လံာ်နီၢ်အ့ၤစတၢ် 8:14 - Sgaw Karen Common Bible

¹⁴ ဒ်စီၤပၤအတၢ်မၤလိာ်အိၣ်ဝဲအသိး, စီၤပၤအပှၤဒိးကသ့ၣ်ချ့တဖၣ် ဒိးထီၣ်ကသ့ၣ်ဒီးနီၣ်ထီၣ်ဝဲအချ့ကတၢၢ်လီၤ. ဒီးတၢ်စံၣ်ညီၣ်ဟ့ၣ်လီၤ ကလုၢ်အံၤ, ဘၣ်တၢ်ရၤလီၤစ့ၢ်ကီးအီၤလၢဝ့ၢ်ခိၣ်, ဝ့ၢ်ၡူၡၣ်အပူၤန့ၣ်လီၤ.

လံာ်နီၢ်အ့ၤစတၢ် 8:14 Iomraidhean Croise

လံာ်စီၤပၤအခီၣ်ထံးတဘ့ၣ် 4:28

ပဒိၣ်ဖးဒိၣ်တဂၤဘၣ်တဂၤစုာ်စုာ်ဟ့ၣ်ထီၣ်စ့ၢ်ကီးဘုမုယီၤ, ဒီးလီၢ်ဧိၤဒံးဧိၤလၢကဘၣ်ဟ့ၣ်ဝဲဒ်တၢ်ဃ့အီၤအသိး, ဖဲတၢ်လိၣ်ဘၣ်အီၤတပူၤလၢ်လၢ်လၢလ့ၣ်ကဟၣ်အကသ့ၣ်တဖၣ်အဂီၢ်ဒီးလၢ ဆၣ်ဖိကီၢ်ဖိလၢတၢ်မၢအီၤတဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:6

တုၤစီၤပၤဒီးအပဒိၣ်ပပှၢ်တဖၣ်ဟ့ၣ်လီၤအကလုၢ်န့ၣ်ပှၤစိာ်တၢ် ကစီၣ်တဖၣ်ဟးထီၣ်ဝဲဆူကီၢ်ယူဒၤဒီးကီၢ်အံၣ်စရ့လးဒီ တဘ့ၣ်ညါအိၣ်ဒီးတၢ်ကွဲဒ်လၢလာ်အံၤန့ၣ်လီၤ. “ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုပူၤဖျဲးဒီးအိၣ်မူ လီၤတဲာ်တ့ၢ်ဒံးဖဲပှၤအၤၡူၢ်ဖိဟဲမၤနၢၤထံကီၢ်န့ၣ်လီၤ. ခဲကနံၣ်အံၤဃၣ်က့ၤသုသးဆူယွၤ, စီၤအၤဘြၤဟၣ်, စီၤအံၤစဲး, ဒီးစီၤယၤကိာ်အကစၢ်ယွၤအအိၣ်န့ၣ်တက့ၢ်. ဒီးအဝဲဒၣ်ကဃၣ်က့ၤအသးဆူသုအိၣ်န့ၣ်လီၤ.

လံာ်စီၤနဃ့မယၤ 1:1

ဒီးအအံၤမ့ၢ်စီၤဃကါလယၤအဖိခွါစီၤနဃ့မယၤအတၢ်ကတိၤတဖၣ်န့ၣ်လီၤ. ဒီးလၢကီၢ်ပၤရၣ်အစီၤပၤဖးဒိၣ်အၢ်တၤၡါၡတၤပၢတၢ်ပှဲၤထီၣ် အနံၣ်ခံဆံ, လါကံးစလ့ၤအပူၤန့ၣ်, ယအိၣ်လၢဝ့ၢ်ၡူၡၣ်လၢအမ့ၢ်ဝ့ၢ်ခိၣ်အပူၤ န့ၣ်လီၤ.

လံာ်နီၢ်အ့ၤစတၢ် 2:3

ဒီးမ်စီၤပၤဃုထၢပဒိၣ်ဖးဒိၣ်တဖၣ်လၢကီၢ် တဘ့ၣ်ဘၣ်တဘ့ၣ်လၢဘီမုၢ်အပူၤဒီးမၤလိာ်အဝဲသ့ၣ် ဒ်သိးကဟဲကိးမုၣ်လိၤဘိလၢအက့ၢ်အဂီၤဂ့ၤခဲလၢာ်ဆူပိာ်မုၣ် အဟံၣ်ဖဲဝ့ၢ်ခိၣ်ဝ့ၢ်ၡူၡၣ်အပူၤန့ၣ်တက့ၢ်. ပာ်အဝဲသ့ၣ်လၢပှၤဒ့ဒံၣ်ဖိ စီၤဟ့က့ၤလၢအကွၢ်ထွဲပှၤပိာ်မုၣ်တဖၣ်အစုပူၤ, ဒီးမ်ပှၤမၤဃံမၤလၤအီၤန့ၣ်တက့ၢ်.

လံာ်နီၢ်အ့ၤစတၢ် 3:13

ပှၤဆှၢလံာ်ဖိတဖၣ်ဟံးန့ၢ်လံာ်ဘိးဘၣ်သ့ၣ်ညါဒီးဆှၢ ဝဲဆူကီၢ်ဆၣ်ကိးဘ့ၣ်ဒဲးလၢအအိၣ်လၢဘီမုၢ်အပူၤန့ၣ်လီၤ. လံာ်ဘိးဘၣ်သ့ၣ်ညါအံၤအိၣ်ဒီးတၢ်ပိာ်လီၤနဲၣ်လီၤ တဖၣ်လၢဖဲလါအးဒၢ်ထီၣ်တဆံသၢနံၤ, တနံၤဃီဧိၤန့ၣ်, ပှၤယူဒၤဖိခဲလၢာ်လၢအမ့ၢ်ပှၤသးစၢ်ဒီးပှၤသးပှၢ်, ပိာ်မုၣ်ဒီးဖိသၣ်တဖၣ်, ကဘၣ်တၢ်မၤသံကွံာ်အီၤန့ၣ်လီၤ. အဝဲသ့ၣ်ကဘၣ်တၢ်မၤသံအီၤလၢတၢ်သးကညီၤတအိၣ်ဘၣ်အပူၤ, ဒီးအတၢ်ဖိတၢ်လံၤတဖၣ်ကဘၣ်တၢ်ဟံးန့ၢ်ကွံာ်အီၤန့ၣ်လီၤ.

လံာ်နီၢ်အ့ၤစတၢ် 3:14

လံာ်ဘိးဘၣ်သ့ၣ်ညါအံၤအတၢ်ဂ့ၢ်တၢ်ကျိၤတဖၣ် ကဘၣ်တၢ်ဒုးသ့ၣ်ညါအီၤဆူကမျၢၢ်လၢကီၢ်ကိးဘ့ၣ်ဒဲးအပူၤ, ဒ်သိးပှၤကိးဂၤဒဲးကကတဲာ်ကတီၤအသးလၢမုၢ်တနံၤန့ၣ် အဂီၢ်လီၤ.

လံာ်နီၢ်အ့ၤစတၢ် 3:15

လၢစီၤပၤအကလုၢ်န့ၣ်တၢ်မၤလိာ်ဘၣ်တၢ်ရၤလီၤ အီၤလၢဝ့ၢ်ခိၣ်ဝ့ၢ်ၡူၡၣ်အပူၤဒီး, ပှၤဆှၢလံာ်ဖိတဖၣ်ဆှၢလီၤတၢ်ကစီၣ်ဆူကီၢ်တဖၣ်န့ၣ်လီၤ. စီၤပၤဒီးစီၤဟၤမၣ်ဆ့ၣ်နီၤဝဲဒီးအီတၢ်, ဖဲဝ့ၢ်ၡူၡၣ်ပှဲၤဝဲဒီး တၢ်သဘံၣ်ဘုၣ်ဒီးသူၣ်ကိၢ်သးဂီၤအခါန့ၣ်လီၤ.

လံာ်နီၢ်အ့ၤစတၢ် 8:13

လံာ်အံၤကဘၣ်တၢ်ဘိးဘၣ်သ့ၣ်ညါအီၤဒ်တၢ်သိၣ်တၢ်သီအသိး ဒီးကဘၣ်တၢ်ဒုးသ့ၣ်ညါပှၤကိးဂၤဒဲးလၢကီၢ်ဆၣ်ကိးဘ့ၣ်ဒဲးအပူၤ, ဒ်သိးပှၤယူဒၤဖိကအိၣ်ကတဲာ်ကတီၤအသးလၢက ဟ့ၣ်ကၣ်က့ၤအဒုၣ်အဒါဖဲမုၢ်တနံၤန့ၣ်တုၤဃီၤဝဲလီၤ.

လံာ်နီၢ်အ့ၤစတၢ် 8:15

စီၤမၢ်ဒကဲၤဟးထီၣ်ဝဲလၢနီပူၤ, ကူသိးဝဲဒၣ်စီၤပၤအကူအသိး, လၢတၢ်လါဒီးတၢ်ဝါဆ့ကၤဖးထီတဘ့ၣ်လၢပှၤမၤအီၤလၢ ဖှီဝါကဆှၣ်လုးတကုာ်အိၣ်ဒီးခိၣ်သလုးထူဖးဒိၣ်လီၤ. ဝ့ၢ်ၡူၡၣ်အပှၤဝ့ၢ်ဖိကိးပသူထီၣ်လၢတၢ်သူၣ်ခုသးခုဒီး တၢ်သူၣ်ဖှံသးညီလၢကျဲတဖၣ်အပူၤလီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ဒၤနံးယ့လး 8:2

လၢတၢ်ထံၣ်လၢညါခီအံၤအပူၤယထံၣ်လီၤက့ၤယသးသတူၢ် ကလာ်လၢယအိၣ်လၢကီၢ်ဧ့ၤလၣ်အဝ့ၢ်ခိၣ်ဝ့ၢ်ၡူၡၣ်အပူၤန့ၣ်လီၤ. ယဆၢထၢၣ်တ့ၢ်ဖဲထံကျိဖးဒိၣ်အူလဲၤအကၢၢ်နံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:8

စီၤဒၤဝံးစံးဘၣ်စီၤအဃံၤမ့လ့း, “နအိၣ်ဒီးနးမ့ၢ်ဂ့ၤ ဘီမ့ၢ်ဂ့ၤတခါခါလၢနဟ့ၣ်ယၤကသ့ဧါ. စီၤပၤအကလုၢ်လီၤဝဲတုၤဒၣ်လဲာ်ယဘၣ်ဟးထီၣ်လၢအချ့ဒီးတၢ်ဆၢကတီၢ်လၢ ယကဟံးန့ၣ်ယနးမ့ၢ်ဂ့ၤတၢ်စုကဝဲၤအဂၤတမံၤမံၤမ့ၢ် ဂ့ၤတအိၣ်ဘၣ်န့ၣ်လီၤ.”