လံာ်နီၢ်အ့ၤစတၢ် 8:11 - Sgaw Karen Common Bible

¹¹ လံာ်ပရၢတဖၣ်အံၤ, ပာ်ဖျါထီၣ်လၢစီၤပၤဟ့ၣ်တၢ်ပျဲဆူ ပှၤယူဒၤဖိလၢအအိၣ်လၢဝ့ၢ်ကိးဖျၢၣ်ဒဲးအပူၤ, ဒ်သိးကကရၢကရိထီၣ်အသးလၢတၢ်ဒီဒၣ်က့ၤအသးဒၣ်ဝဲအဂီၢ်န့ၣ်လီၤ. ပှၤတကလုာ်ဂ့ၤတကလုာ်ဂ့ၤမ့ၢ်အိၣ်လၢကီၢ်တဘ့ၣ်ဂ့ၤ တဘ့ၣ်ဂ့ၤအပူၤလၢအဟဲဒုးပှၤယူဒၤဖိ, အဝဲသ့ၣ်အဖိတဖၣ်ဒီးအပှၤပိာ်မုၣ်တဖၣ်န့ၣ်, အဝဲသ့ၣ်မၤဆၢက့ၤဝဲသ့ဒီးမၤသံကွံာ်ပှၤလၢခံ ကတၢၢ်တဂၤဒီးဟံးန့ၢ်ကွံာ်ဝဲအတၢ်ဖိတၢ်လံၤသ့န့ၣ်လီၤ.

လံာ်နီၢ်အ့ၤစတၢ် 8:11 Iomraidhean Croise

လံာ်နီၢ်အ့ၤစတၢ် 3:13

ပှၤဆှၢလံာ်ဖိတဖၣ်ဟံးန့ၢ်လံာ်ဘိးဘၣ်သ့ၣ်ညါဒီးဆှၢ ဝဲဆူကီၢ်ဆၣ်ကိးဘ့ၣ်ဒဲးလၢအအိၣ်လၢဘီမုၢ်အပူၤန့ၣ်လီၤ. လံာ်ဘိးဘၣ်သ့ၣ်ညါအံၤအိၣ်ဒီးတၢ်ပိာ်လီၤနဲၣ်လီၤ တဖၣ်လၢဖဲလါအးဒၢ်ထီၣ်တဆံသၢနံၤ, တနံၤဃီဧိၤန့ၣ်, ပှၤယူဒၤဖိခဲလၢာ်လၢအမ့ၢ်ပှၤသးစၢ်ဒီးပှၤသးပှၢ်, ပိာ်မုၣ်ဒီးဖိသၣ်တဖၣ်, ကဘၣ်တၢ်မၤသံကွံာ်အီၤန့ၣ်လီၤ. အဝဲသ့ၣ်ကဘၣ်တၢ်မၤသံအီၤလၢတၢ်သးကညီၤတအိၣ်ဘၣ်အပူၤ, ဒီးအတၢ်ဖိတၢ်လံၤတဖၣ်ကဘၣ်တၢ်ဟံးန့ၢ်ကွံာ်အီၤန့ၣ်လီၤ.

လံာ်နီၢ်အ့ၤစတၢ် 9:18

မ့မ့ၢ်, ပှၤယူဒၤဖိလၢအအိၣ်လၢဝ့ၢ်ၡူၡၣ်တဖၣ်န့ၣ်, မၤသံအဒုၣ်အဒါလၢတဆံသၢနံၤတနံၤဒီးတဆံလွံၢ်နံၤတနံၤန့ၣ် လီၤ. ဒီးလၢတဆံယဲၢ်နံၤတနံၤန့ၣ်အိၣ်ဘှံးဝဲဒီးပာ်ဝဲဒ် အမ့ၢ်တၢ်သူၣ်ခုသးခုအတၢ်အီၣ်တၢ်အီအမူးအမုၢ်တနံၤန့ၣ်လီၤ.

စံးထီၣ်ပတြၢၤ 137:8

ဘၤဘူၤလိၣ်ဧၢ, နကဘၣ်တၢ်မၤဟးဂီၤန့ၣ်လီၤ. ပှၤလၢအဟ့ၣ်ကၣ်က့ၤနၤလၢ တၢ်လၢနမၤဘၣ်တ့ၢ်ပှၤအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 68:3

မ့မ့ၢ်ပှၤတီပှၤလိၤန့ၣ်မ်အသးခုတက့ၢ်. မ်အဝဲသ့ၣ်သူၣ်ဖှံသးညီလၢကစၢ်ယွၤ အမဲာ်ညါတက့ၢ်. မ်အဝဲသ့ၣ်ကိးထီၣ်လၢတၢ်သးခုန့ၣ်တက့ၢ်.

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယဃ့းစက့လး 39:10

အဝဲသ့ၣ်တဘၣ်ထၢဖှိၣ်လၢၤဘၣ်သ့ၣ်မုၣ်လၢပျီတဖၣ်အပူၤမ့ၢ်ဂ့ၤ, ကူာ်လီၤသ့ၣ်တဖၣ်လၢပှၢ်ပူၤမ့ၢ်ဂ့ၤလၢၤဘၣ်. အဂ့ၢ်ဒ်အံၤအဝဲသ့ၣ် ကအိၣ်ဒီးတၢ်စုကဝဲၤလၢအဘၣ်တၢ်ပာ်လီၤတဲာ်ကွံာ်အီၤတဖၣ် လၢကဆိၣ်ကဲၤဝဲအဂီၢ်န့ၣ်လီၤ. အဝဲသ့ၣ်ကဂုာ်ဆူၣ်ပျိဆူၣ်ဒီး ဂုာ်န့ၢ်ကွံာ်ပှၤတဖၣ်လၢအဂုာ်ဆူၣ်ပျိဆူၣ်ဒီးဂုာ်န့ၢ်တ့ၢ်အဝဲသ့ၣ် န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.