လံာ်နီၢ်အ့ၤစတၢ် 8:15 - Sgaw Karen Common Bible

¹⁵ စီၤမၢ်ဒကဲၤဟးထီၣ်ဝဲလၢနီပူၤ, ကူသိးဝဲဒၣ်စီၤပၤအကူအသိး, လၢတၢ်လါဒီးတၢ်ဝါဆ့ကၤဖးထီတဘ့ၣ်လၢပှၤမၤအီၤလၢ ဖှီဝါကဆှၣ်လုးတကုာ်အိၣ်ဒီးခိၣ်သလုးထူဖးဒိၣ်လီၤ. ဝ့ၢ်ၡူၡၣ်အပှၤဝ့ၢ်ဖိကိးပသူထီၣ်လၢတၢ်သူၣ်ခုသးခုဒီး တၢ်သူၣ်ဖှံသးညီလၢကျဲတဖၣ်အပူၤလီၤ.

လံာ်နီၢ်အ့ၤစတၢ် 8:15 Iomraidhean Croise

လံာ်တၢ်ကဲထီၣ်အခီၣ်ထံး 41:42

စီၤပၤဘ့ၣ်လီၤကွံာ်ပသံးလၢအအိၣ်ဒီးစီၤပၤအတၢ်စဲပနီၣ်လၢ အစုလိၤဒီးဒုးသိးထီၣ်စီၤယိၤသးန့ၣ်လီၤ. အဝဲဒုးကၤထီၣ်အီၤလၢဆ့ကၤဘဲအဂ့ၤတဘ့ၣ်ဒီးဒုးလံာ်ထီၣ်အီၤ လၢဖဲထူတပျံၤလၢအကိာ်လိၤလီၤ.

လံာ်နီၢ်အ့ၤစတၢ် 1:6

စီၤပၤအတၤသၣ်လီၢ်အဂၢၤန့ၣ်ဘၣ်တၢ်ကယၢကယဲအီၤဒီးယၣ်ဘျးသဒၢ လၢအလါအဲးဒီးအဝါတဖၣ်လၢတၢ်စၢဃာ်အီၤဒီးပျံၤဂီၤလုးတ ကုာ်, ဒီးဘျးလီၤအီၤလၢကွီၤစ့လၢအအိၣ်လၢထူၣ်လၢၢ်ဝါ, အလိၤန့ၣ်လီၤ. လီၢ်မံခးထူဒီးစ့တဖၣ်ဘၣ်တၢ်ပာ်အီၤလၢဂၢၤလၢ အဘၣ်တၢ်ဒါလီၤအီၤဒီးလၢၢ်ဘဟး, လၢၢ်ဝါ, လၢၢ်ဒၢ်ဒီးလၢၢ်သူတဖၣ်အပူၤန့ၣ်လီၤ.

လံာ်နီၢ်အ့ၤစတၢ် 10:2

ကယဲၢ်တၢ်အဒိၣ်အမုၢ်ဒီးတၢ်လီၤလးတဖၣ်လၢအဝဲမၤတ့ၢ်, ဒီးဒ်န့ၣ်အသိး, တၢ်တဲဒီတယုၢ်ဘၣ်ထွဲဒီးအဝဲသုးထီထီၣ် စီၤမၢ်ဒကဲၤဆူလီၢ်လၤအထီန့ၣ်, ဘၣ်တၢ်ကွဲးနီၣ်အီၤလၢကီၢ်ပၤရၣ်ဒီးကီၢ်မၤဒဲအစီၤပၤတဖၣ် အပဒိၣ်ပပှၢ်အတၢ်ကွဲးနီၣ်တဖၣ်အပူၤန့ၣ်လီၤ.

လံာ်နီၢ်အ့ၤစတၢ် 3:15

လၢစီၤပၤအကလုၢ်န့ၣ်တၢ်မၤလိာ်ဘၣ်တၢ်ရၤလီၤ အီၤလၢဝ့ၢ်ခိၣ်ဝ့ၢ်ၡူၡၣ်အပူၤဒီး, ပှၤဆှၢလံာ်ဖိတဖၣ်ဆှၢလီၤတၢ်ကစီၣ်ဆူကီၢ်တဖၣ်န့ၣ်လီၤ. စီၤပၤဒီးစီၤဟၤမၣ်ဆ့ၣ်နီၤဝဲဒီးအီတၢ်, ဖဲဝ့ၢ်ၡူၡၣ်ပှဲၤဝဲဒီး တၢ်သဘံၣ်ဘုၣ်ဒီးသူၣ်ကိၢ်သးဂီၤအခါန့ၣ်လီၤ.

လံာ်နီၢ်အ့ၤစတၢ် 5:1

လၢနီၢ်အ့ၤစတၢ်ဒုၣ်တၢ်အီၣ်တၢ်အီသၢနံၤတနံၤန့ၣ်, အဝဲကူထီၣ်သိးထီၣ်နီၢ်ပၤမုၣ်အကူအသိးဒီးလဲၤနုာ် ဒီးဆၢထၢၣ်လၢနီအဂၢၤအခၢၣ်သးဒၢးတဒၢးအပူၤလၢ အအိၣ်သဃီၤဒီးစီၤပၤအလီၢ်ပစိာ်အဒၢးအမဲာ်ညါန့ၣ်လီၤ. စီၤပၤဆ့ၣ်နီၤဝဲလၢအလီၢ်ပစိာ်အဖီခိၣ်လၢအအိၣ်သဃီၤဒီးကျဲ စၢၤဟဲနုာ်န့ၣ်လီၤ.

လံာ်နီၢ်အ့ၤစတၢ် 5:11

အဝဲကတိၤဒိၣ်လီၤအသးလၢအဝဲသ့ၣ်အမဲာ်ညါဘၣ်ထွဲဒီးအဝဲ ထူးဝဲတီၤဝဲထဲလဲၣ်အဂ့ၢ်, အဖိခွါအိၣ်ပှံၤဂၤအဂ့ၢ်, စီၤပၤသုးထီထီၣ်အလီၢ်ဒ်လဲၣ်အဂ့ၢ် ဒီးအဝဲအကါဒိၣ်န့ၢ်ဒံးစီၤပၤအပဒိၣ်ပပှၢ်အဂၤထဲလဲၣ်အဂ့ၢ်န့ၣ်လီၤ.

လံာ်နီၢ်အ့ၤစတၢ် 6:11

လၢတၢ်န့ၣ်အဃိစီၤဟၤမၣ်လဲၤဟံးန့ၢ်ဆ့ကၤဖးထီတဖၣ်ဒီးကသ့ၣ်, ဒီးဒုးကူထီၣ်သိးထီၣ်စီၤမၢ်ဒကဲၤလၢဆ့ကၤဖးထီန့ၣ်လီၤ. စီၤမၢ်ဒကဲၤဒိးထီၣ်ကသ့ၣ်ဒီးစီၤဟၤမၣ်ဆှၢအီၤလၢဝ့ၢ်အကျဲ ဧိၤကပူၤဧိၤတဖၣ်ဒီးကိးထီၣ်ဝဲဆူပှၤဂီၢ်မုၢ်, “ကွၢ်စီၤပၤမၤဘျုးပှၤတဂၤလၢအဝဲအဲၣ်ဒိးမၤလၤကပီၤဝဲဒ်လဲၣ် န့ၣ်တက့ၢ်.”

လံာ်နီၢ်အ့ၤစတၢ် 6:8

ဆ့ကၤတဖၣ်လၢနကစၢ်ဒၣ်နဲနကၤအီၤတက့ၢ်. မၢပှၤဒုးကုာ်ထီၣ်အီၤလၢခိၣ်သလုးဒီးဒုးဒိးထီၣ်အီၤလၢနက သ့ၣ်ဒၣ်နဲတက့ၢ်.

လံာ်နီၢ်အ့ၤစတၢ် 8:14

ဒ်စီၤပၤအတၢ်မၤလိာ်အိၣ်ဝဲအသိး, စီၤပၤအပှၤဒိးကသ့ၣ်ချ့တဖၣ် ဒိးထီၣ်ကသ့ၣ်ဒီးနီၣ်ထီၣ်ဝဲအချ့ကတၢၢ်လီၤ. ဒီးတၢ်စံၣ်ညီၣ်ဟ့ၣ်လီၤ ကလုၢ်အံၤ, ဘၣ်တၢ်ရၤလီၤစ့ၢ်ကီးအီၤလၢဝ့ၢ်ခိၣ်, ဝ့ၢ်ၡူၡၣ်အပူၤန့ၣ်လီၤ.

တၢ်ကတိၤဒိ. 11:10

ဝ့ၢ်တဝ့ၢ်သးခုဝဲဖဲပှၤအတီအလိၤတဖၣ်ဘီၣ်ထီၣ်ညီထီၣ်န့ၣ်လီၤ. ဒီးတၢ်သးခုအတၢ်ကိးပသူထီၣ်တဖၣ်အိၣ်ဝဲဖဲပှၤတတီတလိၤတဖၣ် သံဝဲန့ၣ်လီၤ.

တၢ်ကတိၤဒိ. 28:12

ဖဲပှၤအဂ့ၤတဖၣ်မၤန့ၢ်တၢ်စိတၢ်ကမီၤန့ၣ်, ပှၤခဲလၢာ်မၤမူးသးခု န့ၣ်လီၤ. ဘၣ်ဆၣ်ဖဲပှၤအအၢအသီတဖၣ်ပၢတၢ်န့ၣ်, ပှၤအိၣ်ခူသူၣ်ဝဲလီၤ.

တၢ်ကတိၤဒိ. 29:2

ဒုးနဲၣ်ယၤပှၤပၢတၢ်အတီအလိၤတဂၤတက့ၢ်. ဒီးယကဒုးနဲၣ်နၤပှၤဂီၢ်မုၢ်လၢအသူၣ်ဖှံသးညီတဖုလီၤ. ဒုးနဲၣ်ယၤပှၤပၢတၢ်အအၢအသီတဂၤတက့ၢ်. ဒီးယကဒုးနဲၣ်နၤပှၤဂီၢ်မုၢ်လၢအဘၣ်ကိၢ်ဘၣ်ဂီၤတဖုန့ၣ်လီၤ.

လံာ်မးသဲ 11:8

မ့တမ့ၢ်ဘၣ်ဒီးမ့ၢ်သုလဲၤဒ်သိးသုကထံၣ်ဘၣ်ပှၤလၢအကူအသိး ဆှုၣ်ဆှုၣ်ဘှဲၣ်ဘှဲၣ် တဂၤန့ၣ်ဧါ. ပှၤကူပှၤသိးဒ်န့ၣ်တဖၣ်အိၣ် ဆိးဒၣ်လၢနီတဖၣ်အပူၤလီၤ.

လံာ်မးသဲ 6:29

ဘၣ်ဆၣ်ဒီးယစံးဘၣ်သု, စီၤပၤၡလိၤမိၤလၢအအိၣ်ဒီးအကဟု ကညီၢ်အတၢ်ထူးတၢ်တီၤခဲလၢာ်န့ၣ်တကူတသိးဘၣ်ဂ့ၤထဲသိး ဒီးဖီဒ့ၣ်ညါဖိအံၤတဖိးဒၣ်လဲာ်ဘၣ်.

လံာ်လူၤကၣ် 16:19

“တဘျီန့ၣ်, ပှၤထူးပှၤတီၤအိၣ်ဝဲတဂၤလၢအကူအသိးတၢ်ကူတၢ်ကၤအပှ့ၤဒိၣ်ကတၢၢ် တဖၣ်ဒီးမုာ်လၤဝဲလၢတၢ်အီၣ်အမူးဖးဒိၣ်အပူၤကိးနံၤဒဲးလီၤ.