လံာ်နီၢ်အ့ၤစတၢ် 6:9 - Sgaw Karen Common Bible

⁹ ဒီးမၢနပှၤတူၢ်ဒိၣ်ကီၤဒိၣ်ကတၢၢ်တဖၣ်အကျါတဂၤ ဒုးကူထီၣ်သိးထီၣ်ပှၤတဂၤအံၤလၢဆ့ကၤဖးထီတဖၣ်အံၤဒီးဒုး ဒိးထီၣ်အီၤလၢကသ့ၣ်, ဒီးဆှၢအီၤလၢဝ့ၢ်အကျဲဧိၤကပူၤဧိၤတဖၣ်တက့ၢ်. ဒီးဖဲအဝဲသ့ၣ်လဲၤတၢ်အခါမ်ပှၤတူၢ်ဒိၣ်ကီၤဒိၣ်တဂၤန့ၣ်ကိးထီၣ်, ကွၢ်, စီၤပၤမၤဘျုးပှၤတဂၤလၢအအဲၣ်ဒိးမၤလၤကပီၤဝဲန့ၣ်ဒ်လဲၣ်တက့ၢ်.”

လံာ်နီၢ်အ့ၤစတၢ် 6:9 Iomraidhean Croise

လံာ်တၢ်ကဲထီၣ်အခီၣ်ထံး 41:43

စီၤပၤဟ့ၣ်လီၤအီၤလၢစီၤပၤအလ့ၣ်ကဟၣ်ခံဆိတဆိလၢကဒိးဝဲ အဂီၢ်, ဒီးပှၤဃ့ၢ်ဆိတၢ်တဖၣ်လၢစီၤပၤအလ့ၣ်ကဟၣ်မဲာ်ညါန့ၣ် ကိးထီၣ်ဝဲ, “ဟ့ၣ်ကျဲတက့ၢ်, ဟ့ၣ်ကျဲတက့ၢ်” န့ၣ်လီၤ. အန့ၣ်ဒီးစီၤယိၤသးဘၣ်တၢ်ဃုထၢပာ်လီၤအီၤဒ်ပဒိၣ် ဖးဒိၣ်လၢကီၢ်အဲၤကူပတူးဒီဘ့ၣ်အဖီခိၣ်န့ၣ်လီၤ.

လံာ်နီၢ်အ့ၤစတၢ် 6:10

အန့ၣ်ဒီးစီၤပၤစံးဘၣ်စီၤဟၤမၣ်, “မၤချ့ချ့ဒီးလဲၤဟံးန့ၢ်ဆ့ကၤဖးထီ တဖၣ်ဒီးကသ့ၣ်, ဒီးသုးကျဲၤတၢ်လၤကပီၤဒ်အံၤတဖၣ်လၢပှၤယူဒၤ ဖိစီၤမၢ်ဒကဲၤအဂီၢ်တက့ၢ်. မၤတၢ်ကိးမံၤဒဲးလၢအဝဲအဂီၢ်ဒ်နဟ့ၣ်ကူၣ်အသိးတက့ၢ်. နကထံၣ်ဘၣ်အဝဲဆ့ၣ်နီၤဖဲနီအကျဲစၢၤန့ၣ်လီၤ.”

လံာ်နီၢ်အ့ၤစတၢ် 6:6

အန့ၣ်ဒီးစီၤဟၤမၣ်ဟဲနုာ်ဝဲ, ဒီးစီၤပၤစံးဘၣ်အီၤ, “ပှၤအိၣ်ဝဲတဂၤလၢယအဲၣ်ဒိးမၤလၤကပီၤအီၤဒိၣ်မးလီၤ. ယကဘၣ်မၤတၢ်မနုၤလၢပှၤတဂၤအံၤအဂီၢ်န့ၣ်လဲၣ်.” စီၤဟၤမၣ်ဆိကမိၣ်လၢအသးပူၤ, “ခဲအံၤပှၤလၢစီၤပၤအဲၣ်ဒိးမၤလၤကပီၤအီၤဒိၣ်မးန့ၣ် ကမ့ၢ်မတၤလဲၣ်. ကမ့ၢ်ဒၣ်ယၤလီၤ.”

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.