လံာ်နီၢ်အ့ၤစတၢ် 8:8 - Sgaw Karen Common Bible

⁸ မ့မ့ၢ်, လံာ်ဘိးဘၣ်သ့ၣ်ညါတဘ့ၣ်လၢအဘၣ်တၢ်ရၤလီၤတ့ၢ်လံအီၤ လၢစီၤပၤအမံၤ, ဒီးစီၤပၤအတၢ်စဲပနီၣ်န့ၣ်, တၢ်ဘိးကဒါအီၤတသ့ဘၣ်. ဘၣ်ဆၣ်, သုကွဲးလံာ်ပရၢဆူပှၤယူဒၤဖိတဖၣ်အအိၣ်ဖဲသုအဲၣ်ဒိးသ့ဝဲ ဒီးသုကဘၣ်ကွဲးအီၤလၢယမံၤဒီးစဲပနီၣ်ဃာ်အီၤဒီးစီၤပၤအတၢ်စဲ ပနီၣ်လီၤ.”

လံာ်နီၢ်အ့ၤစတၢ် 8:8 Iomraidhean Croise

လံာ်စီၤပၤအခီၣ်ထံးတဘ့ၣ် 21:8

အန့ၣ်ဒီးအဝဲကွဲးလံာ်ပရၢတနီၤ, ဆဲးလီၤဝဲလၢစီၤအၤဃာ်အမံၤ, စဲပနီၣ်ဃာ်ဝဲလၢအတၢ်စဲပနီၣ်, ဒီးဆှၢလီၤဝဲဆူပဒိၣ်ပပှၢ် တဖၣ်ဒီးထံဖိကီၢ်ဖိလၢအဒိၣ်အထီလၢဝ့ၢ်ယံးစရ့လးအပူၤတဖၣ် အအိၣ်န့ၣ်လီၤ.

လံာ်နီၢ်အ့ၤစတၢ် 1:19

မ့ၢ်ဘၣ်, စီၤပၤအသးဒီး, မ်တၢ်ရၤလီၤစီၤပၤအတၢ်မၤလိာ်လၢနီၢ်ပၤမုၣ် ဝးၡတံၤအသုတပာ်ဖျါထီၣ်လၢၤအသးနီတစုလၢစီၤပၤအမဲာ်ညါ ဘၣ်တဂ့ၤန့ၣ်တက့ၢ်. တၢ်မၤလိာ်အံၤကဘၣ်တၢ်ကွဲးနီၣ်အီၤလၢကီၢ်ပၤရၣ်ဒီးကီၢ်မၤဒဲ အတၢ်သိၣ်တၢ်သီတဖၣ်အပူၤဒ်သိးတၢ်လဲ လိာ်ကွံာ်အီၤသုတသ့နီတဘျီတဂ့ၤလီၤ. အန့ၣ်ဒီးဟ့ၣ်လီၤကွံာ်အနီၢ် ပၤမုၣ်အလီၢ်အံၤဆူပိာ်မုၣ်လၢအဂ့ၤဒိၣ်န့ၢ်အီၤတဂၤအအိၣ်န့ၣ်တက့ၢ်.

လံာ်နီၢ်အ့ၤစတၢ် 3:12

လၢတၢ်န့ၣ်အဃိ, လၢလါအခီၣ်ထံးတလါထီၣ်တဆံသၢ သီတနံၤန့ၣ်, စီၤဟၤမၣ်ကိးန့ၢ်စီၤပၤအပှၤ ကွဲးလံာ်တဖၣ်ဒီးကိးထီၣ်ထးခိၣ်န့ၢ်အီၤလၢ တၢ်ဘိးဘၣ်သ့ၣ်ညါတခါလၢကဘၣ်တၢ်ကွဲးကျိးထံ အီၤဆူကျိာ်ကိးကျိာ်ဒဲးလၢတၢ်သူအီၤလၢဘီမုၢ်အ ပူၤခဲလၢာ်ဒီးကဘၣ်တၢ်ရၤလီၤအီၤဆူပှၤပၢတၢ်တဖၣ်, ပဒိၣ်ပပှၢ်ခဲလၢာ်အအိၣ်န့ၣ်လီၤ. လံာ်ဘိးဘၣ်သ့ၣ်ညါအံၤဘၣ်တၢ်ရၤလီၤအီၤလၢစီၤပၤအဃၤၡဝ့ ရိၣ်အမံၤဒီးဘၣ်တၢ်စဲပနီၣ်ဃာ်အီၤလၢစီၤပၤအပသံးန့ၣ်လီၤ.

လံာ်နီၢ်အ့ၤစတၢ် 8:10

စီၤမၢ်ဒကဲၤဒုးကွဲးလီၤလံာ်ပရၢတဖၣ်အံၤလၢစီၤပၤအဃၤၡဝ့ရိၣ်အမံၤ, ဒီးစဲပနီၣ်ဃာ်အီၤလၢစီၤပၤအတၢ်စဲပနီၣ်လီၤ. လံာ်ပရၢတဖၣ်န့ၣ်ဘၣ်တၢ်ရၤလီၤအီၤလၢပှၤဒိးကသ့ၣ်အချ့တဖၣ် လၢကဒိးကသ့ၣ်လၢပှၤဘုၣ်ဃာ်အီၤလၢစီၤပၤအဂီၢ်န့ၣ်လီၤ.

လံာ်နီၢ်အ့ၤစတၢ် 8:5

“မ့ၢ်ဘၣ်တၢ်ဒိၣ်ကစၢ်စီၤပၤအသး, ဒီးနမ့ၢ်သူၣ်အိၣ်သးအိၣ်ယၤ, ဒီးမ့ၢ်ဂ့ၤဝဲလၢနမဲာ်ဒီး, ဝံသးစူၤရၤလီၤလံာ်ဘိးဘၣ်သ့ၣ်ညါတဘ့ၣ်လၢကဘိး ကဒါက့ၤစီၤဟၤမၣ်အတၢ်မၤလိာ်တဖၣ်လၢတၢ်ရၤလီၤ တ့ၢ်လံအီၤန့ၣ်တက့ၢ်. တၢ်မၤလိာ်တဖၣ်န့ၣ်ဘၣ်တၢ်ရၤလီၤတ့ၢ် အီၤလၢပှၤအကၤကးဖိအစၢၤအသွဲၣ်စီၤဟးမဒၤသၤအဖိခွါ, ဒ်သိးတၢ်ကမၤဟးဂီၤကွံာ်ပှၤယူဒၤဖိလၢဘီမုၢ်အပူၤခဲလၢာ်န့ၣ်လီၤ.

လံာ်ဒၤနံးယ့လး 6:8

မၤသးဒ်န့ၣ်ဒီးနဲဒၣ်, စီၤပၤဧၢ, ဟ့ၣ်လီၤတၢ်ကလုၢ်အံၤဒီး ဆဲးလီၤနမံၤလၢတၢ်ကွဲးအသးအဖီခိၣ်တက့ၢ်. ဒီးတၢ်ကလုၢ်န့ၣ်ကအိၣ်ဝဲခၢၣ်သနၢၣ်ဒ်ပှၤမၤဒဲဖိဒီးပှၤပၤရၣ်ဖိ တဖၣ်အတၢ်သိၣ်တၢ်သီလၢတၢ်လဲလိာ်ကွံာ်အီၤတသ့ဘၣ်န့ၣ်လီၤ.”

၂ တံၤမသ့း 2:19

ဘၣ်ဆၣ်ဒီးတၢ်အခီၣ်ထံးဂၢၢ်ကျၢၤလၢကစၢ်ယွၤပာ်လီၤ တ့ၢ်ဝဲန့ၣ်, တၢ်မၤဟူးမၤဝးအီၤတန့ၢ်ဘၣ်. လၢအလိၤတၢ်ကတိၤတဖၣ်အံၤအိၣ်ကွဲးအသး, “ကစၢ်သ့ၣ်ညါပှၤလၢအမ့ၢ်အတၢ်လီၤ.” ဒီး “ပှၤလၢအစံးလၢအဝဲဘၣ်ဃးဒီးကစၢ်န့ၣ်ကဘၣ် ဃၣ်ကွံာ်အသးလၢတၢ်မၤကမၣ်တၢ်န့ၣ်လီၤ.”