လံာ်နီၢ်အ့ၤစတၢ် 7:8 - Sgaw Karen Common Bible

⁸ အဝဲထိၣ်လီၤပှီၤဃီၤအသးလၢနီၢ်အ့ၤစတၢ်အလီၢ်မံခးအဖီခိၣ်, ဒ်သိးကဃ့ကညးအီၤလၢတၢ်သးကညီၤအဂီၢ်, ဖဲစီၤပၤဟဲက့ၤကဒါက့ၤဆူဒၢးပူၤလၢတၤသၣ်လီၢ်အခါန့ၣ်လီၤ. တုၤအဝဲထံၣ်တၢ်မၤအသးအံၤဒီး, စီၤပၤထုထီၣ်အကလုၢ်, “မ့ၢ်ပှၤတဂၤအံၤသါကမၤတရီတပါနီၢ်ပၤမုၣ်ဖဲအံၤလၢယမဲာ်ညါ, လၢယနီဒၣ်ယဲအပူၤန့ၣ်ဧါ.” စီၤပၤစံးတၢ်အံၤဝံၤတဘျီဃီ, ပှၤဒ့ဒံၣ်ဖိတဖၣ်ကျၢၢ်ဘၢစီၤဟၤမၣ်အခိၣ်န့ၣ်လီၤ.

လံာ်နီၢ်အ့ၤစတၢ် 7:8 Iomraidhean Croise

လံာ်နီၢ်အ့ၤစတၢ် 1:5

တၢ်န့ၣ်ဝံၤအလီၢ်ခံ, စီၤပၤမၤတၢ်အီၣ်တၢ်အီအမူးဖးဒိၣ်တခါလၢပှၤအိၣ်လၢဝ့ၢ်ခိၣ် ဝ့ၢ်ၡူၡၣ်အပူၤ, ပှၤထူးပှၤတီၤမ့ၢ်ဂ့ၤ, ပှၤဖှီၣ်ဖိယာ်ဖိမ့ၢ်ဂ့ၤ, လၢပှၤခဲလၢာ်အဂီၢ်န့ၣ်လီၤ. ဒီးယံာ်ဝဲဒီတနွံညါဒီးဘၣ်တၢ် မၤအီၤလၢစီၤပၤအတၤသၣ်လီၢ်န့ၣ်လီၤ.

လံာ်နီၢ်အ့ၤစတၢ် 1:6

စီၤပၤအတၤသၣ်လီၢ်အဂၢၤန့ၣ်ဘၣ်တၢ်ကယၢကယဲအီၤဒီးယၣ်ဘျးသဒၢ လၢအလါအဲးဒီးအဝါတဖၣ်လၢတၢ်စၢဃာ်အီၤဒီးပျံၤဂီၤလုးတ ကုာ်, ဒီးဘျးလီၤအီၤလၢကွီၤစ့လၢအအိၣ်လၢထူၣ်လၢၢ်ဝါ, အလိၤန့ၣ်လီၤ. လီၢ်မံခးထူဒီးစ့တဖၣ်ဘၣ်တၢ်ပာ်အီၤလၢဂၢၤလၢ အဘၣ်တၢ်ဒါလီၤအီၤဒီးလၢၢ်ဘဟး, လၢၢ်ဝါ, လၢၢ်ဒၢ်ဒီးလၢၢ်သူတဖၣ်အပူၤန့ၣ်လီၤ.

လံာ်နီၢ်အ့ၤစတၢ် 6:12

အန့ၣ်ဝံၤဒီးဖဲစီၤမၢ်ဒကဲၤက့ၤကဒါက့ၤဆူနီအကျဲစၢၤဖဲ စီၤဟၤမၣ်မၤဘၢအမဲာ်လၢတၢ်မဲာ်ဆှးအပူၤဒီးက့ၤချ့ချ့ ဆူအဟံၣ်အခါန့ၣ်လီၤ.

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်စီၤယိၤဘး 9:24

ကစၢ်ယွၤဟ့ၣ်လီၤဟီၣ်ခိၣ်ဆူပှၤတတီတလိၤအစုပူၤန့ၣ်လီၤ. မၤဘျီၣ်ကွံာ်ပှၤစံၣ်ညီၣ်ကွီၢ်သ့ၣ်တဖၣ်အမဲာ်လီၤ. ကစၢ်ယွၤမ့ၢ် တမၤတၢ်အံၤဘၣ်ဒီးမ့ၢ်မတၤမၤလဲၣ်.

လံာ်ယၡါယၤ 22:17

နကမ့ၢ်ပှၤအကါဒိၣ်သ့ၣ်သ့ၣ်လီၤ. ဘၣ်ဆၣ်ဒီး, ယွၤကဟံး ထီၣ်နၤဒီးစူးကွံာ်နၤလီၤ.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ဧၤမိၣ် 3:12

ယွၤစံးဝဲဒၣ်, “ဒ်ပှၤကွၢ်သိဂုာ်န့ၢ်က့ၤသိဖိအခီၣ်ခံခီမ့ၢ်ဂ့ၤအနၢ်တစဲး မ့ၢ်ဂ့ၤလၢခ့ယုၢ်အထးခိၣ်အသိးန့ၣ်, အံၣ်စရ့လးအဖိတဖၣ် လၢအအိၣ်လၢကီၢ်ၡၤမရံအပူၤန့ၣ်ကဘၣ်တၢ်မၤပူၤဖျဲး အီၤထဲသိးဒၣ်လီၢ်မံခးအခီၣ်ခံခီဒီးလီၢ်ဆ့ၣ်နီၤအက့အခီဖိဧိၤလီၤ.

လံာ်မၢ်ကူး 14:65

ထဲန့ၣ်ဒီး, ပှၤတနီၤထူးပှဲာ်ယ့ၣ်ၡူးဒီးမၤဘၢအမဲာ်ဒီးထိအီၤလီၤ. ဒီးစံးဘၣ်အီၤ, “တယာ်ဒီးတဲတဘီ, မ့ၢ်မတၤထိနၤလဲၣ်.” ဒီးပှၤပၢၤတၢ်ဖိတဖၣ်ဒဲအီၤလီၤ.