လံာ်နီၢ်အ့ၤစတၢ် 8:17 - Sgaw Karen Common Bible

¹⁷ ဖဲဒၣ်စီၤပၤအတၢ်ဘိးဘၣ်သ့ၣ်ညါဘၣ်တၢ်ဖးအီၤလၢကီၢ်ဆၣ် တဘ့ၣ်လၢ်လၢ်အပူၤဒီးဝ့ၢ်တဝ့ၢ်လၢ်လၢ်အပူၤန့ၣ်ပှၤယူဒၤဖိ မၤတၢ်သူၣ်ခုသးခုအနံၤသဘျ့လၢအအိၣ်ဒီးတၢ်အီၣ် တၢ်အီဒီးတၢ်သူၣ်ဖှံသးညီန့ၣ်လီၤ. အန့ၣ်ဒီးပှၤဂီၢ်မုၢ်အဂၤအါဂၤကဲထီၣ်ပှၤယူဒၤဖိလီၤ. အဂ့ၢ်ဒ်အံၤ, ခဲအံၤအဝဲသ့ၣ်ပျံၤပှၤယူဒၤဖိန့ၣ်လီၤ.

လံာ်နီၢ်အ့ၤစတၢ် 8:17 Iomraidhean Croise

လံာ်တၢ်ကဲထီၣ်အခီၣ်ထံး 35:5

တုၤစီၤယၤကိာ်ဒီးအဖိခွါတဖၣ်စးထီၣ်ဟးထီၣ်န့ၣ်တၢ်ပျံၤတၢ် ဖုးဖးဒိၣ်လီၤဘၣ်လၢပှၤဂီၢ်မုၢ်လၢအအိၣ်လၢဝ့ၢ်အိၣ်ဘူးအိၣ် တံၢ်တဖၣ်အလိၤဒီးတလူၤဘၣ်အဝဲသ့ၣ်ဘၣ်.

လံာ်စီၤနဃ့မယၤ 8:10

ခဲကနံၣ်အံၤက့ၤဆူသုဟံၣ်ဒီးမၤတၢ်အီၣ်တၢ်အီတက့ၢ်. နီၤလိာ်သုကိၣ်ဒီးစပံးထံလၢပှၤလၢအတၢ်တလၢတလီၣ်အဂီၢ်န့ၣ်တ က့ၢ်. မုၢ်တနံၤအံၤမ့ၢ်မုၢ်နံၤစီဆှံလၢပယွၤအဂီၢ်အဃိသူၣ်အုးသးအုးတဂ့ၤ. တၢ်သူၣ်ခုသးခုလၢယွၤဟ့ၣ်သုန့ၣ်ကမၤဆူၣ်ထီၣ်သုဂံၢ် သုဘါလီၤ.”

လံာ်နီၢ်အ့ၤစတၢ် 9:17

အအံၤမ့ၢ်ဖဲလါအးဒၢ်ထီၣ်တဆံသၢနံၤတနံၤန့ၣ်လီၤ. လၢခံတနံၤဖဲလါထီၣ်တဆံလွံၢ်နံၤတနံၤန့ၣ် တၢ်မၤသံတအိၣ်လၢၤဘၣ်ဒီး, ပာ်ဝဲဒ်အမ့ၢ်တၢ်သူၣ်ခု သးခုအတၢ်အီၣ်တၢ်အီအမူးအမုၢ်တနံၤန့ၣ်လီၤ.

လံာ်နီၢ်အ့ၤစတၢ် 9:19

မၤသးဒ်န့ၣ်ဒီးပှၤယူဒၤဖိလၢအအိၣ်လၢသဝီ ဒီးဝ့ၢ်ဆံးတဖၣ်အပူၤန့ၣ်ပာ်ဝဲဒၣ်လါအးဒၢ်ထီၣ်တဆံလွံၢ်နံၤ တနံၤလၢတၢ်သူၣ်ခုသးခုအနံၤအိၣ်ဘှံးတနံၤ, ဒီးတၢ်အီၣ်တၢ်အီအမူးတနံၤဒီးတၢ်ဟ့ၣ်လိာ်သကိးသး လၢတၢ်အီၣ်တၢ်အီအမုၢ်နံၤန့ၣ်လီၤ.

လံာ်နီၢ်အ့ၤစတၢ် 9:2

လၢပှၤယူဒၤဖိအိၣ်ဝဲဆိးဝဲအလီၢ်လၢဝ့ၢ်တဖျၢၣ်လၢ်လၢ်လၢဘီမုၢ် အပူၤန့ၣ်, အဝဲသ့ၣ်ကရၢကရိထီၣ်အသးဒ်သိးကထီဒါပှၤတဂၤ လၢ်လၢ်လၢအဟဲမၤအၢအီၤန့ၣ်လီၤ. ပှၤဂီၢ်မုၢ်လၢအအိၣ်လၢတၢ်လီၢ်တပူၤလၢ်လၢ်န့ၣ်ပျံၤဘၣ်အဝဲသ့ၣ်, ဒီးပှၤဆၢထၢၣ်ထီဒါအဝဲသ့ၣ်တဘူၣ်ဘၣ်နီတဂၤဘၣ်.

လံာ်နီၢ်အ့ၤစတၢ် 9:22

မုၢ်နံၤတဖၣ်အံၤမ့ၢ်မုၢ်နံၤလၢပှၤယူဒၤဖိတဖၣ်မၤပူၤ ဖျဲးအသးလၢအဒုၣ်အဒါအတၢ်ကူၣ်အၢ, ဒီးလါအံၤမ့ၢ်လါတလါ လၢအလဲလိာ်ကွံာ်တၢ်သူၣ်အုးသးအုးဒီးတၢ်သးဟးဂီၤ, ဆူတၢ်သူၣ်ခုသးခုဒီးတၢ်သူၣ်ဖှံသးညီန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်မုၢ်နံၤတဖၣ်အံၤ, အိၣ်ဒီးတၢ်အီၣ်တၢ်အီအမူးတဖၣ်ဒီးတၢ်သူၣ်ဖှံသးညီအမူး, တၢ်ဟ့ၣ်လိာ်သကိးအသးလၢတၢ်အီၣ်တၢ် အီတဖၣ်တဂၤဒီးတဂၤဒီးဆူပှၤဖှီၣ်ဖိယာ်ဖိန့ၣ်လီၤ.

လံာ်နီၢ်အ့ၤစတၢ် 9:27

ပှၤယူဒၤဖိတဖၣ်ဒုးကဲထီၣ်အီၤဒ်တၢ်သိၣ်တၢ်သီတမံၤလၢအဂီၢ်, အစၢၤအသွဲၣ်တဖၣ်အဂီၢ်, ဒီးပှၤတဂၤလၢ်လၢ်လၢအကကဲထီၣ်ပှၤ ယူဒၤဖိအဂီၢ်လၢအကတိၢ်န့ၢ်မုၢ်နံၤခံနံၤန့ၣ်လၢအဆၢကတီၢ် ဒၣ်ဝဲဒ်စီၤမၢ်ဒကဲၤအတၢ်ပိာ်လီၤနဲၣ်လီၤအသိးကိးနံၣ်ဒဲးဘၣ်ဆၢဘၣ် ကတီၢ်န့ၣ်လီၤ.

လံာ်နီၢ်အ့ၤစတၢ် 9:3

ကီၢ်ဆၣ်အပဒိၣ်ပပှၢ်တဖၣ်လၢအမ့ၢ်ပဒိၣ်ဖးဒိၣ်, ကယဲၢ်ပှၤပၢဆှၢတၢ်တဖၣ်ဒီးစီၤပၤအခၢၣ်စးခဲလၢာ်န့ၣ်မၤစၢၤပှၤ ယူဒၤဖိသပှၢ်တၢၢ်လီၤ. အဂ့ၢ်ဒ်အံၤအဝဲခဲသ့ၣ်လၢာ်ပျံၤဘၣ် စီၤမၢ်ဒကဲၤန့ၣ်လီၤ.

စံးထီၣ်ပတြၢၤ 105:38

ပှၤအဲၤကူပတူးဖိတဖၣ် ပျံၤအဝဲသ့ၣ်ဒီး သးခုဝဲဖဲအဝဲသ့ၣ်ဟးထီၣ်ကွံာ်ဝဲန့ၣ်လီၤ.

စံးထီၣ်ပတြၢၤ 18:43

နမၤပူၤဖျဲးယၤလၢပှၤဂီၢ်မုၢ်လၢအပူထီၣ်တၢ်, ဒီးဒုးကဲထီၣ်ယၤပှၤပၢတၢ် လၢပှၤကလုာ်တဖၣ်အဖီခိၣ် ဒီးပှၤဂီၢ်မုၢ်လၢယတသ့ၣ်ညါတ့ၢ်ဘၣ်အီၤန့ၣ် မၤယတၢ်လီၤ.

လံာ်တၢ်ဟးထီၣ်ကွံာ် 15:16

တၢ်ပျံၤတၢ်ဖုးနးနးကလဲာ်လီၤဘၣ်လၢအဝဲသ့ၣ် အလိၤလီၤ. အဝဲသ့ၣ်ထံၣ်ဘၣ်နဂံၢ်နဘါ, ယွၤဧၢ. ဒီးဆၢထၢၣ်လၢတၢ်မၤနၢၤတအိၣ်ဘၣ်အပူၤဃုာ်ဒီးတၢ်ပျံၤတၢ်ဖုး တုၤနပှၤဂီၢ်မုၢ်လဲၤထီၣ်ပူၤကွံာ်ဝဲတစု, နပှၤဂီၢ်မုၢ်လၢနမၤထူၣ်ဖျဲးထီၣ်အီၤလၢကုၢ်အလီၢ်န့ၣ်လီၤ.

လံာ်သိၣ်လီၤသီလီၤတၢ် 11:25

ဖဲသုလဲၤတၢ်တပူၤလၢ်လၢ်လၢကီၢ်ပူၤန့ၣ်, ယွၤ, သုကစၢ်ယွၤကဒုးပျံၤဘၣ်ဖုးဘၣ်ပှၤဂီၢ်မုၢ်လၢသု, ဒ်အဝဲအၢၣ်လီၤတ့ၢ်လံဝဲအသိး, ဒီးပှၤလၢအတြီသုသ့န့ၣ်တအိၣ်ဘၣ်နီတဂၤဘၣ်.

လံာ်သိၣ်လီၤသီလီၤတၢ် 2:25

စးထီၣ်တနံၤအံၤဒီး ဆူညါန့ၣ်ယကဒုးပျံၤဘၣ်ဖုးဘၣ် ကယဲၢ်ပှၤဂီၢ်မုၢ်အိၣ်လၢ တၢ်လီၢ်တပူၤလၢ်လၢ်လၢ သုန့ၣ်လီၤ. တုၤပှၤယၢၤထီၣ်သုမံၤန့ၣ် ပှၤတဂၤလၢ်လၢ်ကကနိး ကစုာ်လၢတၢ်ပျံၤတၢ်ဖုးအပူၤလီၤ.

လံာ်စီၤယိၤၡူ 2:11

ဖဲပနၢ်ဟူတၢ်အံၤတဘျီဃီဒီးပပျံၤတၢ်လီၤ. လၢသုဃိပတၢ်သူၣ်ဒူသးဒူလီၤမၢ်ကွံာ်လၢာ်လံ. ယွၤသုကစၢ်ယွၤအံၤမ့ၢ်ကစၢ်ယွၤလၢအအိၣ်လၢမူခိၣ်လၢထးဒီး လၢဟီၣ်ခိၣ်အံၤစ့ၢ်ကီးန့ၣ်လီၤ.

လံာ်စီၤယိၤၡူ 2:9

ဒီးစံးဘၣ်အဝဲသ့ၣ်, “ယသ့ၣ်ညါလၢယွၤဟ့ၣ်လီၤသုကီၢ်အံၤလီၤ. ပှၤကိးဂၤဒဲးလၢထံကီၢ်ပူၤအံၤပျံၤသုလီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:8

ထဲဒၣ်သံကွၢ်ကွၢ်အဝဲသ့ၣ်, ဒီးအဝဲသ့ၣ်ကတဲနၤလီၤ. ပဟဲပဝဲဒၣ်လၢမူးဖးဒိၣ်အမုၢ်တနံၤ, ဒီးစီၤဒၤဝံးဃ့ကညး နၤလၢနကတူၢ်လိာ်ပဝဲသ့ၣ်တဖၣ်လၢတၢ်သူၣ်အိၣ်သးအိၣ်လီၤ. ဝံသးစူၤဟ့ၣ်ပှၤတၢ်လၢနဟ့ၣ်နခ့နပှၤပဝဲဒၣ်ဒီးနတံၤသကိးစီၤ ဒၤဝံးသ့ဝဲဒၣ်တဖၣ်တက့ၢ်.”