လံာ်နီၢ်အ့ၤစတၢ် 8:10 - Sgaw Karen Common Bible

¹⁰ စီၤမၢ်ဒကဲၤဒုးကွဲးလီၤလံာ်ပရၢတဖၣ်အံၤလၢစီၤပၤအဃၤၡဝ့ရိၣ်အမံၤ, ဒီးစဲပနီၣ်ဃာ်အီၤလၢစီၤပၤအတၢ်စဲပနီၣ်လီၤ. လံာ်ပရၢတဖၣ်န့ၣ်ဘၣ်တၢ်ရၤလီၤအီၤလၢပှၤဒိးကသ့ၣ်အချ့တဖၣ် လၢကဒိးကသ့ၣ်လၢပှၤဘုၣ်ဃာ်အီၤလၢစီၤပၤအဂီၢ်န့ၣ်လီၤ.

လံာ်နီၢ်အ့ၤစတၢ် 8:10 Iomraidhean Croise

လံာ်စီၤပၤအခီၣ်ထံးတဘ့ၣ် 21:8

အန့ၣ်ဒီးအဝဲကွဲးလံာ်ပရၢတနီၤ, ဆဲးလီၤဝဲလၢစီၤအၤဃာ်အမံၤ, စဲပနီၣ်ဃာ်ဝဲလၢအတၢ်စဲပနီၣ်, ဒီးဆှၢလီၤဝဲဆူပဒိၣ်ပပှၢ် တဖၣ်ဒီးထံဖိကီၢ်ဖိလၢအဒိၣ်အထီလၢဝ့ၢ်ယံးစရ့လးအပူၤတဖၣ် အအိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:28

ပဒိၣ်ဖးဒိၣ်တဂၤဘၣ်တဂၤစုာ်စုာ်ဟ့ၣ်ထီၣ်စ့ၢ်ကီးဘုမုယီၤ, ဒီးလီၢ်ဧိၤဒံးဧိၤလၢကဘၣ်ဟ့ၣ်ဝဲဒ်တၢ်ဃ့အီၤအသိး, ဖဲတၢ်လိၣ်ဘၣ်အီၤတပူၤလၢ်လၢ်လၢလ့ၣ်ကဟၣ်အကသ့ၣ်တဖၣ်အဂီၢ်ဒီးလၢ ဆၣ်ဖိကီၢ်ဖိလၢတၢ်မၢအီၤတဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:6

တုၤစီၤပၤဒီးအပဒိၣ်ပပှၢ်တဖၣ်ဟ့ၣ်လီၤအကလုၢ်န့ၣ်ပှၤစိာ်တၢ် ကစီၣ်တဖၣ်ဟးထီၣ်ဝဲဆူကီၢ်ယူဒၤဒီးကီၢ်အံၣ်စရ့လးဒီ တဘ့ၣ်ညါအိၣ်ဒီးတၢ်ကွဲဒ်လၢလာ်အံၤန့ၣ်လီၤ. “ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုပူၤဖျဲးဒီးအိၣ်မူ လီၤတဲာ်တ့ၢ်ဒံးဖဲပှၤအၤၡူၢ်ဖိဟဲမၤနၢၤထံကီၢ်န့ၣ်လီၤ. ခဲကနံၣ်အံၤဃၣ်က့ၤသုသးဆူယွၤ, စီၤအၤဘြၤဟၣ်, စီၤအံၤစဲး, ဒီးစီၤယၤကိာ်အကစၢ်ယွၤအအိၣ်န့ၣ်တက့ၢ်. ဒီးအဝဲဒၣ်ကဃၣ်က့ၤအသးဆူသုအိၣ်န့ၣ်လီၤ.

လံာ်နီၢ်အ့ၤစတၢ် 8:8

မ့မ့ၢ်, လံာ်ဘိးဘၣ်သ့ၣ်ညါတဘ့ၣ်လၢအဘၣ်တၢ်ရၤလီၤတ့ၢ်လံအီၤ လၢစီၤပၤအမံၤ, ဒီးစီၤပၤအတၢ်စဲပနီၣ်န့ၣ်, တၢ်ဘိးကဒါအီၤတသ့ဘၣ်. ဘၣ်ဆၣ်, သုကွဲးလံာ်ပရၢဆူပှၤယူဒၤဖိတဖၣ်အအိၣ်ဖဲသုအဲၣ်ဒိးသ့ဝဲ ဒီးသုကဘၣ်ကွဲးအီၤလၢယမံၤဒီးစဲပနီၣ်ဃာ်အီၤဒီးစီၤပၤအတၢ်စဲ ပနီၣ်လီၤ.”

လံာ်စီၤယိၤဘး 9:25

ယမုၢ်နံၤမုၢ်သီတဖၣ်လဲၤပူၤကွံာ်ဝဲချ့သဒံးန့ၣ်လီၤ. ယူၤထီၣ်ကွံာ်ဝဲဒီးတထံၣ်တၢ်ဂ့ၤနီတမံၤဘၣ်.

လံာ်ပှၤစံၣ်တဲၤတဲလီၤတၢ် 8:4

စီၤပၤမၤတၢ်လၢတၢ်စိတၢ်ကမီၤလီၤ. ဒီးတၢ်လၢအမၤဝဲန့ၣ်, ပှၤတၤအီၤတသ့ဘၣ်နီတဂၤဘၣ်.

လံာ်ယၡါယၤ 60:6

ပှၤလဲၤတၢ်ဒီးကီၤလၤအူးဒီတဖုကဟဲလၢကီၢ်မံးဒယၣ် ဒီးကီၢ်ဧ့ၤဖၣ်လီၤ. အဝဲသ့ၣ်ကဟဲလၢကီၢ်ၡဘၤ, ကဟဲစိာ်ဃုာ်ထူဒီးတၢ်နၢမူလီၤ. ပှၤဂီၢ်မုၢ်ကစံးဘၣ်တဲဘၣ်တၢ်သးခုကစီၣ်လၢတၢ်လၢယွၤ မၤတ့ၢ်ဝဲအဂ့ၢ်န့ၣ်လီၤ.

လံာ်ယၡါယၤ 66:20

အဝဲသ့ၣ်ကဟဲစိာ်ကဒါက့ၤသုထံဖိကီၢ်ဖိခဲလၢာ်လၢပှၤကလုာ် တဖၣ်အအိၣ်ဒ်အမ့ၢ်တၢ်ဟ့ၣ်တမံၤလၢယဂီၢ်အသိးန့ၣ်လီၤ. အဝဲသ့ၣ်ကဟဲစိာ်ပှၤတဖၣ်န့ၣ်ဆူယကစၢၢ်စီဆှံလၢဝ့ၢ်ယရူၤၡလ့ၣ် အပူၤလၢကသ့ၣ်တဖၣ်, ကသ့ၣ်လၤတဖၣ်ဒီးကီၤလၤအူးတဖၣ် အလိၤ, ဒီးလၢလ့ၣ်ကဟၣ်တဖၣ်ဒီးလ့ၣ်တဖၣ်အပူၤ, ဒ်ပှၤအံၣ်စရ့လးဖိတဖၣ်ဟဲစိာ်တၢ်မၤဘူၣ်ဘုဧိၤ ဟုဧိၤဆူတၢ်လုၢ်ဟံၣ်, လၢတလါဒၢဖးဒိၣ်တဖၣ်လၢ တၢ်မၤကဆှီတ့ၢ်လံအီၤအပူၤအသိးန့ၣ်လီၤ.

လံာ်ယံးရမံယၤ 2:23

နတမၤဘၣ်အၢဘၣ်သီတ့ၢ်နသးဘၣ်, ဒီးနတဘူၣ်ထီၣ်ဘါထီၣ်တ့ၢ် ဘဧၤလးနီတစုဘၣ်န့ၣ်နစံးနဲကသ့ဒ်လဲၣ်. နမၤတ့ၢ်တၢ်ဒဲးဘးလၢ တြီၤပူၤဒ်လဲၣ်န့ၣ်, ကွၢ်တက့ၢ်. ကွၢ်တၢ်လၢနမၤတ့ၢ်တဖၣ်န့ၣ်တက့ၢ်. နလီၤဂာ်ဒီးကီၤလၤအူးမိၢ်အမံၤတဒုလၢအသးကတၢထီၣ်, ဃ့ၢ်ထူၣ်ဖျဲးအသး,

လံာ်ယံးရမံယၤ 51:21

လၢတၢ်မၤဟးဂီၤကသ့ၣ်တဖၣ်ဒီး ပှၤဒိးအီၤတဖၣ်, လၢတၢ်မၤဟးဂီၤ လ့ၣ်ကဟၣ်ဒီး ပှၤဝီအီၤတဖၣ်,

လံာ်ဒၤနံးယ့လး 4:1

စီၤပၤနဘူၤကးန့စၢ်ဘိးဘၣ်သ့ၣ်ညါလီၤတၢ်ဆူကယဲၢ်ပှၤဂီၢ် မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ် အကလုာ်ကလုာ်လၢအအိၣ်လၢဟီၣ်ခိၣ်ဒီဘ့ၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်ဒၤနံးယ့လး 6:8

မၤသးဒ်န့ၣ်ဒီးနဲဒၣ်, စီၤပၤဧၢ, ဟ့ၣ်လီၤတၢ်ကလုၢ်အံၤဒီး ဆဲးလီၤနမံၤလၢတၢ်ကွဲးအသးအဖီခိၣ်တက့ၢ်. ဒီးတၢ်ကလုၢ်န့ၣ်ကအိၣ်ဝဲခၢၣ်သနၢၣ်ဒ်ပှၤမၤဒဲဖိဒီးပှၤပၤရၣ်ဖိ တဖၣ်အတၢ်သိၣ်တၢ်သီလၢတၢ်လဲလိာ်ကွံာ်အီၤတသ့ဘၣ်န့ၣ်လီၤ.”