လံာ်နီၢ်အ့ၤစတၢ် 9:11 - Sgaw Karen Common Bible

¹¹ လၢမုၢ်တနံၤဃီန့ၣ်, ပှၤလၢအဘၣ်တၢ်မၤသံအီၤလၢဝ့ၢ်ၡူၡၣ်ပူၤအနီၣ်ဂံၢ်န့ၣ်ဘၣ်တၢ် ပာ်ဖျါထီၣ်အီၤဆူစီၤပၤန့ၣ်လီၤ.

လံာ်နီၢ်အ့ၤစတၢ် 9:11 Iomraidhean Croise

လံာ်နီၢ်အ့ၤစတၢ် 9:10

လၢအမ့ၢ်စီၤဟးမဒၤသၤအဖိခွါစီၤဟၤမၣ်အဖိခွါ အဂၤတဆံန့ၣ်လီၤ. မ့မ့ၢ်အတၢ်ဖိတၢ်လံၤန့ၣ်တဘၣ်တၢ်ဂုာ်ဆူၣ်အီၤဘၣ်.

လံာ်နီၢ်အ့ၤစတၢ် 9:12

အန့ၣ်ဒီးစီၤပၤစံးဘၣ်နီၢ်ပၤမုၣ်အ့ၤစတၢ်, “ပှၤယူဒၤဖိမၤသံပှၤယဲၢ်ကယၤလၢဝ့ၢ်ၡူၡၣ်အပူၤဃုာ်ဒီး စီၤဟၤမၣ်အဖိခွါအဂၤတဆံလံ. အဝဲသ့ၣ်ကဘၣ်မၤဒံးတၢ်မနုၤလၢကီၢ်ဆၣ်တဖၣ်အပူၤန့ၣ်လဲၣ်. ခဲကနံၣ်အံၤ, နအဲၣ်ဒိးတၢ်မနုၤလဲၣ်. နကဒိးန့ၢ်ဘၣ်လီၤ. တဲဘၣ်ယၤတၢ်လၢနအဲၣ်ဒိးဒံးတက့ၢ်. ဒီးနကဒိးန့ၢ်ဘၣ်လီၤ.”

လံာ်နီၢ်အ့ၤစတၢ် 9:18

မ့မ့ၢ်, ပှၤယူဒၤဖိလၢအအိၣ်လၢဝ့ၢ်ၡူၡၣ်တဖၣ်န့ၣ်, မၤသံအဒုၣ်အဒါလၢတဆံသၢနံၤတနံၤဒီးတဆံလွံၢ်နံၤတနံၤန့ၣ် လီၤ. ဒီးလၢတဆံယဲၢ်နံၤတနံၤန့ၣ်အိၣ်ဘှံးဝဲဒီးပာ်ဝဲဒ် အမ့ၢ်တၢ်သူၣ်ခုသးခုအတၢ်အီၣ်တၢ်အီအမူးအမုၢ်တနံၤန့ၣ်လီၤ.

လံာ်ဒၤနံးယ့လး 8:2

လၢတၢ်ထံၣ်လၢညါခီအံၤအပူၤယထံၣ်လီၤက့ၤယသးသတူၢ် ကလာ်လၢယအိၣ်လၢကီၢ်ဧ့ၤလၣ်အဝ့ၢ်ခိၣ်ဝ့ၢ်ၡူၡၣ်အပူၤန့ၣ်လီၤ. ယဆၢထၢၣ်တ့ၢ်ဖဲထံကျိဖးဒိၣ်အူလဲၤအကၢၢ်နံၤန့ၣ်လီၤ.