လံာ်နီၢ်အ့ၤစတၢ် 6:12 - Sgaw Karen Common Bible

¹² အန့ၣ်ဝံၤဒီးဖဲစီၤမၢ်ဒကဲၤက့ၤကဒါက့ၤဆူနီအကျဲစၢၤဖဲ စီၤဟၤမၣ်မၤဘၢအမဲာ်လၢတၢ်မဲာ်ဆှးအပူၤဒီးက့ၤချ့ချ့ ဆူအဟံၣ်အခါန့ၣ်လီၤ.

လံာ်နီၢ်အ့ၤစတၢ် 6:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:30

စီၤဒၤဝံးလဲၤထီၣ်ဝဲဆူညါဆူကစၢၢ်သ့ၣ်စၤယံးအလိၤဒီးဟီၣ်ဝဲယၢၤဝဲလီၤ. လဲၤတၢ်လၢအခီၣ်ညါသးဒီးကးဘၢအခိၣ်ဒ်တၢ်သးအုၣ်အပနီၣ်အသိး န့ၣ်လီၤ. ပှၤခဲလၢာ်လၢအပိာ်အခံစ့ၢ်ကီးကးဘၢအခိၣ်ဒီးဟီၣ်ဝဲဒၣ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:23

ဖဲစီၤအဃံသဖ့ၤလးထံၣ်သ့ၣ်ညါဝဲလၢအတၢ်ဟ့ၣ်ကူၣ်တဘၣ်တၢ်မၤ ထွဲအီၤန့ၣ်, အဝဲဂီၤကၢ်ထီၣ်အကသ့ၣ်ယီၤဒီးက့ၤကဒါက့ၤဆူအဝ့ၢ်ဒၣ်ဝဲန့ၣ်လီၤ. တုၤအဝဲကျဲၤလီၤအဟံၣ်အဃီ အဂ့ၢ်အကျိၤဘၣ်ဘၣ်ဝံၤအလီၢ်ခံန့ၣ်, အဝဲစၢသံလီၤက့ၤအသးန့ၣ် လီၤ. အဝဲဘၣ်တၢ်ခူၣ်လီၤကွံာ်အီၤဖဲအဒူၣ်ဖိထၢဖိအသွၣ်ခိၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:43

စီၤပၤက့ၤကဒါက့ၤဝဲဆူအဟံၣ်လၢကီၢ်ၡၤမရံဒီးတၢ်ကိၢ်တၢ် ဂီၤတၢ်သူၣ်လီၤဘှံးသးလီၤတီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:4

စီၤအၤဃာ်က့ၤကဒါက့ၤဆူဟံၣ်လၢတၢ်သူၣ်လီၤဘှံးသးလီၤတီၤ, ဒီးတၢ်သူၣ်ဒိၣ်သးဖျိးအပူၤလၢတၢ်လၢစီၤနၤဘိးစံးဘၣ်တ့ၢ် အီၤအဃိန့ၣ်လီၤ. အဝဲမံလီၤလၢအလီၢ်မံခိၣ်, ဃၣ်အမဲာ်ဆူတၢ်အဒူၣ်ဒီးတအီၣ်ဘၣ်တၢ်ဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:6

အဝဲစံးဆၢဝဲ, “မ့ၢ်လၢတၢ်လၢစီၤနၤဘိးစံးဘၣ်တ့ၢ်ယၤအဃိန့ၣ်လီၤ. ယပာ်ဖျါထီၣ်ယတၢ်သးအိၣ်လၢယကပှ့ၤအစပံးအလီၢ်မ့တမ့ၢ်အဝဲမ့ၢ် ဘၣ်အသးဒီးယကဟ့ၣ်အီၤလၢစပံးလီၢ်အဂၤတတီၤလၢအလီၢ်န့ၣ်လီၤ. ဘၣ်ဆၣ်အဝဲတဲဘၣ်ယၤလၢယမၤန့ၢ်အီၤတသ့ဘၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 26:20

စီၤဧစၤရယၤဒီးပှၤလုၢ်တၢ်အခိၣ်အဂၤတဖၣ်ကွၢ်စူၢ်စီၤပၤအခိၣ် တိသၣ်လၢတၢ်ပျံၤတၢ်ဖုးအပူၤဝံၤဒီးမၢဆူၣ်အီၤလၢအကဟးထီၣ် ကွံာ်လၢယွၤအတၢ်လုၢ်ဟံၣ်အပူၤန့ၣ်လီၤ. အဝဲမၤချ့ချ့လၢအကဟးထီၣ်ဝဲမ့ၢ်လၢယွၤစံၣ်ညီၣ်လံအီၤအဃိ န့ၣ်လီၤ.

လံာ်နီၢ်အ့ၤစတၢ် 2:19

အကတီၢ်ဖဲန့ၣ်, စီၤမၢ်ဒကဲၤဘၣ်တၢ်ဃုထၢပာ်လီၤအီၤလၢစီၤပၤ, လၢတၢ်ပၢဆှၢတၢ်ဖံးတၢ်မၤအဂီၢ်လီၤ.

လံာ်နီၢ်အ့ၤစတၢ် 6:11

လၢတၢ်န့ၣ်အဃိစီၤဟၤမၣ်လဲၤဟံးန့ၢ်ဆ့ကၤဖးထီတဖၣ်ဒီးကသ့ၣ်, ဒီးဒုးကူထီၣ်သိးထီၣ်စီၤမၢ်ဒကဲၤလၢဆ့ကၤဖးထီန့ၣ်လီၤ. စီၤမၢ်ဒကဲၤဒိးထီၣ်ကသ့ၣ်ဒီးစီၤဟၤမၣ်ဆှၢအီၤလၢဝ့ၢ်အကျဲ ဧိၤကပူၤဧိၤတဖၣ်ဒီးကိးထီၣ်ဝဲဆူပှၤဂီၢ်မုၢ်, “ကွၢ်စီၤပၤမၤဘျုးပှၤတဂၤလၢအဝဲအဲၣ်ဒိးမၤလၤကပီၤဝဲဒ်လဲၣ် န့ၣ်တက့ၢ်.”

လံာ်နီၢ်အ့ၤစတၢ် 7:8

အဝဲထိၣ်လီၤပှီၤဃီၤအသးလၢနီၢ်အ့ၤစတၢ်အလီၢ်မံခးအဖီခိၣ်, ဒ်သိးကဃ့ကညးအီၤလၢတၢ်သးကညီၤအဂီၢ်, ဖဲစီၤပၤဟဲက့ၤကဒါက့ၤဆူဒၢးပူၤလၢတၤသၣ်လီၢ်အခါန့ၣ်လီၤ. တုၤအဝဲထံၣ်တၢ်မၤအသးအံၤဒီး, စီၤပၤထုထီၣ်အကလုၢ်, “မ့ၢ်ပှၤတဂၤအံၤသါကမၤတရီတပါနီၢ်ပၤမုၣ်ဖဲအံၤလၢယမဲာ်ညါ, လၢယနီဒၣ်ယဲအပူၤန့ၣ်ဧါ.” စီၤပၤစံးတၢ်အံၤဝံၤတဘျီဃီ, ပှၤဒ့ဒံၣ်ဖိတဖၣ်ကျၢၢ်ဘၢစီၤဟၤမၣ်အခိၣ်န့ၣ်လီၤ.

လံာ်စီၤယိၤဘး 20:5

တၢ်သူၣ်ဖှံသးညီအိၣ်တယံာ်ဘၣ်ဒီးပှၤတတီတလိၤနီတဂၤဘၣ်. အဝဲမ့ၢ်ဒိၣ်ထီၣ်, ထီထီၣ်, ထီဝဲတုၤလၢမူခိၣ်ဒီးထီဝဲတုၤဒၣ်လဲာ် အခိၣ်တုၤဃီၤဆူတၢ်အၢၣ်တဖၣ်

လံာ်စီၤယိၤဘး 9:24

ကစၢ်ယွၤဟ့ၣ်လီၤဟီၣ်ခိၣ်ဆူပှၤတတီတလိၤအစုပူၤန့ၣ်လီၤ. မၤဘျီၣ်ကွံာ်ပှၤစံၣ်ညီၣ်ကွီၢ်သ့ၣ်တဖၣ်အမဲာ်လီၤ. ကစၢ်ယွၤမ့ၢ် တမၤတၢ်အံၤဘၣ်ဒီးမ့ၢ်မတၤမၤလဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 3:15

စီၤၡမူၤအ့လးအိၣ်လၢလီၢ်မံခိၣ်တုၤလၢမုၢ်ဆ့ၣ်ဝါလီၤ. ဝံၤဒီးဂဲၤဆၢထၢၣ်ဝဲဒီးအိးထီၣ်ယွၤအဟံၣ်အတြဲၤတဖၣ်လီၤ. အဝဲပျံၤတၢ်လၢကတဲစီၤဧ့လံၤဘၣ်ဃးဒီးတၢ်ထံၣ်လၢညါခီအဂ့ၢ်န့ၣ်လီၤ.