လံာ်နီၢ်အ့ၤစတၢ် 9:16 - Sgaw Karen Common Bible

¹⁶ ပှၤယူဒၤဖိလၢအိၣ်လၢကီၢ်ဆၣ်တဖၣ်အပူၤပာ်ဖှိၣ် ထီၣ်စ့ၢ်ကီးအသးဒီးဒီဒၣ်အိၣ်ပှိၤလီၤက့ၤအသးလီၤ. အဝဲသ့ၣ်မၤပူၤဖျဲးအသးလၢအဒုၣ်အဒါအစုပူၤခီဖျိ မၤသံကွံာ်ပှၤဂီၢ်မုၢ်နွံကလးယဲၢ်ကထိ, လၢအသးဟ့အဝဲသ့ၣ်န့ၣ်လီၤ. ဘၣ်ဆၣ်ဒီး, အဝဲသ့ၣ်တဂုာ်ဆူၣ်ပျီဆူၣ်တၢ်နီတမံၤဘၣ်.

လံာ်နီၢ်အ့ၤစတၢ် 9:16 Iomraidhean Croise

လံာ်တၢ်ကဲထီၣ်အခီၣ်ထံး 34:27

ဖဲတၢ်မၤသံမၤဝီဒ်အံၤဝံၤန့ၣ်စီၤယၤကိာ်အဖိခွါအဂၤတဖၣ် ဂုာ်ဆူၣ်ပျီဆူၣ်ဝ့ၢ်လၢတၢ်ဟ့ၣ်ကၣ်ဆၢက့ၤအဝဲသ့ၣ်အဒီပုၢ်ဝဲၢ် မုၣ်အတၢ်မဲာ်ဆှးအဂီၢ်န့ၣ်လီၤ.

လံာ်နီၢ်အ့ၤစတၢ် 8:11

လံာ်ပရၢတဖၣ်အံၤ, ပာ်ဖျါထီၣ်လၢစီၤပၤဟ့ၣ်တၢ်ပျဲဆူ ပှၤယူဒၤဖိလၢအအိၣ်လၢဝ့ၢ်ကိးဖျၢၣ်ဒဲးအပူၤ, ဒ်သိးကကရၢကရိထီၣ်အသးလၢတၢ်ဒီဒၣ်က့ၤအသးဒၣ်ဝဲအဂီၢ်န့ၣ်လီၤ. ပှၤတကလုာ်ဂ့ၤတကလုာ်ဂ့ၤမ့ၢ်အိၣ်လၢကီၢ်တဘ့ၣ်ဂ့ၤ တဘ့ၣ်ဂ့ၤအပူၤလၢအဟဲဒုးပှၤယူဒၤဖိ, အဝဲသ့ၣ်အဖိတဖၣ်ဒီးအပှၤပိာ်မုၣ်တဖၣ်န့ၣ်, အဝဲသ့ၣ်မၤဆၢက့ၤဝဲသ့ဒီးမၤသံကွံာ်ပှၤလၢခံ ကတၢၢ်တဂၤဒီးဟံးန့ၢ်ကွံာ်ဝဲအတၢ်ဖိတၢ်လံၤသ့န့ၣ်လီၤ.

လံာ်နီၢ်အ့ၤစတၢ် 9:2

လၢပှၤယူဒၤဖိအိၣ်ဝဲဆိးဝဲအလီၢ်လၢဝ့ၢ်တဖျၢၣ်လၢ်လၢ်လၢဘီမုၢ် အပူၤန့ၣ်, အဝဲသ့ၣ်ကရၢကရိထီၣ်အသးဒ်သိးကထီဒါပှၤတဂၤ လၢ်လၢ်လၢအဟဲမၤအၢအီၤန့ၣ်လီၤ. ပှၤဂီၢ်မုၢ်လၢအအိၣ်လၢတၢ်လီၢ်တပူၤလၢ်လၢ်န့ၣ်ပျံၤဘၣ်အဝဲသ့ၣ်, ဒီးပှၤဆၢထၢၣ်ထီဒါအဝဲသ့ၣ်တဘူၣ်ဘၣ်နီတဂၤဘၣ်.

စံးထီၣ်ပတြၢၤ 149:7

ဒ်သိးကမၤနၢၤကွံာ်ပှၤကလုာ်တဖၣ် ဒီးကစံၣ်ညီၣ်ပှၤဂီၢ်မုၢ်တဖၣ်,

စံးထီၣ်ပတြၢၤ 37:15

အနးတဖၣ်ကဆဲးဘၣ်က့ၤအသးဒၣ်ဝဲ ဒီးအချံၣ်တဖၣ်ကဘၣ်တၢ်မၤကၢ်ကွံာ်အီၤန့ၣ်လီၤ.