လံာ်နီၢ်အ့ၤစတၢ် 6:4 - Sgaw Karen Common Bible

⁴ စီၤပၤသံကွၢ်ဝဲ, “မ့ၢ်ယပဒိၣ်အိၣ်တဂၤဂၤလၢနီပူၤန့ၣ်ဧါ.” ဆၢကတီၢ်ဖဲန့ၣ်ဘၣ်ဖဲစီၤဟၤမၣ်ဟဲနုာ်ဆူနီအဂၢၤပူၤဒ်သိးကမၢ စီၤပၤဘျးထီၣ်စီၤမၢ်ဒကဲၤလၢသ့ၣ်လၢအအိၣ်ကတဲာ် ကတီၤပာ်လံအသးတကျီၣ်အလိၤန့ၣ်လီၤ.

လံာ်နီၢ်အ့ၤစတၢ် 6:4 Iomraidhean Croise

လံာ်နီၢ်အ့ၤစတၢ် 4:11

ဒီးစံးဝဲဒၣ်, “ပှၤတဂၤလၢ်လၢ်, ပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤ, မ့ၢ်လဲၤနုာ်ဆူဂၢၤပူၤဒီးထံၣ်စီၤပၤတအိၣ်ဘၣ်ဒီးစီၤပၤ အတၢ်ကိးအီၤဘၣ်န့ၣ်ကဘၣ်သံလီၤ. တၢ်အံၤမ့ၢ်တၢ်သိၣ်တၢ်သီလၢပှၤကိးဂၤဒဲးစးထီၣ် လၢစီၤပၤအပှၤကူၣ်လိာ်တၢ်တဖၣ်ဒီးတုၤလၢပှၤဂီၢ်မုၢ်ခဲလၢာ် လၢဘီမူၢ်အပူၤသ့ၣ်ညါဝဲန့ၣ်လီၤ. ကျဲအိၣ်ဒၣ်ထဲတဘိဧိၤလၢတၢ်သိၣ်တၢ်သီအံၤပျဲပူၤအီၤသ့ ဝဲလၢအမ့ၢ်ဝဲဖဲစီၤပၤယူာ်ဃီၤအနီၣ်ထိးထူဆူပှၤတ ဂၤဂၤအအိၣ်န့ၣ်အဝဲအသးသမူကပူၤဖျဲးဝဲလီၤ. မ့မ့ၢ်ယဲစီၤပၤတကိးဘၣ်ယၤအိၣ်လံတလါလံန့ၣ်လီၤ.”

လံာ်နီၢ်အ့ၤစတၢ် 5:1

လၢနီၢ်အ့ၤစတၢ်ဒုၣ်တၢ်အီၣ်တၢ်အီသၢနံၤတနံၤန့ၣ်, အဝဲကူထီၣ်သိးထီၣ်နီၢ်ပၤမုၣ်အကူအသိးဒီးလဲၤနုာ် ဒီးဆၢထၢၣ်လၢနီအဂၢၤအခၢၣ်သးဒၢးတဒၢးအပူၤလၢ အအိၣ်သဃီၤဒီးစီၤပၤအလီၢ်ပစိာ်အဒၢးအမဲာ်ညါန့ၣ်လီၤ. စီၤပၤဆ့ၣ်နီၤဝဲလၢအလီၢ်ပစိာ်အဖီခိၣ်လၢအအိၣ်သဃီၤဒီးကျဲ စၢၤဟဲနုာ်န့ၣ်လီၤ.

လံာ်နီၢ်အ့ၤစတၢ် 5:14

လၢတၢ်န့ၣ်အဃိအမါဒီးအတံၤသကိးခဲလၢာ်ဟ့ၣ်ကူၣ်အီၤစံးဝဲ, “မၢပှၤသူၣ်ထီၣ်သ့ၣ်တကျီၣ်, လၢအထီဝဲအပျၢ်ယဲၢ်ဆံတက့ၢ်. ခဲမုၢ်ဆ့ၣ်ဂီၤခီ, နဃ့စီၤပၤဒ်သိးကမၢတၢ်ဘျးထီၣ်စီၤမၢ်ဒကဲၤလၢ အလိၤသ့ဝဲဒီးနကလဲၤဘၣ်ဆူတၢ်အီၣ်အမူးလၢတၢ်သူၣ်ခု သးခုအပူၤလီၤ.” စီၤဟၤမၣ်ဆိကမိၣ်လၢတၢ်အံၤမ့ၢ်တၢ်ဟ့ၣ်ကူၣ်အဂ့ၤတမံၤအဃိ, မၢပှၤဘှီထီၣ်သ့ၣ်တကျီၣ်လီၤ.

လံာ်နီၢ်အ့ၤစတၢ် 6:3

ဒီးစီၤပၤသံကွၢ်ဝဲ, “မ့ၢ်ပမၤလၤကပီၤဒီးဟ့ၣ်ဘျုးစီၤမၢ်ဒကဲၤ လၢတၢ်အံၤအဂီၢ်ဒ်လဲၣ်.” အခ့အပှၤတဖၣ်စံးဆၢဝဲ, “တၢ်တမၤတၢ်နီတမံၤလၢအဂီၢ်ဒံးဘၣ်.”

လံာ်နီၢ်အ့ၤစတၢ် 6:5

လၢတၢ်န့ၣ်အဃိစီၤပၤအခ့အပှၤတဖၣ်စံးဆၢဝဲ, “စီၤဟၤမၣ်အိၣ်ဖဲအံၤ, အိၣ်ခိးဝဲလၢကထံၣ်နၤလီၤ.” ဒီးစီၤပၤစံးဆၢဝဲ, “ပျဲအဟဲနုာ်တက့ၢ်”

လံာ်နီၢ်အ့ၤစတၢ် 7:9

တုၤနုၤတစု, အဝဲသ့ၣ်အကျါတဂၤ, လၢအမံၤမ့ၢ်ဝဲစီၤဃၤရဘိစံးဝဲဒၣ်, “စီၤဟၤမၣ်မၤတ့ၢ်ဒၣ်လဲာ်ပှၤပျၤထီသံတၢ်အသ့ၣ်တကျီၣ်လၢအ ဟံၣ်, ဒ်သိးကဘျးထီၣ်စီၤမၢ်ဒကဲၤ, ပှၤလၢအမၤပူၤဖျဲးတ့ၢ်ကစၢ်စီၤပၤအသးသမူလီၤ. ဒီးသ့ၣ်ကျီၣ်န့ၣ်, ထီဝဲဒၣ်အပျၢ်ယဲၢ်ဆံလီၤ.” စီၤပၤဟ့ၣ်လီၤအကလုၢ်, “ဘျးထီၣ်စီၤဟၤမၣ်လၢအလိၤတက့ၢ်.”

လံာ်စီၤယိၤဘး 5:13

ကစၢ်ယွၤဖီၣ်န့ၢ်ပှၤလီတၢ်ဖိလၢအဝဲသ့ၣ်အတၢ်ကူၣ်လီတၢ်အကျဲ ဒၣ်ဝဲဒီးပှၤလီတၢ်အတၢ်ကူၣ်တၢ်ကျဲၤတဖၣ်န့ၣ်မၤကတၢၢ်ကွံာ် ဝဲချ့သဒံးန့ၣ်လီၤ.

စံးထီၣ်ပတြၢၤ 2:4

ယွၤအိၣ်လၢအလီၢ်ပစိာ်လၢမူခိၣ်န့ၣ်နံၤဝဲ ဒီးဒုၣ်ဒွဲၣ်အဝဲသ့ၣ်အတၢ်ကူၣ်ထီၣ်ဖးလီၤလၢ အတဂိာ်တသီၣ်တဖၣ်န့ၣ်လီၤ.

စံးထီၣ်ပတြၢၤ 33:19

ဒ်သိးကမၤပူၤဖျဲးအဝဲသ့ၣ်လၢတၢ်သံ ဒီးပာ်မူအဝဲသ့ၣ်ဖဲ တၢ်သၣ်ဝံၤလီၤဒိအကတီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.