လံာ်နီၢ်အ့ၤစတၢ် 9:14 - Sgaw Karen Common Bible

¹⁴ စီၤပၤမၤလိာ်ဝဲလၢတၢ်ကမၤအသးဒ်န့ၣ်လီၤ. ဒီးတၢ်ဘိးဘၣ်သ့ၣ်ညါန့ၣ်ဘၣ်တၢ်ရၤလီၤအီၤလၢဝ့ၢ် ၡူၡၣ်အပူၤလီၤ. ပှၤဘျးထီၣ်စီၤဟၤမၣ်အဖိခွါအဂၤတဆံ အစိၣ်လၢကမျၢၢ်အမဲာ်ညါလီၤ.

လံာ်နီၢ်အ့ၤစတၢ် 9:14 Iomraidhean Croise

လံာ်စီၤဧ့စြၤ 7:13

“ယမၤလိာ်လၢကယဲၢ်အံၣ်စရ့လးအပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်လၢအအိၣ်လၢယဘီ ယမုၢ်ဒီဘ့ၣ်အပူၤ, လၢအသးအိၣ်ဒိၣ်မးဒ်သိးကလဲၤဆူ ဝ့ၢ်ယရူၤၡလ့ၣ်ဃုာ်ဒီးနၤန့ၣ်ကဘၣ်တၢ်ပျဲအီၤလီၤ.

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်နီၢ်အ့ၤစတၢ် 7:9

တုၤနုၤတစု, အဝဲသ့ၣ်အကျါတဂၤ, လၢအမံၤမ့ၢ်ဝဲစီၤဃၤရဘိစံးဝဲဒၣ်, “စီၤဟၤမၣ်မၤတ့ၢ်ဒၣ်လဲာ်ပှၤပျၤထီသံတၢ်အသ့ၣ်တကျီၣ်လၢအ ဟံၣ်, ဒ်သိးကဘျးထီၣ်စီၤမၢ်ဒကဲၤ, ပှၤလၢအမၤပူၤဖျဲးတ့ၢ်ကစၢ်စီၤပၤအသးသမူလီၤ. ဒီးသ့ၣ်ကျီၣ်န့ၣ်, ထီဝဲဒၣ်အပျၢ်ယဲၢ်ဆံလီၤ.” စီၤပၤဟ့ၣ်လီၤအကလုၢ်, “ဘျးထီၣ်စီၤဟၤမၣ်လၢအလိၤတက့ၢ်.”

လံာ်နီၢ်အ့ၤစတၢ် 9:13

နီၢ်အ့ၤစတၢ်စံးဆၢဝဲ, “မ့ၢ်ဘၣ်တၢ်ဒိၣ်ကစၢ်စီၤပၤအသးဒီး, မ်ပှၤယူဒၤဖိလၢဝ့ၢ်ၡူၡၣ်အပူၤမၤကဒီးဝဲခဲမုၢ်ဆ့ၣ်တနံၤဒ် တနံၤအံၤတၢ်ပျဲအဝဲသ့ၣ်မၤအသိးန့ၣ်တက့ၢ်. ဒီးမ်ပှၤဘျးထီၣ်စီၤဟၤမၣ်အဖိခွါအဂၤတဆံအစိၣ်လၢသ့ၣ်အလိၤ တက့ၢ်.”

လံာ်နီၢ်အ့ၤစတၢ် 9:15

လၢလါအးဒၢ်ထီၣ်တဆံလွံၢ်နံၤတနံၤန့ၣ် ပှၤယူဒၤဖိလၢအအိၣ်လၢဝ့ၢ်ၡူၡၣ်အပူၤတဖၣ်ပာ်ဖှိၣ်ထီၣ်ကဒီး အသး, ဒီးမၤသံပှၤသၢကယၤလၢဝ့ၢ်ပူၤန့ၣ်လီၤ. ဘၣ်ဆၣ်ဒီး, အဝဲသ့ၣ်တဂုာ်ဆူၣ်ပျီဆူၣ်တၢ်နီတမံၤန့ၣ်ဘၣ်.

တၢ်ကတိၤဒိ. 12:7

ပှၤတတီတလိၤဘၣ်သဂၢၢ်အတၢ်လီၤပှီၢ်ဒီးအစၢၤအသွဲၣ်တအိၣ်လီၤ တဲာ်တ့ၢ်နီတဂၤဘၣ်. မ့မ့ၢ်, ပှၤတီပှၤလိၤအဒူၣ်ဖိထၢဖိ တဖၣ်ကအိၣ်မူဝဲဆူညါလီၤ.

လံာ်ပှၤစံၣ်တဲၤတဲလီၤတၢ် 6:3

ပှၤတဂၤကအိၣ်ဒီးအဖိတကယၤဂၤဒီးအိၣ်မူအါနံၣ်အါလါ, ဘၣ်ဆၣ်အဝဲအိၣ်မူယံာ်ထဲလဲၣ်နာ်က့, မ့ၢ်တန့ၢ်ဘၣ်တၢ်သူၣ်ဖှံသးညီလၢအဂီၢ်ဒၣ်ဝဲဒီးမ့ၢ်တန့ၢ်ဘၣ် တၢ်ခူၣ်လီၤဘျၢအီၤဂ့ၤဂ့ၤဘၣ်ဘၣ်ဒီး, ယစံးယဲလၢဖိသၣ်တဂၤ အိၣ်ဖျဲၣ်ထီၣ်လၢအသံန့ၣ်ဂ့ၤဒိၣ်တက့ၢ်လီၤ.

လံာ်တၢ်ဂံၢ် 24:20

အန့ၣ်ဝံၤဒီး, လၢအတၢ်ထံၣ်လၢညါခီအပူၤန့ၣ်စီၤဘံးလၣ်ထံၣ်ဘၣ် ပှၤဧမၤလ့းဖိတဖၣ်ဒီးအဲးထီၣ်အထးခိၣ်လၢဝံအကျိာ်ဒ်အံၤလီၤ. “ကီၢ်ဧမၤလ့းမ့ၢ်ပှၤတကလုာ်လၢအဂံၢ်အဘါဆူၣ်ကတၢၢ်လၢပှၤ ကလုာ်ခဲလၢာ်အကျါ, ဘၣ်ဆၣ်ဒီးလၢခံကတၢၢ်န့ၣ်ကဟးဂီၤ လီၤထူလီၤယိာ်လီၤ.”

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).