လံာ်နီၢ်အ့ၤစတၢ် 9:1 - Sgaw Karen Common Bible

¹ မုၢ်တနံၤလၢစီၤပၤအတၢ်ဘိးဘၣ်သ့ၣ်ညါကဘၣ်ကဲထီၣ်လိၣ်ထီၣ်, လါအၢ်ဒးထီၣ်တဆံသၢသီတသီ, မုၢ်တနံၤဖဲပှၤယူဒၤဖိအဒုၣ်အဒါတဖၣ်မုၢ်လၢ်မၤန့ၢ်တၢ်ဒိၣ်စိ လၢပှၤယူဒၤဖိအဖီခိၣ်ဟဲတုၤဝဲလံ. ဘၣ်ဆၣ်လၢတၢ်န့ၣ်အလီၢ်ပှၤယူဒၤဖိတဖၣ်အိၣ်ဒီးတၢ်မၤနၢၤလၢ အဝဲသ့ၣ်အဖီခိၣ်န့ၣ်လီၤ.

လံာ်နီၢ်အ့ၤစတၢ် 9:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:41

နဒုးဃ့ၢ်ကွံာ်ယဒုၣ်ယဒါတဖၣ်လၢယမဲာ်ညါ, ယမၤဟးဂီၤကွံာ်ပှၤလၢအသးဟ့ယၤတဖၣ်လီၤ.

လံာ်နီၢ်အ့ၤစတၢ် 3:13

ပှၤဆှၢလံာ်ဖိတဖၣ်ဟံးန့ၢ်လံာ်ဘိးဘၣ်သ့ၣ်ညါဒီးဆှၢ ဝဲဆူကီၢ်ဆၣ်ကိးဘ့ၣ်ဒဲးလၢအအိၣ်လၢဘီမုၢ်အပူၤန့ၣ်လီၤ. လံာ်ဘိးဘၣ်သ့ၣ်ညါအံၤအိၣ်ဒီးတၢ်ပိာ်လီၤနဲၣ်လီၤ တဖၣ်လၢဖဲလါအးဒၢ်ထီၣ်တဆံသၢနံၤ, တနံၤဃီဧိၤန့ၣ်, ပှၤယူဒၤဖိခဲလၢာ်လၢအမ့ၢ်ပှၤသးစၢ်ဒီးပှၤသးပှၢ်, ပိာ်မုၣ်ဒီးဖိသၣ်တဖၣ်, ကဘၣ်တၢ်မၤသံကွံာ်အီၤန့ၣ်လီၤ. အဝဲသ့ၣ်ကဘၣ်တၢ်မၤသံအီၤလၢတၢ်သးကညီၤတအိၣ်ဘၣ်အပူၤ, ဒီးအတၢ်ဖိတၢ်လံၤတဖၣ်ကဘၣ်တၢ်ဟံးန့ၢ်ကွံာ်အီၤန့ၣ်လီၤ.

လံာ်နီၢ်အ့ၤစတၢ် 3:7

လၢစီၤပၤအဃၤၡဝ့ရိၣ်ပၢတၢ်တဆံခံနံၣ်တနံၣ်, လါအခီၣ် ထံးတလါလၢအမ့ၢ်လါနံစၣ်အပူၤန့ၣ်, စီၤဟၤမၣ်ဟ့ၣ်လီၤ အကလုၢ်လၢတၢ်ကတ့ၢ်လီၤတၢ်ဖးတဖၣ်လၢအဘၣ်တၢ်ကိး အီၤလၢပူရးဒ်သိးကထံၣ်န့ၢ်နံၤသီဒီးလါအကြၢးကတၢၢ် လၢကမၤဝဲအတၢ်ကူၣ်ခူသူၣ်အဂီၢ်န့ၣ်လီၤ. ဒီးတၢ်ဖးလီၤဘၣ်ဝဲလၢလါတဆံခံလါတလါလၢအမ့ၢ်လါ အးဒၢ်ထီၣ်တဆံသၢနံၤတနံၤန့ၣ်လီၤ.

လံာ်နီၢ်အ့ၤစတၢ် 8:12

တၢ်စံၣ်ညီၣ်ဟ့ၣ်လီၤကလုၢ်အံၤကဘၣ်ကဲထီၣ်လိၣ်ထီၣ်ဝဲ သကုၤကီၢ်ပၤရၣ်အဘီအမုၢ်ဖဲမုၢ်တနံၤလၢတၢ်ပာ်လီၤတ့ၢ်အီၤ ဒ်တၢ်ကမၤသံပှၤယူဒၤဖိတဖၣ်အနံၤလၢအမ့ၢ်လါတဆံခံလါတလါ, လါအးဒၢ်ထီၣ်တဆံသၢနံၤတနံၤန့ၣ်လီၤ.

လံာ်နီၢ်အ့ၤစတၢ် 8:6

တၢ်တတၢးတနါဒ်သိးအံၤမ့ၢ်တုၤအိၣ်ယပှၤဂီၢ်မုၢ်, ဒီးယဘူးယတံၢ်ဒၣ်ယဲတဖၣ်မ့ၢ်ဘၣ်တၢ်မၤသံအီၤန့ၣ်ဒီး, ယတူၢ်ယဲကသ့ဒ်လဲၣ်.”

လံာ်နီၢ်အ့ၤစတၢ် 9:17

အအံၤမ့ၢ်ဖဲလါအးဒၢ်ထီၣ်တဆံသၢနံၤတနံၤန့ၣ်လီၤ. လၢခံတနံၤဖဲလါထီၣ်တဆံလွံၢ်နံၤတနံၤန့ၣ် တၢ်မၤသံတအိၣ်လၢၤဘၣ်ဒီး, ပာ်ဝဲဒ်အမ့ၢ်တၢ်သူၣ်ခု သးခုအတၢ်အီၣ်တၢ်အီအမူးအမုၢ်တနံၤန့ၣ်လီၤ.

စံးထီၣ်ပတြၢၤ 18:40

နဒုးဃ့ၢ်ကွံာ်ယဒုၣ်ယဒါသ့ၣ်တဖၣ်လၢယမဲာ်ညါ, ယမၤဟးဂီၤကွံာ်ပှၤလၢအသးဟ့ယၤတဖၣ်လီၤ.

စံးထီၣ်ပတြၢၤ 30:11

ယတၢ်မိၣ်တၢ်မးန့ၣ်နဒုးကဲထီၣ်အီၤဆူ တၢ်ဂဲၤကလံၣ်လၢယဂီၢ်, နဟံးထီၣ်ကွံာ်ယတၢ်သူၣ်အုးသးအုး ဒီးဘိၣ်ဘံယၤလၢတၢ်သူၣ်ခုသးခု,

မၤတၢ် 12:11

တုၤနုၤတစုစီၤပ့းတရူးသ့ၣ်ညါတၢ်မၤအသးဒီးအီၤဒ်လဲၣ်အဂ့ၢ်ဒီးစံးဝဲ, “ခဲကနံၣ်အံၤယသ့ၣ်ညါလၢတၢ်တမံၤအံၤမၤအသးနီၢ်နီၢ်လီၤ. ကစၢ်ဆှၢလီၤအကလူး, ဒီးအဝဲဒၣ်အုၣ်က့ၤခီၣ်က့ၤယၤလၢစီၤပၤဟ့ၤရိာ်အတၢ်စိတၢ်က မီၤ, ဒီးလၢတၢ်ခဲလၢာ်လၢပှၤယူဒၤဖိမုၢ်လၢ်လၢအကမၤဝဲအပူၤန့ၣ် လီၤ.”

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.

လံာ်လီၣ်ဖျါ 11:18

ပှၤကလုာ်ဂၤတဖၣ်သူၣ်ဒိၣ်သးဖျိးဝဲ, အဂ့ၢ်မ့ၢ်လၢနတၢ်သးထီၣ် အဆၢကတီၢ်ဟဲတုၤဝဲလံ, ဆၢကတီၢ်လၢပှၤသံ ကဘၣ်တၢ်စံၣ်ညီၣ်အီၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကဟ့ၣ်ခိၣ်ဖး ဆူနခ့နပှၤတဖၣ်, ဝံတဖၣ်, ဒီးနပှၤဂီၢ်မုၢ်ခဲလၢာ်, ပှၤကိးဂၤဒဲးလၢအအိၣ်ဒီး တၢ်ယူးယီၣ်ပာ်ကဲနၤတဖၣ်, ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကမၤဟးဂီၤကွံာ် ပှၤတဖၣ်လၢအမၤဟးဂီၤဟီၣ်ခိၣ်န့ၣ်လီၤ.”