ဒကဲၤအတၢ်ပရၢဒီးတၢ်လၢအမၤအသးဒီး အဝဲသ့ၣ်ခဲလၢာ်အဃိ,

လံာ်နီၢ်အ့ၤစတၢ် 9:27

ပှၤယူဒၤဖိတဖၣ်ဒုးကဲထီၣ်အီၤဒ်တၢ်သိၣ်တၢ်သီတမံၤလၢအဂီၢ်, အစၢၤအသွဲၣ်တဖၣ်အဂီၢ်, ဒီးပှၤတဂၤလၢ်လၢ်လၢအကကဲထီၣ်ပှၤ ယူဒၤဖိအဂီၢ်လၢအကတိၢ်န့ၢ်မုၢ်နံၤခံနံၤန့ၣ်လၢအဆၢကတီၢ် ဒၣ်ဝဲဒ်စီၤမၢ်ဒကဲၤအတၢ်ပိာ်လီၤနဲၣ်လီၤအသိးကိးနံၣ်ဒဲးဘၣ်ဆၢဘၣ် ကတီၢ်န့ၣ်လီၤ.

လံာ်နီၢ်အ့ၤစတၢ် 9:29

တုၤနုၤတစုစီၤအဘံဃယ့းလးအဖိမုၣ်, နီၢ်ပၤမုၣ်အ့ၤစတၢ်ဒီး စီၤမၢ်ဒကဲၤ, ကွဲးစ့ၢ်ကီးလံာ်ပရၢတဘ့ၣ်လၢအအိၣ်ဒီးနီၢ် အ့ၤစတၢ်အတၢ်စိကမီၤအလၢအပှဲၤဒ်သိးအကမၤဂၢၢ်မၤကျၢၤ လံာ်ပရၢလၢအဘၣ်ထွဲဒီးဘူၣ်ပူရံၣ်လၢစီၤမၢ်ဒကဲၤကွဲးတ့ၢ်လံ ဝဲလၢညါန့ၣ်လီၤ.

လံာ်တၢ်ဟးထီၣ်ကွံာ် 17:14

ဒီးယွၤစံးဘၣ်စီၤမိၤၡ့, “ကွဲးနီၣ်တၢ်မၤနၢၤတမံၤအံၤ အဂ့ၢ်အကျိၤဒ်သိးကဘၣ်တၢ်သ့ၣ်နီၣ်အီၤတက့ၢ်. တဲဘၣ်စီၤယိၤၡူလၢယကမၤနၢၤကွံာ်ပှၤဧမၤလ့းဖိလၢာ်လၢာ်ဆ့ ဆ့န့ၣ်တက့ၢ်.”

လံာ်ယံးရမံယၤ 29:1

ယကွဲးဃီၤလံာ်ပရၢတဘ့ၣ်ဆူ ပှၤလုၢ်တၢ်အခိၣ်တဖၣ်, ဝံတဖၣ်, ပှၤဂီၢ်မုၢ်အခိၣ်အနၢ်တဖၣ်, ဒီးဆူပှၤအဂုၤအဂၤတဖၣ်လၢ စီၤနဘူၤကးန့စၢ်က့ၤကိးအီၤဒ်ပှၤဘၣ်တၢ်စိာ်မၢကဲကုၢ်အီၤအသိး တဖၣ်, လၢဝ့ၢ်ယရူၤရှလ့ၣ်ဆူ ကီၢ်ဘၤဘူၤလိၣ်အအိၣ်န့ၣ်လီၤ.