လံာ်နီၢ်အ့ၤစတၢ် 8:9 - Sgaw Karen Common Bible

⁹ တၢ်အံၤမၤအသးဖဲလါသၢလါတလါ, လါစံဝၣ်ထီၣ်ခံဆံသၢသီအနံၤန့ၣ်လီၤ. စီၤမၢ်ဒကဲၤကိးန့ၢ်စီၤပၤအပှၤကွဲးလံာ်ဒိၣ်တဖၣ်, ဒီးကိးထီၣ်န့ၢ်အီၤလံာ်ပရၢတဖၣ်လၢကဘၣ်ကွဲးဝဲဆူပှၤယူဒၤဖိတဖၣ်, ဒီးဆူပဒိၣ်တဖၣ်, လၢပှၤပၢတၢ်ဆှၢတၢ်တဖၣ်ဒီးပဒိၣ်ဖးဒိၣ်တဖၣ် အအိၣ်လၢကီၢ်တကယၤခံဆံနွံဘ့ၣ်အပူၤ, စးထီၣ်လၢကီၢ်ဟံၣ်ဒူၤတုၤဆူကီၢ်ကူၤၡးန့ၣ်လီၤ. လံာ်ပရၢတဖၣ်န့ၣ်ဘၣ်တၢ်ကွဲးအီၤဆူကီၢ်တဘ့ၣ်ဘၣ်တဘ့ၣ်လၢအကျိာ် ဒၣ်ဝဲဒီးအတၢ်ကွဲးအကျိၤအကွာ်ဒၣ်ဝဲဒီးဆူပှၤယူဒၤဖိတဖၣ်အအိၣ် လၢအကျိာ်ဒီးအတၢ်ကွဲးအကျိၤအကွာ်ဒၣ်ဝဲန့ၣ်လီၤ.

လံာ်နီၢ်အ့ၤစတၢ် 8:9 Iomraidhean Croise

လံာ်စီၤပၤခံဘ့ၣ်တဘ့ၣ် 18:26

ဝံၤဒီးစီၤအ့ၤလယါကံၣ်, စီၤၡ့ၤဘနၤဒီးစီၤယိၤအၤတဲဘၣ် သုးခိၣ်န့ၣ်, “တၢ်ဒိၣ်ဧၢ, ကတိၤတၢ်ဒီးပှၤလၢပှၤအၤရၣ်ဖိ အကျိာ်တက့ၢ်. ပနၢ်ပၢၢ်အီၤ. ကစီဒီလီၤ. ကတိၤတၢ်လၢဧ့ၤဘြံၤအကျိာ်တဂ့ၤ. ပှၤဂီၢ်မုၢ်လၢဝ့ၢ်ခိၣ်ဒူအလိၤဒိကနၣ်တၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 15:10

အဝဲသ့ၣ်အိၣ်ဖှိၣ်ရိဖှိၣ်ဝဲလၢဝ့ၢ်ယရူၤၡလ့ၣ်အပူၤဖဲစီၤအၤ စါကဲစီၤပၤတဆံယဲၢ်နံၣ်တနံၣ်လါသၢလါတလါအပူၤန့ၣ်လီၤ.

လံာ်နီၢ်အ့ၤစတၢ် 1:1

တၢ်အံၤမ့ၢ်တၢ်မၤအသးဖဲမုၢ်နံၤမုၢ်သီတဖၣ် လၢစီၤပၤအဃၤၡဝ့ရိၣ်ပၢတၢ်လၢကီၢ်ပၤရၣ်အဝ့ၢ်ခိၣ်ဝ့ၢ်ၡူၡၣ် န့ၣ်လီၤ. အဝဲပၢဘၣ်ကီၢ်ဖိတကယၤခံဆံနွံဘ့ၣ်, စးထီၣ် လၢကီၢ်ဟံၣ်ဒူၤတုၤလၢကီၢ်ကူၤၡးန့ၣ်လီၤ.

လံာ်နီၢ်အ့ၤစတၢ် 1:22

အဝဲဆှၢလီၤတၢ်ကစီၣ်တမံၤအံၤဆူကီၢ်တဘ့ၣ်ဘၣ် တဘ့ၣ်လၢအပၢဘၣ်ဝဲဒ်အကျိာ်ဒၣ်ဝဲအသိး, လၢဝၤကိးဂၤဒဲးကဘၣ်မ့ၢ်ဟံၣ်ခိၣ်လၢအဟံၣ်ဒၣ်ဝဲဒီး ကတိၤတၢ်အိၣ်ဒီးတၢ်စိတၢ်ကမီၤလၢခံကတၢၢ်န့ၣ်လီၤ.

လံာ်နီၢ်အ့ၤစတၢ် 10:1

စီၤပၤအဃၤၡဝံရိၣ်ပာ်ဆူၣ်ထီၣ်တၢ်မၢဆူၣ်မၢစိးအတၢ်မၤတဖၣ်လၢ ပှၤဂီၢ်မုၢ်လၢအအိၣ်လၢအဘီအမုၢ်အပီၣ်လဲၣ်ကၢၢ်နံၤလီၢ်ကဝီၤတဖၣ် အလိၤဒီးဒ်န့ၣ်အသိးလၢပှၤအိၣ်လၢကီၢ်အသးကံၢ်ပူၤတဖၣ်အလိၤ န့ၣ်လီၤ.

လံာ်ဒၤနံးယ့လး 4:1

စီၤပၤနဘူၤကးန့စၢ်ဘိးဘၣ်သ့ၣ်ညါလီၤတၢ်ဆူကယဲၢ်ပှၤဂီၢ် မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ် အကလုာ်ကလုာ်လၢအအိၣ်လၢဟီၣ်ခိၣ်ဒီဘ့ၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်ဒၤနံးယ့လး 6:1

ဒီးစီၤဒၤရယါဝ့ၣ်ပာ်လီၤတ့ၢ်အသးလၢကနီၤဖးလီၤအဘီအမုၢ် ဆူကီၢ်ဖိကီၢ်ဆၣ်တကယၤခံဆံဒီးပာ်ထီၣ်ပဒိၣ်ဖးဒိၣ်အဂၤတကယၤ ခံဆံလၢကပၢတၢ်စုာ်စုာ်န့ၣ်လီၤ.

လံာ်ဒၤနံးယ့လး 6:25

တၢ်န့ၣ်တဖၣ်အလီၢ်ခံန့ၣ်စီၤပၤဒၤရယါဝ့ၣ်ကွဲးလီၤ တၢ်ဆူကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ်အကလုာ်ကလုာ်တဖၣ်လၢဟီၣ်ခိၣ်ဒီဘ့ၣ်ညါ အအိၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.