လံာ်နီၢ်အ့ၤစတၢ် 5:1 - Sgaw Karen Common Bible

¹ လၢနီၢ်အ့ၤစတၢ်ဒုၣ်တၢ်အီၣ်တၢ်အီသၢနံၤတနံၤန့ၣ်, အဝဲကူထီၣ်သိးထီၣ်နီၢ်ပၤမုၣ်အကူအသိးဒီးလဲၤနုာ် ဒီးဆၢထၢၣ်လၢနီအဂၢၤအခၢၣ်သးဒၢးတဒၢးအပူၤလၢ အအိၣ်သဃီၤဒီးစီၤပၤအလီၢ်ပစိာ်အဒၢးအမဲာ်ညါန့ၣ်လီၤ. စီၤပၤဆ့ၣ်နီၤဝဲလၢအလီၢ်ပစိာ်အဖီခိၣ်လၢအအိၣ်သဃီၤဒီးကျဲ စၢၤဟဲနုာ်န့ၣ်လီၤ.

လံာ်နီၢ်အ့ၤစတၢ် 5:1 Iomraidhean Croise

လံာ်နီၢ်အ့ၤစတၢ် 1:11

စီၤပၤမၤလိာ်အဝဲသ့ၣ်ဒ်သိးအကဟဲကိးန့ၢ်အီၤနီၢ်ပၤမုၣ်ဝးၡတံၤ, အိၣ်ဒီးနီၢ်ပၤမုၣ်အခိၣ်သလုးလၢအခိၣ်လိၤလီၤ. နီၢ်ပၤမုၣ်မ့ၢ်ပိာ်မုၣ်လၢအဃံလၤဝဲဒီးစီၤပၤသးအိၣ်ပာ်ဖျါထီၣ် အတၢ်ဃံတၢ်လၤဆူပဒိၣ်ဖးဒိၣ်တဖၣ်ဒီးအပှၤတမှံၤတပျီၤခဲလၢာ် န့ၣ်လီၤ.

လံာ်နီၢ်အ့ၤစတၢ် 2:5

ဖဲန့ၣ်လၢဝ့ၢ်ၡူၡၣ်အပူၤန့ၣ်ပှၤယူဒၤဖိစီၤ ယၤအံၢ်အဖိခွါလၢအမံၤမ့ၢ်ဝဲစီၤမၢ်ဒကဲၤအိၣ်ဝဲဒၣ်န့ၣ်လီၤ. အဝဲမ့ၢ်ပှၤဘၣ်ဃးဒီးပှၤဘံၣ်ယၤမံၣ်ဖိအဒူၣ်လၢအဟဲလီၤစၢၤ လီၤသွဲၣ်လၢစီၤၡံမံၤဒီးစီၤကံၣ်န့ၣ်လီၤ.

လံာ်နီၢ်အ့ၤစတၢ် 4:11

ဒီးစံးဝဲဒၣ်, “ပှၤတဂၤလၢ်လၢ်, ပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤ, မ့ၢ်လဲၤနုာ်ဆူဂၢၤပူၤဒီးထံၣ်စီၤပၤတအိၣ်ဘၣ်ဒီးစီၤပၤ အတၢ်ကိးအီၤဘၣ်န့ၣ်ကဘၣ်သံလီၤ. တၢ်အံၤမ့ၢ်တၢ်သိၣ်တၢ်သီလၢပှၤကိးဂၤဒဲးစးထီၣ် လၢစီၤပၤအပှၤကူၣ်လိာ်တၢ်တဖၣ်ဒီးတုၤလၢပှၤဂီၢ်မုၢ်ခဲလၢာ် လၢဘီမူၢ်အပူၤသ့ၣ်ညါဝဲန့ၣ်လီၤ. ကျဲအိၣ်ဒၣ်ထဲတဘိဧိၤလၢတၢ်သိၣ်တၢ်သီအံၤပျဲပူၤအီၤသ့ ဝဲလၢအမ့ၢ်ဝဲဖဲစီၤပၤယူာ်ဃီၤအနီၣ်ထိးထူဆူပှၤတ ဂၤဂၤအအိၣ်န့ၣ်အဝဲအသးသမူကပူၤဖျဲးဝဲလီၤ. မ့မ့ၢ်ယဲစီၤပၤတကိးဘၣ်ယၤအိၣ်လံတလါလံန့ၣ်လီၤ.”

လံာ်နီၢ်အ့ၤစတၢ် 4:17

အန့ၣ်ဒီးစီၤမၢ်ဒကဲၤဟးထီၣ်ဝဲ, ဒီးမၤတၢ်ကိးမံၤဒဲးလၢနီၢ်အ့ၤစတၢ်တဲဘၣ်အီၤလၢကမၤဝဲန့ၣ်လီၤ.

လံာ်နီၢ်အ့ၤစတၢ် 6:4

စီၤပၤသံကွၢ်ဝဲ, “မ့ၢ်ယပဒိၣ်အိၣ်တဂၤဂၤလၢနီပူၤန့ၣ်ဧါ.” ဆၢကတီၢ်ဖဲန့ၣ်ဘၣ်ဖဲစီၤဟၤမၣ်ဟဲနုာ်ဆူနီအဂၢၤပူၤဒ်သိးကမၢ စီၤပၤဘျးထီၣ်စီၤမၢ်ဒကဲၤလၢသ့ၣ်လၢအအိၣ်ကတဲာ် ကတီၤပာ်လံအသးတကျီၣ်အလိၤန့ၣ်လီၤ.

လံာ်နီၢ်အ့ၤစတၢ် 8:15

စီၤမၢ်ဒကဲၤဟးထီၣ်ဝဲလၢနီပူၤ, ကူသိးဝဲဒၣ်စီၤပၤအကူအသိး, လၢတၢ်လါဒီးတၢ်ဝါဆ့ကၤဖးထီတဘ့ၣ်လၢပှၤမၤအီၤလၢ ဖှီဝါကဆှၣ်လုးတကုာ်အိၣ်ဒီးခိၣ်သလုးထူဖးဒိၣ်လီၤ. ဝ့ၢ်ၡူၡၣ်အပှၤဝ့ၢ်ဖိကိးပသူထီၣ်လၢတၢ်သူၣ်ခုသးခုဒီး တၢ်သူၣ်ဖှံသးညီလၢကျဲတဖၣ်အပူၤလီၤ.

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

လံာ်မးသဲ 11:8

မ့တမ့ၢ်ဘၣ်ဒီးမ့ၢ်သုလဲၤဒ်သိးသုကထံၣ်ဘၣ်ပှၤလၢအကူအသိး ဆှုၣ်ဆှုၣ်ဘှဲၣ်ဘှဲၣ် တဂၤန့ၣ်ဧါ. ပှၤကူပှၤသိးဒ်န့ၣ်တဖၣ်အိၣ် ဆိးဒၣ်လၢနီတဖၣ်အပူၤလီၤ.

လံာ်မးသဲ 27:64

လၢတၢ်န့ၣ်အဃိ, ဝံသးစူၤဟ့ၣ်လီၤနကလုၢ်ဒ်သိးဒီးတၢ်ကခိးဒီးပၢၤဃာ် အသွၣ်ခိၣ်အပူၤဂ့ၤဂ့ၤဘၣ်ဘၣ်တုၤလီၤသၢသီတသီ, ဒ်သိးအပျဲၢ်အဘီၣ်တဖၣ်လဲၤဒီးဟုၣ်န့ၢ်အစိၣ် ဒီးစံးဘၣ်တဲဘၣ်ပှၤဂီၢ်မုၢ်လၢအဝဲဂဲၤဆၢထၢၣ်က့ၤလၢတၢ်သံ လံန့ၣ်, အသုတသ့တဂ့ၤအဂီၢ်န့ၣ်တက့ၢ်. တၢ်ကတိၤလီတၢ်အကတၢၢ်တမံၤအံၤကအၢဒိၣ်န့ၢ်ဒံးတၢ် ကတိၤလီတၢ်လၢအခီၣ်ထံးကတၢၢ်တမံၤတက့ၢ်လီၤ.”

လံာ်လူၤကၣ် 22:30

သုကအီၣ်တၢ်အီတၢ်လၢယစီၢ်နီၤခိၣ်လၢယဘီယမုၢ်အပူၤ, ဒီးသုကဆ့ၣ်နီၤလၢလီၢ်ပစိာ်အဖီခိၣ်ဒ်သိးသုကပၢပှၤ အံၣ်စရ့လးဖိတဆံခံဒူၣ်န့ၣ်လီၤ.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.