လံာ်နီၢ်အ့ၤစတၢ် 5:2 - Sgaw Karen Common Bible

² တုၤစီၤပၤထံၣ်ဘၣ်နီၢ်ပၤမုၣ်အ့ၤစတၢ်ဆၢထၢၣ်ဖဲတၢ်ချၢန့ၣ်, အဝဲကွၢ်မဲာ်အီၤဒီးယူာ်ဃီၤအနီၣ်ထိးထူဆူအအိၣ်န့ၣ်လီၤ. နီၢ်အ့ၤစတၢ်ဟဲနုာ်ဒီးထိးနီၣ်ထိးထူအခိၣ်န့ၣ်လီၤ.

လံာ်နီၢ်အ့ၤစတၢ် 5:2 Iomraidhean Croise

လံာ်တၢ်ကဲထီၣ်အခီၣ်ထံး 32:28

ဒီးပှၤတဂၤန့ၣ်စံးဘၣ်အီၤ, “နမံၤတမ့ၢ်လၢၤဘၣ်စီၤယၤကိာ် ဘၣ်. နဂဲၤပျုၢ်ပြၢလိာ်တ့ၢ်နသးဒီးကစၢ်ယွၤဒီးပှၤကညီ, ဒီးနမၤနၢၤလံတၢ်လံ. အဃိဒီးနမံၤကမ့ၢ်စီၤအံၣ်စရ့လးလီၤ.”

လံာ်စီၤနဃ့မယၤ 1:11

ဒီးခဲကနံၣ်အံၤဒိကနၣ်လၢ်ယတၢ်ထုကဖၣ်ဒီးကယဲၢ်နခ့နပှၤခဲလၢာ် လၢအသးအိၣ်ပာ်ထီၣ်ထီနၤအတၢ်ထုကဖၣ်န့ၣ်တက့ၢ်. တနံၤအံၤဟ့ၣ်လၢ်ယၤတၢ်မၤနၢၤဒီးမၢစီၤပၤသးကညီၤယၤတက့ၢ်. ဒီးလၢမုၢ်နံၤတဖၣ်အံၤန့ၣ်ယမ့ၢ်ပှၤစိာ်စီၤပၤဖးဒိၣ်အလီခီအီတၢ်န့ၣ်လီၤ.

လံာ်နီၢ်အ့ၤစတၢ် 2:9

ဒီးစီၤဟ့က့ၤဘၣ်သူၣ်ဘၣ်သးနီၢ်အ့ၤစတၢ်ဒီးအဝဲကွၢ်မဲာ်အီၤန့ၣ်လီၤ. စီၤဟ့က့ၤတမၤယံာ်မၤနီၣ်အသးလၢတၢ်ကွၢ်ထွဲ နီၢ်အ့ၤစတၢ်ခီဖျိတၢ်မၤဃံမၤလၤအီၤဒီးဟ့ၣ်အီၤတၢ်အီၣ်တၢ်အီ လီၤဆီန့ၣ်ဘၣ်. အဝဲဟ့ၣ်အီၤလၢတၢ်လီၢ်အဂ့ၤကတၢၢ်လၢပှၤပိာ်မုၣ်အိၣ်ဟံၣ်အပူၤ ဒီးဃုထၢလီၤဆီပိာ်မုၣ်ဖိလၢစီၤပၤအနီပူၤနွံဂၤဒ်သိးကမၤန့ၢ်အတၢ်လီၤ.

လံာ်နီၢ်အ့ၤစတၢ် 4:11

ဒီးစံးဝဲဒၣ်, “ပှၤတဂၤလၢ်လၢ်, ပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤ, မ့ၢ်လဲၤနုာ်ဆူဂၢၤပူၤဒီးထံၣ်စီၤပၤတအိၣ်ဘၣ်ဒီးစီၤပၤ အတၢ်ကိးအီၤဘၣ်န့ၣ်ကဘၣ်သံလီၤ. တၢ်အံၤမ့ၢ်တၢ်သိၣ်တၢ်သီလၢပှၤကိးဂၤဒဲးစးထီၣ် လၢစီၤပၤအပှၤကူၣ်လိာ်တၢ်တဖၣ်ဒီးတုၤလၢပှၤဂီၢ်မုၢ်ခဲလၢာ် လၢဘီမူၢ်အပူၤသ့ၣ်ညါဝဲန့ၣ်လီၤ. ကျဲအိၣ်ဒၣ်ထဲတဘိဧိၤလၢတၢ်သိၣ်တၢ်သီအံၤပျဲပူၤအီၤသ့ ဝဲလၢအမ့ၢ်ဝဲဖဲစီၤပၤယူာ်ဃီၤအနီၣ်ထိးထူဆူပှၤတ ဂၤဂၤအအိၣ်န့ၣ်အဝဲအသးသမူကပူၤဖျဲးဝဲလီၤ. မ့မ့ၢ်ယဲစီၤပၤတကိးဘၣ်ယၤအိၣ်လံတလါလံန့ၣ်လီၤ.”

လံာ်နီၢ်အ့ၤစတၢ် 8:4

စီၤပၤယူာ်ဃီၤအနီၣ်ထိးထူဆူအအိၣ်, ဒီးနီၢ်အ့ၤစတၢ်ဆၢထၢၣ်ဒီးစံးဝဲ,

စံးထီၣ်ပတြၢၤ 116:1

ယအဲၣ်ယွၤကွံယွၤမ့ၢ်လၢ အဝဲနၢ်ဟူတ့ၢ်လံယကလုၢ် ဒီးယတၢ်ဃ့ကညးတဖၣ်အဃိန့ၣ်လီၤ.

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

မၤတၢ် 10:4

အဝဲဒၣ်ကွၢ်ထံကလူးလၢတၢ်ပျံၤတၢ်ဖုးအပူၤဒီးစံးဝဲ, “ကစၢ်ဧၢ, မ့ၢ်မနုၤလဲၣ်.” ကလူးစံးဆၢတၢ်ဒီးစံးဝဲ, “ကစၢ်ယွၤတူၢ်လိာ်လံနတၢ်ထုကဖၣ်ဒီးနတၢ်ဟ့ၣ်သးကညီၤ တၢ်တဖၣ်, ဒီးကစံးဆၢက့ၤနၤလီၤ.

မၤတၢ် 7:10

ဒီးမၤပူၤမၤဖျဲးအီၤတဘျီလၢ်လၢ်ဖဲအဘၣ်တၢ်ကီတၢ်ခဲ အကတီၢ်န့ၣ်လီၤ. တုၤအလဲၤထီၣ်ဘၣ်လၢကီၢ်အဲၤကူပတူးအစီၤပၤဖၤရိၤအမဲာ် ညါဒီး, ကစၢ်ယွၤဟ့ၣ်အီၤတၢ်ပာ်သူၣ်ပာ်သးဒီးတၢ်ကူၣ်သ့ကူၣ် ဘၣ်လၢအထုးန့ၢ်စီၤပၤဖၤရိၤအသးသတးဒီး, စီၤပၤန့ၣ်ဒုးကဲထီၣ်အီၤလၢပဒိၣ်ပၢတၢ်လၢကီၢ်အဲၤကူပတူး အဖီခိၣ်, ဒီးလၢအနူၢ်အစီၤအဖီခိၣ်န့ၣ်လီၤ.