လံာ်နီၢ်အ့ၤစတၢ် 5:3 - Sgaw Karen Common Bible

³ စီၤပၤသံကွၢ်အီၤ, “တၢ်မနုၤလဲၣ်နီၢ်ပၤမုၣ်အ့ၤစတၢ်ဧၢ, တဲဘၣ်ယၤတၢ်လၢနအဲၣ်ဒိးတက့ၢ်. ဒီးတၢ်န့ၣ်မ့မ့ၢ်ယဘီယမုၢ်တဝာ်ဒၣ်လဲာ်ယကဟ့ၣ်နၤန့ၣ်လီၤ.”

လံာ်နီၢ်အ့ၤစတၢ် 5:3 Iomraidhean Croise

လံာ်စီၤပၤအခီၣ်ထံးတဘ့ၣ် 2:20

နီၢ်ဘၤသၡ့ဘၤစံးဘၣ်အီၤ, “ယအဲၣ်ဒိးဃ့နၤ, တၢ်သကွံာ်ကညးအဆံးဖိတမံၤလၢနကဟ့ၣ်ယၤလီၤ. တဘၣ်ဂ့ၢ်လိာ်ယၤတဂ့ၤ.” အဝဲဒၣ်စံးဝဲ, “ယမိၢ်ဧၢ, ဃ့တက့ၢ်. ယတဂ့ၢ်လိာ်နၤဘၣ်.”

လံာ်စီၤပၤအခီၣ်ထံးတဘ့ၣ် 3:5

မုၢ်တနၤဃီန့ၣ်, ယွၤလီၣ်ဖျါထီၣ်အသးလၢအီၤလၢတၢ်မံမီၢ်တခါ အပူၤဒီးသံကွၢ်အီၤ, “နအဲၣ်ဒိးလၢယကဟ့ၣ်နၤတၢ်မနုၤလဲၣ်.”

လံာ်စီၤနဃ့မယၤ 2:4

ဒီးစီၤပၤဖးဒိၣ်သံကွၢ်ယၤ “နသးလီတၢ်မနုၤလဲၣ်.” ယဘါထုကဖၣ်တၢ်ဆူကစၢ်ယွၤလၢအအိၣ်လၢမူခိၣ်လီၤ.

လံာ်နီၢ်အ့ၤစတၢ် 5:4

နီၢ်အ့ၤစတၢ်စံးဆၢအီၤ, “မ့ၢ်ဘၣ်တၢ်ဒိၣ်ကစၢ်စီၤပၤအသးဒီး, ယအဲၣ်ဒိးလၢတဟါအံၤနၤဒီးစီၤဟၤမၣ်ကမ့ၢ်ယပှၤတမှံၤ တဖၣ်လၢတၢ်အီၣ်အမူးတမူးလၢယကတဲာ်ကတီၤအီၤလၢ သုဂီၢ်န့ၣ်လီၤ.”

လံာ်နီၢ်အ့ၤစတၢ် 5:6

ဖဲစီၤပၤအီစပံးထံအခါန့ၣ်စီၤပၤစံးဘၣ်အီၤ, “တဲဘၣ်ယၤတၢ်လၢနအဲၣ်ဒိးတက့ၢ်. ဒီးယကဟ့ၣ်နၤလီၤ. နမ့ၢ်ဃ့ယဘီယမုၢ်တဝာ်ဒၣ်လဲာ်ယကဟ့ၣ်နၤလီၤ.”

လံာ်နီၢ်အ့ၤစတၢ် 7:2

ဖဲအအီမူၤစပံးထံန့ၣ်စီၤပၤသံကွၢ်ကဒီးအီၤ, “ခဲအံၤနီၢ်ပၤမုၣ်အ့ၤစတၢ်ဧၢ, နအဲၣ်ဒိးတၢ်မနုၤလဲၣ်. တဲဘၣ်ယၤဒီးနကမၤန့ၢ်အီၤလီၤ. ယကဟ့ၣ်ဒၣ်လဲာ်နၤလၢယဘီ ယမုၢ်တဝာ်န့ၣ်လီၤ.”

လံာ်နီၢ်အ့ၤစတၢ် 9:12

အန့ၣ်ဒီးစီၤပၤစံးဘၣ်နီၢ်ပၤမုၣ်အ့ၤစတၢ်, “ပှၤယူဒၤဖိမၤသံပှၤယဲၢ်ကယၤလၢဝ့ၢ်ၡူၡၣ်အပူၤဃုာ်ဒီး စီၤဟၤမၣ်အဖိခွါအဂၤတဆံလံ. အဝဲသ့ၣ်ကဘၣ်မၤဒံးတၢ်မနုၤလၢကီၢ်ဆၣ်တဖၣ်အပူၤန့ၣ်လဲၣ်. ခဲကနံၣ်အံၤ, နအဲၣ်ဒိးတၢ်မနုၤလဲၣ်. နကဒိးန့ၢ်ဘၣ်လီၤ. တဲဘၣ်ယၤတၢ်လၢနအဲၣ်ဒိးဒံးတက့ၢ်. ဒီးနကဒိးန့ၢ်ဘၣ်လီၤ.”

လံာ်မၢ်ကူး 6:23

အဝဲဆိၣ်လီၤအသးဒီးစံးဝဲ, “တၢ်တမံၤလၢ်လၢ်လၢနဃ့န့ၣ်ယကဟ့ၣ်လီၤနၤပၢၢ်တုၤလၢယဘီယမုၢ် တဝာ်ဒၣ်လဲာ်လီၤ.”

လံာ်လူၤကၣ် 18:41

“နအဲၣ်ဒိးလၢယကမၤတၢ်မနုၤတမံၤလၢနဂီၢ်လဲၣ်.” “ကစၢ်ဧၢ,” အဝဲဒၣ်စံးဆၢဝဲ, “ယအဲၣ်ဒိးထံၣ်ထီၣ်က့ၤတၢ်လီၤ.”

မၤတၢ် 23:19

ပှၤသုးဖိတကထိအခိၣ်ဖီၣ်ထီၣ်အဝဲဒၣ်အစု, ဒီးဆှၢအီၤဆူ တၢ်တဒၢအလီၢ်, ဒီးသံကွၢ်အီၤကစုဒု, “နအဲၣ်ဒိးတဲ ယၤတၢ်ဂ့ၢ်မနုၤတမံၤလဲၣ်.”