လံာ်နီၢ်အ့ၤစတၢ် 8:2 - Sgaw Karen Common Bible

² စီၤပၤဘ့ၣ်လီၤကွံာ်အပသံးလၢအအိၣ်ဒီးအဝဲအတၢ်စဲပနီၣ်, (လၢအဟံးန့ၢ်က့ၤဝဲလၢစီၤဟၤမၣ်အအိၣ်န့ၣ်), ဒီးဟ့ၣ်လီၤဝဲစီၤမၢ်ဒကဲၤန့ၣ်လီၤ. ဒီးနီၢ်အ့ၤစတၢ်ပာ်စီၤမၢ်ဒကဲၤဒ်ပှၤပၢၤစီၤဟၤမၣ်အတၢ်စုလီၢ် ခီၣ်ခိၣ်န့ၣ်လီၤ.

လံာ်နီၢ်အ့ၤစတၢ် 8:2 Iomraidhean Croise

လံာ်တၢ်ကဲထီၣ်အခီၣ်ထံး 41:42

စီၤပၤဘ့ၣ်လီၤကွံာ်ပသံးလၢအအိၣ်ဒီးစီၤပၤအတၢ်စဲပနီၣ်လၢ အစုလိၤဒီးဒုးသိးထီၣ်စီၤယိၤသးန့ၣ်လီၤ. အဝဲဒုးကၤထီၣ်အီၤလၢဆ့ကၤဘဲအဂ့ၤတဘ့ၣ်ဒီးဒုးလံာ်ထီၣ်အီၤ လၢဖဲထူတပျံၤလၢအကိာ်လိၤလီၤ.

လံာ်နီၢ်အ့ၤစတၢ် 10:2

ကယဲၢ်တၢ်အဒိၣ်အမုၢ်ဒီးတၢ်လီၤလးတဖၣ်လၢအဝဲမၤတ့ၢ်, ဒီးဒ်န့ၣ်အသိး, တၢ်တဲဒီတယုၢ်ဘၣ်ထွဲဒီးအဝဲသုးထီထီၣ် စီၤမၢ်ဒကဲၤဆူလီၢ်လၤအထီန့ၣ်, ဘၣ်တၢ်ကွဲးနီၣ်အီၤလၢကီၢ်ပၤရၣ်ဒီးကီၢ်မၤဒဲအစီၤပၤတဖၣ် အပဒိၣ်ပပှၢ်အတၢ်ကွဲးနီၣ်တဖၣ်အပူၤန့ၣ်လီၤ.

လံာ်နီၢ်အ့ၤစတၢ် 3:10

စီၤပၤဘ့ၣ်လီၤအပသံးလၢအဘၣ်တၢ်သူအီၤဒ်တၢ်စဲပနီၣ်လၢ အဘၣ်ဃးဒီးပဒိၣ်ပပှၢ်အတၢ်ဘိးဘၣ်သ့ၣ်ညါ, ဒီးဟ့ၣ်လီၤဝဲ ဆူပှၤအကၤကးဖိ, စီၤဟးမဒၤသၤအဖိခွါစီၤဟၤမၣ်လၢ အမ့ၢ်ပှၤယူဒၤဖိအဒုၣ်အဒါအစုပူၤန့ၣ်လီၤ.

လံာ်နီၢ်အ့ၤစတၢ် 8:3

တုၤနုၤတစုနီၢ်အ့ၤစတၢ်တဲဘၣ်ကဒီးစီၤပၤအိၣ်ဒီးတၢ်ထိၣ်လီၤ ပှီၤအသးလၢစီၤပၤအခီၣ်ထံးဒီးဟီၣ်ဝဲဒီးဃ့ကညးစီၤပၤ လၢကမၤတၢ်တမံၤမံၤဒ်သိးကဆိကတီၢ်ကွံာ်ပှၤအကၤကးဖိ အစၢၤအသွဲၣ်စီၤဟၤမၣ်, အတၢ်ကူၣ်အၢခူသူၣ်ထီဒါပှၤယူဒၤဖိ တဖၣ်န့ၣ်လီၤ.

စံးထီၣ်ပတြၢၤ 37:34

မုၢ်လၢ်တၢ်လၢယွၤအပူၤဒီး ဒိကနၣ်အတၢ်မၤလိာ်တဖၣ်န့ၣ်တက့ၢ်. အဝဲဒၣ်ကမၤလၤကပီၤနၤခီဖျိ တၢ်ဟ့ၣ်လီၤနၤထံဧိၤကီၢ်ဧိၤ, ဒီးနကထံၣ်ပှၤအၢပှၤသီ ဘၣ်တၢ်ဒီၣ်တဲာ်ကွံာ်အီၤန့ၣ်လီၤ.

လံာ်ဒၤနံးယ့လး 2:48

အန့ၣ်ဝံၤဒီးစီၤပၤဟ့ၣ်လီၤစီၤဒၤနံးယ့လးလၢတၢ်လၤကပီၤဖး ဒိၣ်ဒီးခိၣ်ဖးအါအါကလဲာ်, ဒီးဒုးကဲထီၣ်အီၤလၢကီၢ်ဘၤဘူၤ လိၣ်ဒီကီၢ်ညါအကိတိာ်ခိၣ်ကျၢၢ်ဒီးပှၤအခိၣ်အဒိၣ်ကတၢၢ်လၢ စီၤပၤအပှၤဟ့ၣ်ကူၣ်တၢ်ခဲလၢာ်အဖီခိၣ်န့ၣ်လီၤ.

လံာ်လူၤကၣ် 15:22

ဘၣ်ဆၣ်ဒီးပၢ်ကိးဃီၤအတၢ်ခ့တၢ်ပှၤတဖၣ်ဒီးစံး, ‘မၤချ့ချ့တက့ၢ်. ဟဲစိာ်ဆ့ကၤဖးထီအဂ့ၤကတၢၢ်တဘ့ၣ်ဒီးဒုးကၤထီၣ်အီၤတက့ၢ်. ဖျီၣ်လီၤပသံးတဘိလၢအစုမုၢ်လိၤဒီးဒုးဒိးထီၣ်အီၤခီၣ်ဖံးတက့ၢ်.