လံာ်နီၢ်အ့ၤစတၢ် 8:1 - Sgaw Karen Common Bible

¹ ဒီးလၢမုၢ်တနံၤဃီန့ၣ်, စီၤပၤအဃၤၡဝ့ရိၣ်ဟ့ၣ်ကွံာ်, ပှၤယူဒၤဖိတဖၣ်အဒုၣ်အဒါစီၤဟၤမၣ်, အတၢ်စုလီၢ်ခီၣ်ခိၣ်ခဲလၢာ်ဆူနီၢ်ပၤမုၣ်အ့ၤစတၢ်အအိၣ်လီၤ. နီၢ်အ့ၤစတၢ်တဲဘၣ်စီၤပၤလၢစီၤမၢ်ဒကဲၤမ့ၢ်ပှၤဒီဘူးဒီတံၢ်ဒီးအီၤ, ဒီးစးထီၣ်ဖဲန့ၣ်, စီၤမၢ်ဒကဲၤမၤန့ၢ်တၢ်အခွဲးအယာ် လၢကလဲၤနုာ်ဆူစီၤပၤအမဲာ်ညါလီၤ.

လံာ်နီၢ်အ့ၤစတၢ် 8:1 Iomraidhean Croise

လံာ်နီၢ်အ့ၤစတၢ် 1:14

ပှၤလၢအဝဲညီနုၢ်ဃ့တၢ်ဟ့ၣ်ကူၣ်အအါကတၢၢ်မ့ၢ်ဝဲ, ကီၢ်ပၤရၣ်ဒီးကီၢ်မၤဒဲအပဒိၣ်ဖးဒိၣ်နွံဂၤလၢအမ့ၢ်စီၤကၢ်ၡနၤ, စီၤၡ့သၢ်, စီၤအၤဒမါသၤ, စီၤတၢ်ၡံၣ်, စီၤမ့ရ့း, စီၤမၢ်စနၤဒီးစီၤမမူကၣ်န့ၣ်လီၤ. အဝဲသ့ၣ်မ့ၢ်ပှၤအိၣ်ဒီးလီၢ်လၤအထီကတၢၢ်လၢဘီမုၢ်အပူၤန့ၣ်လီၤ.

လံာ်နီၢ်အ့ၤစတၢ် 2:15

ဒီးတၢ်ဆၢကတီၢ်ဘၣ်ဝဲလၢနီၢ်အ့ၤစတၢ်အဂီၢ်, လၢကလဲၤဆူစီၤပၤအအိၣ်လီၤ. နီၢ်အ့ၤစတၢ်မ့ၢ်, စီၤအဘံဃယ့းလးအဖိမုၣ်ဒီးစီၤမၢ်ဒကဲၤအတခွါမုၣ်လၢအ ကွၢ်လုၢ်ဖိက့ၤဝဲဒ်အဖိမုၣ်အသိးန့ၣ်လီၤ. ပှၤတဂၤလၢ်လၢ်လၢအထံၣ်ဘၣ်နီၢ်အ့ၤစတၢ်န့ၣ်, ဘၣ်သူၣ်ဘၣ်သးအီၤလီၤ. ဖဲအဝဲအကတီၢ်တုၤဃီၤန့ၣ်, အဝဲကူသိးဒၣ်တၢ်ဒ်ပှၤဒ့ဒံၣ်ဖိလၢအကွၢ်ထွဲပှၤပိာ်မုၣ်အိၣ်ဟံၣ်, စီၤဟ့က့ၤဟ့ၣ်ကူၣ်အီၤအသိးန့ၣ်လီၤ.

လံာ်နီၢ်အ့ၤစတၢ် 2:7

အဝဲဒၣ်န့ၣ်အိၣ်ဒီးအတခွါမုၣ်တဂၤ, နီၢ်အ့ၤစတၢ်, လၢအမံၤလၢဧ့ၤဘြံၤ အကျိာ်မ့ၢ်ဝဲနီၢ်ဟဒးစၤဒီး မ့ၢ်မုၣ်လိၤဘိဃံလၤတဂၤန့ၣ်လီၤ. ဖဲအမိၢ်အပၢ်သံသဒၣ်ကွံာ်အီၤန့ၣ်, စီၤမၢ်ဒကဲၤလုၢ်ဖိက့ၤအီၤဒီးလုၢ်ဒိၣ်ထီၣ်အီၤဒ်အဖိမုၣ်ဒၣ်ဝဲ အသိးန့ၣ်လီၤ.

လံာ်နီၢ်အ့ၤစတၢ် 7:6

နီၢ်အ့ၤစတၢ်စံးဆၢဝဲ, “ပဒုၣ်ပဒါ, ပှၤလၢအမၤနးမၤဖှီၣ်ပှၤန့ၣ်, မ့ၢ်ပှၤအအၢစီၤဟၤမၣ်အံၤလီၤ.” တုၤနုၤတစုစီၤဟၤမၣ်ပျံၤတၢ်ဖုးတၢ်လၢစီၤပၤဒီးနီၢ်ပၤမုၣ်အမဲာ် ညါန့ၣ်လီၤ.

လံာ်နီၢ်အ့ၤစတၢ် 8:7

တုၤနုၤတစု, စီၤပၤအဃၤၡဝ့ရိၣ်စံးဘၣ်နီၢ်ပၤမုၣ်အ့ၤစတၢ်ဒီးပှၤယူဒၤဖိ စီၤမၢ်ဒကဲၤ, “ကွၢ်, ယဘျးထီၣ်တ့ၢ်လံစီၤဟၤမၣ်လၢအတၢ်ကူၣ် အၢခူသူၣ်ထီဒါပှၤယူဒၤဖိတဖၣ်အဃိ, ဒီးယဟ့ၣ်လီၤတ့ၢ်လံအတၢ်စုလီၢ်ခီၣ်ခိၣ်ဆူနီၢ်အ့ၤ စတၢ်လံန့ၣ်တက့ၢ်.

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

တၢ်ကတိၤဒိ. 13:22

ပှၤအဂ့ၤတဂၤကအိၣ်ဒီးတၢ်ထူးတၢ်တီၤလၢကပာ်လီၤတဲာ်တ့ၢ်ဝဲလၢ အလံၤတဖၣ်အဂီၢ်လီၤ. မ့မ့ၢ်ပှၤတၢ်ဒဲးဘးဖိတဖၣ်အတၢ်ထူးတၢ်တီၤန့ၣ်ကလဲၤဆူပှၤတီ ပှၤလိၤတဖၣ်အအိၣ်လီၤ.

တၢ်ကတိၤဒိ. 28:8

နမ့ၢ်ထူးထီၣ်တီၤထီၣ်ခီဖျိတၢ်ဃ့အါထီၣ်စ့အအ့ၣ်ဒီးဟံးန့ၢ် တၢ်အခွဲးအယာ်လၢပှၤဂၤအဖီခိၣ်န့ၣ်, နတၢ်ထူးတၢ်တီၤကတုၤဆူ ပှၤအဂၤတဂၤအအိၣ်လၢအသးကညီၤပှၤဖှီၣ်ဖိယာ်ဖိန့ၣ်လီၤ.

လံာ်လူၤကၣ် 12:20

ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”