လံာ်နီၢ်အ့ၤစတၢ် 8:7 - Sgaw Karen Common Bible

⁷ တုၤနုၤတစု, စီၤပၤအဃၤၡဝ့ရိၣ်စံးဘၣ်နီၢ်ပၤမုၣ်အ့ၤစတၢ်ဒီးပှၤယူဒၤဖိ စီၤမၢ်ဒကဲၤ, “ကွၢ်, ယဘျးထီၣ်တ့ၢ်လံစီၤဟၤမၣ်လၢအတၢ်ကူၣ် အၢခူသူၣ်ထီဒါပှၤယူဒၤဖိတဖၣ်အဃိ, ဒီးယဟ့ၣ်လီၤတ့ၢ်လံအတၢ်စုလီၢ်ခီၣ်ခိၣ်ဆူနီၢ်အ့ၤ စတၢ်လံန့ၣ်တက့ၢ်.

လံာ်နီၢ်အ့ၤစတၢ် 8:7 Iomraidhean Croise

လံာ်စီၤဧ့စြၤ 4:6

ဖဲစီၤပၤဖးဒိၣ်အဃၤၡဝ့ရိၣ်စးထီၣ်ပၢတၢ်န့ၣ်ပှၤဂီၢ်မုၢ်လၢ အအိၣ်ဆိးလၢကီၢ်ယူဒၤဒီးဝ့ၢ်ယရူၤၡလ့ၣ်အပူၤအဒုၣ်အဒါတဖၣ်ဟဲ စိာ်လံာ်လၢတၢ်ကွဲးပာ်တၢ်ကမၣ်ထီဒါပှၤယူဒၤဖိတဖၣ်န့ၣ်လီၤ.

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်နီၢ်အ့ၤစတၢ် 7:9

တုၤနုၤတစု, အဝဲသ့ၣ်အကျါတဂၤ, လၢအမံၤမ့ၢ်ဝဲစီၤဃၤရဘိစံးဝဲဒၣ်, “စီၤဟၤမၣ်မၤတ့ၢ်ဒၣ်လဲာ်ပှၤပျၤထီသံတၢ်အသ့ၣ်တကျီၣ်လၢအ ဟံၣ်, ဒ်သိးကဘျးထီၣ်စီၤမၢ်ဒကဲၤ, ပှၤလၢအမၤပူၤဖျဲးတ့ၢ်ကစၢ်စီၤပၤအသးသမူလီၤ. ဒီးသ့ၣ်ကျီၣ်န့ၣ်, ထီဝဲဒၣ်အပျၢ်ယဲၢ်ဆံလီၤ.” စီၤပၤဟ့ၣ်လီၤအကလုၢ်, “ဘျးထီၣ်စီၤဟၤမၣ်လၢအလိၤတက့ၢ်.”

လံာ်နီၢ်အ့ၤစတၢ် 8:1

ဒီးလၢမုၢ်တနံၤဃီန့ၣ်, စီၤပၤအဃၤၡဝ့ရိၣ်ဟ့ၣ်ကွံာ်, ပှၤယူဒၤဖိတဖၣ်အဒုၣ်အဒါစီၤဟၤမၣ်, အတၢ်စုလီၢ်ခီၣ်ခိၣ်ခဲလၢာ်ဆူနီၢ်ပၤမုၣ်အ့ၤစတၢ်အအိၣ်လီၤ. နီၢ်အ့ၤစတၢ်တဲဘၣ်စီၤပၤလၢစီၤမၢ်ဒကဲၤမ့ၢ်ပှၤဒီဘူးဒီတံၢ်ဒီးအီၤ, ဒီးစးထီၣ်ဖဲန့ၣ်, စီၤမၢ်ဒကဲၤမၤန့ၢ်တၢ်အခွဲးအယာ် လၢကလဲၤနုာ်ဆူစီၤပၤအမဲာ်ညါလီၤ.

တၢ်ကတိၤဒိ. 13:22

ပှၤအဂ့ၤတဂၤကအိၣ်ဒီးတၢ်ထူးတၢ်တီၤလၢကပာ်လီၤတဲာ်တ့ၢ်ဝဲလၢ အလံၤတဖၣ်အဂီၢ်လီၤ. မ့မ့ၢ်ပှၤတၢ်ဒဲးဘးဖိတဖၣ်အတၢ်ထူးတၢ်တီၤန့ၣ်ကလဲၤဆူပှၤတီ ပှၤလိၤတဖၣ်အအိၣ်လီၤ.

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).