လံာ်နီၢ်အ့ၤစတၢ် 4:5 - Sgaw Karen Common Bible

⁵ လၢတၢ်န့ၣ်အဃိနီၢ်အ့ၤစတၢ်ကိးဃီၤစီၤဟၤတး, ပှၤဒ့ဒံၣ်ဖိလၢနီပူၤအကျါတဂၤလၢစီၤပၤဃုထၢပာ်လီၤအီၤဒ် တၢ်ခ့တၢ်ပှၤလၢအဂီၢ်န့ၣ်, ဒီးမၢအလဲၤဝဲဆူစီၤမၢ်ဒကဲၤအအိၣ် ဒီးဃုထံၣ်တၢ်မနုၤမၤအသးဒီးဘၣ်မနုၤမၤအသးလဲၣ်အဂ့ၢ် န့ၣ်လီၤ.

လံာ်နီၢ်အ့ၤစတၢ် 4:5 Iomraidhean Croise

လံာ်နီၢ်အ့ၤစတၢ် 1:10

ဒီးလၢတၢ်အီၣ်တၢ်အီအမူးဖးဒိၣ်နွံနံၤတနံၤ, ဖဲစီၤပၤမုာ်လၤဝဲလၢစပံးထံအကတီၢ်အခါန့ၣ်, ကိးဃီၤပှၤဒ့ဒံၣ်ဖိနွံဂၤလၢအမ့ၢ်အနီၢ်ကစၢ်ဒၣ်ဝဲအခ့အပှၤ, စီၤမဟူမၣ်, စီၤဘံးစသၤ, စီၤဃၤရဘိနၤ, စီၤဘံးကသၤ, စီၤအဘၤကသၤ, စီၤစ့သၢ်ဒီးစီၤကၤရယၣ်တဖၣ်န့ၣ်လီၤ.

လံာ်နီၢ်အ့ၤစတၢ် 1:12

ဘၣ်ဆၣ်ဒီး, ဖဲတၢ်ခ့တၢ်ပှၤသ့ၣ်တဖၣ်တဲဘၣ်နီၢ်ပၤမုၣ်ဝးၡတံၤလၢစီၤပၤ အတၢ်မၤလိာ်အီၤန့ၣ်, အဝဲဂ့ၢ်လိာ်ဝဲလၢအကဟဲဝဲဒၣ်န့ၣ်လီၤ. တၢ်အံၤမၤသးဒိၣ်ထီၣ်စီၤပၤန့ၣ်လီၤ.

လံာ်နီၢ်အ့ၤစတၢ် 4:10

နီၢ်အ့ၤစတၢ်ဟ့ၣ်လီၤတၢ်ကစီၣ်အံၤလၢစီၤဟၣ်တး ကလဲၤစိာ်ဝဲဆူစီၤမၢ်ဒကဲၤအအိၣ်န့ၣ်လီၤ.

လံာ်နီၢ်အ့ၤစတၢ် 4:4

တုၤနီၢ်အ့ၤစတၢ်အကုၢ်ပိာ်မုၣ်ဖိတဖၣ်ဒီးပှၤဒ့ဒံၣ်ဖိ တဖၣ်တဲဘၣ်အီၤတၢ်လၢစီၤမၢ်ဒကဲၤမၤဝဲန့ၣ်ဒီးအဝဲ အသူၣ်အုးသးအုးဒိၣ်နီၢ်မးလီၤ. အဝဲဆှၢလီၤတၢ်ကူ တၢ်သိးတနီၤဆူစီၤမၢ်ဒကဲၤအအိၣ်ဒ်သိးကကူဝဲကၤဝဲ လၢဆ့ကၤထၢၣ်သွ့အလီၢ်န့ၣ်လီၤ. ဘၣ်ဆၣ်ဒီးဒီးစီၤမၢ်ဒကဲၤတတူၢ်လိာ်ဘၣ်ဝဲဘၣ်.

လံာ်နီၢ်အ့ၤစတၢ် 4:6

စီၤဟၤတးလဲၤဆူစီၤမၢ်ဒကဲၤအအိၣ်လၢဝ့ၢ်အတၢ်လီၤပျီဖဲ နီအကျဲစၢၤန့ၣ်လီၤ.

လံာ်နီၢ်အ့ၤစတၢ် 4:9

စီၤဟၤတးမၤဝဲဒ်န့ၣ်လီၤ.

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.

1 ကရံၣ်သူး 12:26

နီၢ်ခိအက့ၢ်အဂီၤတမံၤမ့ၢ်တူၢ်ဘၣ်တၢ်ဒီး, က့ၢ်ဂီၤအဂၤခဲလၢာ်တူၢ်ဘၣ်ဃုာ်တၢ်ဒီးအီၤ, က့ၢ်ဂီၤတမံၤမ့ၢ်ဘၣ်တၢ်စံးထီၣ်ပတြၢၤအီၤဒီး က့ၢ်ဂီၤအဂၤတဖၣ်ခဲလၢာ်ဒိးန့ၢ်ဘၣ်ဃုာ်အဝဲဒၣ် အတၢ်သးခုလီၤ.

ဖံလံးပံၤ 2:4

မ်သုဝဲတဂၤဒီးတဂၤကွၢ်တၢ်လၢပှၤဂၤအဂီၢ်တက့ၢ်. သုသုတကွၢ်တၢ်ထဲသုဂီၢ်ဒၣ်သုဝဲတဂ့ၤ.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.