လံာ်နီၢ်အ့ၤစတၢ် 9:2 - Sgaw Karen Common Bible

² လၢပှၤယူဒၤဖိအိၣ်ဝဲဆိးဝဲအလီၢ်လၢဝ့ၢ်တဖျၢၣ်လၢ်လၢ်လၢဘီမုၢ် အပူၤန့ၣ်, အဝဲသ့ၣ်ကရၢကရိထီၣ်အသးဒ်သိးကထီဒါပှၤတဂၤ လၢ်လၢ်လၢအဟဲမၤအၢအီၤန့ၣ်လီၤ. ပှၤဂီၢ်မုၢ်လၢအအိၣ်လၢတၢ်လီၢ်တပူၤလၢ်လၢ်န့ၣ်ပျံၤဘၣ်အဝဲသ့ၣ်, ဒီးပှၤဆၢထၢၣ်ထီဒါအဝဲသ့ၣ်တဘူၣ်ဘၣ်နီတဂၤဘၣ်.

လံာ်နီၢ်အ့ၤစတၢ် 9:2 Iomraidhean Croise

လံာ်တၢ်ကဲထီၣ်အခီၣ်ထံး 35:5

တုၤစီၤယၤကိာ်ဒီးအဖိခွါတဖၣ်စးထီၣ်ဟးထီၣ်န့ၣ်တၢ်ပျံၤတၢ် ဖုးဖးဒိၣ်လီၤဘၣ်လၢပှၤဂီၢ်မုၢ်လၢအအိၣ်လၢဝ့ၢ်အိၣ်ဘူးအိၣ် တံၢ်တဖၣ်အလိၤဒီးတလူၤဘၣ်အဝဲသ့ၣ်ဘၣ်.

လံာ်နီၢ်အ့ၤစတၢ် 8:11

လံာ်ပရၢတဖၣ်အံၤ, ပာ်ဖျါထီၣ်လၢစီၤပၤဟ့ၣ်တၢ်ပျဲဆူ ပှၤယူဒၤဖိလၢအအိၣ်လၢဝ့ၢ်ကိးဖျၢၣ်ဒဲးအပူၤ, ဒ်သိးကကရၢကရိထီၣ်အသးလၢတၢ်ဒီဒၣ်က့ၤအသးဒၣ်ဝဲအဂီၢ်န့ၣ်လီၤ. ပှၤတကလုာ်ဂ့ၤတကလုာ်ဂ့ၤမ့ၢ်အိၣ်လၢကီၢ်တဘ့ၣ်ဂ့ၤ တဘ့ၣ်ဂ့ၤအပူၤလၢအဟဲဒုးပှၤယူဒၤဖိ, အဝဲသ့ၣ်အဖိတဖၣ်ဒီးအပှၤပိာ်မုၣ်တဖၣ်န့ၣ်, အဝဲသ့ၣ်မၤဆၢက့ၤဝဲသ့ဒီးမၤသံကွံာ်ပှၤလၢခံ ကတၢၢ်တဂၤဒီးဟံးန့ၢ်ကွံာ်ဝဲအတၢ်ဖိတၢ်လံၤသ့န့ၣ်လီၤ.

လံာ်နီၢ်အ့ၤစတၢ် 8:17

ဖဲဒၣ်စီၤပၤအတၢ်ဘိးဘၣ်သ့ၣ်ညါဘၣ်တၢ်ဖးအီၤလၢကီၢ်ဆၣ် တဘ့ၣ်လၢ်လၢ်အပူၤဒီးဝ့ၢ်တဝ့ၢ်လၢ်လၢ်အပူၤန့ၣ်ပှၤယူဒၤဖိ မၤတၢ်သူၣ်ခုသးခုအနံၤသဘျ့လၢအအိၣ်ဒီးတၢ်အီၣ် တၢ်အီဒီးတၢ်သူၣ်ဖှံသးညီန့ၣ်လီၤ. အန့ၣ်ဒီးပှၤဂီၢ်မုၢ်အဂၤအါဂၤကဲထီၣ်ပှၤယူဒၤဖိလီၤ. အဂ့ၢ်ဒ်အံၤ, ခဲအံၤအဝဲသ့ၣ်ပျံၤပှၤယူဒၤဖိန့ၣ်လီၤ.

လံာ်နီၢ်အ့ၤစတၢ် 9:10

လၢအမ့ၢ်စီၤဟးမဒၤသၤအဖိခွါစီၤဟၤမၣ်အဖိခွါ အဂၤတဆံန့ၣ်လီၤ. မ့မ့ၢ်အတၢ်ဖိတၢ်လံၤန့ၣ်တဘၣ်တၢ်ဂုာ်ဆူၣ်အီၤဘၣ်.

စံးထီၣ်ပတြၢၤ 71:13

ပှၤလၢအဃုယသး ဒ်သိးကမၤဟးဂီၤယၤန့ၣ် မ်အဘၣ်တၢ်မဲာ်ဆှးဒီးဟးဂီၤကွံာ်န့ၣ်တက့ၢ်. ပှၤလၢအဃုယတၢ်ဟးဂီၤတဖၣ်န့ၣ် မ်အဘၣ်တၢ်လုၣ်ဘၢကွံာ်အီၤလၢတၢ်ဒုၣ်ဒွဲၣ်, ဒီးတၢ်မၤမဲာ်ဆှးန့ၣ်တက့ၢ်.

စံးထီၣ်ပတြၢၤ 71:24

ဒီးယပျ့ၤကစံးကတိၤနတၢ်တီတၢ်လိၤ အတၢ်မၤစၢၤသ့သ့တနံၤလီၤ. အဂ့ၢ်ဒ်အံၤ, ပှၤလၢအဃုမၤဟးဂီၤယၤတဖၣ်န့ၣ် အမဲာ်ဆှးဒီးဘၣ်တၢ်ပာ်မဲာ်ဆှးအီၤလီၤ.

လံာ်တၢ်ဟးထီၣ်ကွံာ် 23:27

ပှၤဂီၢ်မုၢ်လၢအထီဒါသုန့ၢ်ယကမၤအီၤဒ်သိးကပျံၤယၤ, ယကမၢလီၤတၢ်သဘံၣ်ဘုၣ်အိၣ်ထီၣ်လၢပှၤဂီၢ်မုၢ်လၢသုဒုးထီဒါ အီၤတဖၣ်အကျါ, ဒီးယကမၤဒ်သိးသုဒုၣ်သုဒါတဖၣ်ကဃၣ်ကွံာ်အသးဒီးဃ့ၢ်ကွံာ်လၢ သုအိၣ်န့ၣ်လီၤ.

လံာ်ယၡါယၤ 8:9

ပှၤကလုာ်ခဲလၢာ်သ့ၣ်ဧၢ, ပာ်ဖှိၣ်သကိးသုသးလၢတၢ်ပျံၤတၢ် ဖုးအပူၤတက့ၢ်. ဒိကနၣ်တၢ်တက့ၢ်, သုဝဲလၢအအိၣ်လၢဟီၣ် ခိၣ်တၢ်လီၢ်အယံၤတဖၣ်သ့ၣ်ဧၢ, အိၣ်ကတဲာ်ကတီၤသုသးလၢ သုကဒုးတၢ်, ဘၣ်ဆၣ်ဒီးပျံၤတၢ်တက့ၢ်. မ့ၢ်လံ, ကတဲာ်ကတီၤသုသး, ဘၣ်ဆၣ်ဒီးပျံၤတၢ်တက့ၢ်.

လံာ်သိၣ်လီၤသီလီၤတၢ် 2:30

ဘၣ်ဆၣ် စီၤပၤစံဃိၣ်တပျဲလဲၤခီဂာ်ပှၤလၢ အထံအကီၢ်ဘၣ်. ယွၤသုကစၢ်ယွၤမၤကိၤအဝဲသ့ၣ်အခိၣ်ဒီး ဒုးပူထီၣ်လီထီၣ်အီၤတၢ်, မ့ၢ်ဒ်သိးပမၤနၢၤကွံာ်အဝဲဒၣ်ဒီး ဟံးန့ၢ်ကွံာ်အလီၢ်ကဝီၤလၢပမၤ န့ၢ်ပာ်စၢၤအီၤခဲအံၤကသ့ဝဲန့ၣ်လီၤ.

လံာ်စီၤယိၤၡူ 11:20

အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.

လံာ်စီၤယိၤၡူ 2:9

ဒီးစံးဘၣ်အဝဲသ့ၣ်, “ယသ့ၣ်ညါလၢယွၤဟ့ၣ်လီၤသုကီၢ်အံၤလီၤ. ပှၤကိးဂၤဒဲးလၢထံကီၢ်ပူၤအံၤပျံၤသုလီၤ.