လံာ်နီၢ်အ့ၤစတၢ် 7:10 - Sgaw Karen Common Bible

¹⁰ မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်နီၢ်အ့ၤစတၢ် 7:10 Iomraidhean Croise

လံာ်တၢ်ကဲထီၣ်အခီၣ်ထံး 40:22

မ့မ့ၢ်မၤသံကွံာ်ပှၤကုၢ်ကိၣ်အဒိၣ်န့ၣ်လီၤ. ဒီးတၢ်ခဲလၢာ်မၤအသးဒ်စီၤယိၤသးစံးတ့ၢ်ဝဲအသိးန့ၣ်လီၤ.

လံာ်နီၢ်အ့ၤစတၢ် 2:1

တၢ်န့ၣ်တဖၣ်ဝံၤအလီၢ်ခံတုၤစီၤပၤအတၢ်သးဒိၣ်စၢ်လီၤက့ၤန့ၣ်, အဝဲသ့ၣ်နီၣ်ထီၣ်က့ၤတၢ်လၢနီၢ်ပၤမုၣ်ဝးၡတံၤမၤဝဲဒီးအဝဲ အတၢ်မၤလိာ်လၢအထီဒါအီၤအဂ့ၢ်န့ၣ်လီၤ.

လံာ်နီၢ်အ့ၤစတၢ် 5:14

လၢတၢ်န့ၣ်အဃိအမါဒီးအတံၤသကိးခဲလၢာ်ဟ့ၣ်ကူၣ်အီၤစံးဝဲ, “မၢပှၤသူၣ်ထီၣ်သ့ၣ်တကျီၣ်, လၢအထီဝဲအပျၢ်ယဲၢ်ဆံတက့ၢ်. ခဲမုၢ်ဆ့ၣ်ဂီၤခီ, နဃ့စီၤပၤဒ်သိးကမၢတၢ်ဘျးထီၣ်စီၤမၢ်ဒကဲၤလၢ အလိၤသ့ဝဲဒီးနကလဲၤဘၣ်ဆူတၢ်အီၣ်အမူးလၢတၢ်သူၣ်ခု သးခုအပူၤလီၤ.” စီၤဟၤမၣ်ဆိကမိၣ်လၢတၢ်အံၤမ့ၢ်တၢ်ဟ့ၣ်ကူၣ်အဂ့ၤတမံၤအဃိ, မၢပှၤဘှီထီၣ်သ့ၣ်တကျီၣ်လီၤ.

လံာ်နီၢ်အ့ၤစတၢ် 7:7

စီၤပၤဂဲၤဆၢထၢၣ်လၢတၢ်သးကဲၤထီၣ်အပူၤ, ဒီးဟးထီၣ်ကွံာ်လၢဒၢးပူၤဒီးလဲၤဆူနီအတၤသၣ်လီၢ်အပူၤန့ၣ်လီၤ. တုၤစီၤဟၤမၣ်ထံၣ်ဘၣ်ဝဲလၢစီၤပၤပာ်လီၤလံအသးလၢ ကစံၣ်ညီၣ်အီၤလၢတၢ်အံၤအဃိန့ၣ်အဝဲအိၣ်တ့ၢ်ဒ်သိးကဃ့ကညး နီၢ်ပၤမုၣ်အ့ၤစတၢ်လၢအသးသမူအဂီၢ်လီၤ.

လံာ်နီၢ်အ့ၤစတၢ် 7:8

အဝဲထိၣ်လီၤပှီၤဃီၤအသးလၢနီၢ်အ့ၤစတၢ်အလီၢ်မံခးအဖီခိၣ်, ဒ်သိးကဃ့ကညးအီၤလၢတၢ်သးကညီၤအဂီၢ်, ဖဲစီၤပၤဟဲက့ၤကဒါက့ၤဆူဒၢးပူၤလၢတၤသၣ်လီၢ်အခါန့ၣ်လီၤ. တုၤအဝဲထံၣ်တၢ်မၤအသးအံၤဒီး, စီၤပၤထုထီၣ်အကလုၢ်, “မ့ၢ်ပှၤတဂၤအံၤသါကမၤတရီတပါနီၢ်ပၤမုၣ်ဖဲအံၤလၢယမဲာ်ညါ, လၢယနီဒၣ်ယဲအပူၤန့ၣ်ဧါ.” စီၤပၤစံးတၢ်အံၤဝံၤတဘျီဃီ, ပှၤဒ့ဒံၣ်ဖိတဖၣ်ကျၢၢ်ဘၢစီၤဟၤမၣ်အခိၣ်န့ၣ်လီၤ.

လံာ်နီၢ်အ့ၤစတၢ် 8:7

တုၤနုၤတစု, စီၤပၤအဃၤၡဝ့ရိၣ်စံးဘၣ်နီၢ်ပၤမုၣ်အ့ၤစတၢ်ဒီးပှၤယူဒၤဖိ စီၤမၢ်ဒကဲၤ, “ကွၢ်, ယဘျးထီၣ်တ့ၢ်လံစီၤဟၤမၣ်လၢအတၢ်ကူၣ် အၢခူသူၣ်ထီဒါပှၤယူဒၤဖိတဖၣ်အဃိ, ဒီးယဟ့ၣ်လီၤတ့ၢ်လံအတၢ်စုလီၢ်ခီၣ်ခိၣ်ဆူနီၢ်အ့ၤ စတၢ်လံန့ၣ်တက့ၢ်.

လံာ်နီၢ်အ့ၤစတၢ် 9:14

စီၤပၤမၤလိာ်ဝဲလၢတၢ်ကမၤအသးဒ်န့ၣ်လီၤ. ဒီးတၢ်ဘိးဘၣ်သ့ၣ်ညါန့ၣ်ဘၣ်တၢ်ရၤလီၤအီၤလၢဝ့ၢ် ၡူၡၣ်အပူၤလီၤ. ပှၤဘျးထီၣ်စီၤဟၤမၣ်အဖိခွါအဂၤတဆံ အစိၣ်လၢကမျၢၢ်အမဲာ်ညါလီၤ.

လံာ်နီၢ်အ့ၤစတၢ် 9:25

ဘၣ်ဆၣ်နီၢ်အ့ၤစတၢ်လဲၤဆူစီၤပၤအအိၣ်ဒီးစီၤပၤရၤလီၤအတၢ် မၤလိာ်တဖၣ်လၢတၢ်ကွဲးအီၤအိၣ်ဒီးတၢ်အစၢလၢစီၤဟၤမၣ် တူၢ်ဘၣ်က့ၤအတၢ်ဘူၣ်အၢတီၢ်သီလၢအကူၣ်ကျဲၤဝဲလၢပှၤ ယူဒၤဖိတဖၣ်အဂီၢ်အဝဲဒီးအဖိခွါတဖၣ်ဘၣ်တၢ်ဘျးထီၣ် အီၤလၢသ့ၣ်အလိၤန့ၣ်လီၤ.

လံာ်စီၤယိၤဘး 18:8

အဂ့ၢ်ဒ်အံၤ, အခီၣ်ဒၣ်ဝဲဆှၢအီၤဆူစၤပူၤဒီးဟးဝ့ၤဝီၤလၢ အမၢသလၢၣ်အပူၤလီၤ.

လံာ်စီၤယိၤဘး 20:8

အဝဲကဟါမၢ်ကွံာ်ဒ်တၢ်မံမီၢ်အသိးဒီးတၢ်တထံၣ်န့ၢ်ဘၣ်အီၤလၢၤ ဘၣ်ဒ်တၢ်ထံၣ်လၢညါခီလၢမုၢ်နၤအသိးန့ၣ်လီၤ.

စံးထီၣ်ပတြၢၤ 37:15

အနးတဖၣ်ကဆဲးဘၣ်က့ၤအသးဒၣ်ဝဲ ဒီးအချံၣ်တဖၣ်ကဘၣ်တၢ်မၤကၢ်ကွံာ်အီၤန့ၣ်လီၤ.

စံးထီၣ်ပတြၢၤ 7:16

အတၢ်မၤကီမၤခဲတၢ်ကဘၣ်က့ၤဒၣ်အီၤ ဒီးအတၢ်စုဆူၣ်ခီၣ်တကး ကမၤဘၣ်ဒိက့ၤဒၣ်အီၤန့ၣ်လီၤ.

စံးထီၣ်ပတြၢၤ 94:23

ယွၤကသိၣ်ဃီၣ်အဝဲသ့ၣ်လၢအတၢ်တတီတလိၤအဃိ ဒီးကမၤဟးဂီၤအဝဲသ့ၣ်လၢ အတၢ်ဒဲးဘးတဖၣ်အဃိန့ၣ်လီၤ. ယွၤပကစၢ်ယွၤကမၤဟးဂီၤအဝဲသ့ၣ်လီၤ.

တၢ်ကတိၤဒိ. 11:27

နတၢ်ကွၢ်စိတဖၣ်မ့ၢ်ဂ့ၤဒီးနကဘၣ်တၢ်ပာ်ကဲနၤလီၤ. ဘၣ်ဆၣ်, နမ့ၢ်ကွၢ်ဃုတၢ်ကီတၢ်ခဲဒီးတၢ်န့ၣ်ကမ့ၢ်တၢ်လၢနဒိးန့ၢ်ဘၣ်အီၤလီၤ.

တၢ်ကတိၤဒိ. 11:8

ပှၤတီပှၤလိၤတဖၣ်ဘၣ်တၢ်မၤပူၤဖျဲးအီၤလၢတၢ်ကီတၢ်ခဲဒီးလၢ အလီၢ်န့ၣ်, တၢ်ကီတၢ်ခဲလီၤဘၣ်ဆူပှၤတတီတလိၤတခီန့ၣ်လီၤ.

တၢ်ကတိၤဒိ. 26:27

ပှၤလၢအပာ်လီၤထုတဖၣ်လၢပှၤဂၤအဂီၢ်န့ၣ်, အကစၢ်ဒၣ်ဝဲကဘၣ်က့ၤထုလီၤ. ပှၤလၢအဒုးအိၣ်ထီၣ်ဟီၣ်ခိၣ်အတၢ်လီၤလာ်န့ၣ်, အကစၢ်ဒၣ်ဝဲတၢ်ကလီၤလာ်ဒိးသံအီၤန့ၣ်လီၤ.

လံာ်ယံးရမံယၤ 34:17

လၢတၢ်န့ၣ်အဃိ အခဲအံၤ, ယၤ, ယွၤစံးလၢ သုတစူၢ်ယၤဘၣ်လီၤ. သုတဟ့ၣ်သုပှၤအံၣ်စရ့လး ဖိကဒဲကဒဲအတၢ်သဘျ့န့ၣ်ဘၣ်. ဂ့ၤလံ, မ့မ့ၢ်ဒ်န့ၣ်ဒီး, ယကဟ့ၣ်သုတၢ်သဘျ့လီၤ. တၢ်သဘျ့လၢ သုကသံ လၢတၢ်ဒုးတၢ်ယၤ, တၢ်ဆူးတၢ်ဆါ, ဒီးတၢ်သၣ်ဝံၤလီၤဒိ အပူၤန့ၣ်လီၤ. ဒီးယကဒုးလီၤဘၣ်ပှၤကိးကလုာ်ဒဲးလၢ ဟီၣ်ခိၣ်ချၢအံၤလၢ တၢ်ပျံၤတၢ်ဖုးလၢ တၢ်လၢယမၤဘၣ် သုအဃိန့ၣ်လီၤ.

လံာ်ယဃ့းစက့လး 5:13

သုကကလၢၢ်ဘၣ်ယတၢ်သးဒိၣ်ဒီးသးကဲၤထီၣ်အသဟီၣ်တုၤယသးမံယဲ တစုလီၤ. ဖဲတၢ်ခဲလၢာ်အံၤမၤအသးန့ၣ်, သုကနာ်နီၢ်နီၢ်လၢယၤ, ယွၤအံၤ, ကတိၤလံတၢ်ဒီးသုမ့ၢ်လၢယကသး ကဲၤထီၣ်ဘၣ်သုတၢ်သူၣ်တတီသးတလိၤအဃိန့ၣ်လီၤ.

လံာ်ဒၤနံးယ့လး 6:24

ဒီးစီၤပၤဟ့ၣ်လီၤအကလုၢ်လၢတၢ်ကဖီၣ်ဒီးတ့ၢ်လီၤကွံာ်ပှၤဆှိး ထီၣ်ပာ်တၢ်ကမၣ်လၢစီၤဒၤနံးယ့လးအလိၤတဖၣ်ဃုာ်ဒီးအဖိ အမါတဖၣ်ဆူခ့ယုၢ်အတဝၢအပူၤန့ၣ်လီၤ. ဒီးတချုးလၢအလီၤတုၤ ဆူတၢ်ပူၤအခံဒးဒံးဒၣ်လဲာ်ဘၣ်ဒီးခ့ယုၢ်တဖၣ်စံၣ်ပှီၤလၢ အလိၤဒီးအီၣ်ကွံာ်အီၤတုၤအဃံအကွဲလၢာ်တစုန့ၣ်လီၤ.

လံာ်ဒၤနံးယ့လး 6:25

တၢ်န့ၣ်တဖၣ်အလီၢ်ခံန့ၣ်စီၤပၤဒၤရယါဝ့ၣ်ကွဲးလီၤ တၢ်ဆူကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ်အကလုာ်ကလုာ်တဖၣ်လၢဟီၣ်ခိၣ်ဒီဘ့ၣ်ညါ အအိၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်စကၤရယၤ 6:8

အန့ၣ်ဒီးကလူးကိးထီၣ်ဆူယအိၣ်, “ကသ့ၣ်တဖၣ်လၢအလဲၤဆူကလံၤစိးတကပၤဆူကီၢ်ဘၤဘူၤလိၣ်န့ၣ် မၤဂၢၢ်က့ၤယွၤအတၢ်သးထီၣ်လံ.”

လံာ်ပှၤစံၣ်ညီၣ်ကွီၢ် 15:7

ဒီးစီၤၡံၣ်ၡိၣ်တဲဘၣ်အဝဲသ့ၣ်, “မ့ၢ်လၢသုမၤတၢ်ဒ်အံၤအဃိ ဒီးယဆိၣ်တၢ်လၢယမ့ၢ်တဟ့ၣ်ကၣ်ဘၣ်သုဘၣ်ဒီးယတဆိကတီၢ်ဘၣ်ယဲဘၣ်.”