လံာ်နီၢ်အ့ၤစတၢ် 4:4 - Sgaw Karen Common Bible

⁴ တုၤနီၢ်အ့ၤစတၢ်အကုၢ်ပိာ်မုၣ်ဖိတဖၣ်ဒီးပှၤဒ့ဒံၣ်ဖိ တဖၣ်တဲဘၣ်အီၤတၢ်လၢစီၤမၢ်ဒကဲၤမၤဝဲန့ၣ်ဒီးအဝဲ အသူၣ်အုးသးအုးဒိၣ်နီၢ်မးလီၤ. အဝဲဆှၢလီၤတၢ်ကူ တၢ်သိးတနီၤဆူစီၤမၢ်ဒကဲၤအအိၣ်ဒ်သိးကကူဝဲကၤဝဲ လၢဆ့ကၤထၢၣ်သွ့အလီၢ်န့ၣ်လီၤ. ဘၣ်ဆၣ်ဒီးဒီးစီၤမၢ်ဒကဲၤတတူၢ်လိာ်ဘၣ်ဝဲဘၣ်.

လံာ်နီၢ်အ့ၤစတၢ် 4:4 Iomraidhean Croise

လံာ်တၢ်ကဲထီၣ်အခီၣ်ထံး 37:35

ကယဲၢ်အဖိခွါဒီးအဖိမုၣ်တဖၣ်ဟဲဝဲလၢကမၤမုာ်အီၤအဂီၢ်, ဘၣ်ဆၣ်ဒီးအဝဲဂ့ၢ်လိာ်ကွံာ်တၢ်မၤမုာ်အီၤဒီးစံးဝဲ, “ယကလဲၤလီၤဆူတၢ်သံအကီၢ်ပူၤ, အိၣ်ဒံးဒီးတၢ်သူၣ်အုးသး အုးလၢယဖိခွါအဃိန့ၣ်လီၤ.” အန့ၣ်ဒီးအဝဲဟီၣ်ယၢၤထွဲဒံးဝဲလၢအဖိခွါစီၤယိၤသးအဃိ န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:32

စီၤယ့ၤဟူကွၢ်ထီၣ်တၢ်ဒီးကိးထီၣ်ဝဲ, “မ့ၢ်မတၤအိၣ်လၢယအိၣ် တခီလဲၣ်.” ပှၤဒ့ဒံၣ်ဖိခံဂၤမ့တမ့ၢ်သၢဂၤကွၢ်လီၤအီၤလၢပဲတြီဖိ တဘ့ၣ်အပူၤ,

လံာ်နီၢ်အ့ၤစတၢ် 1:12

ဘၣ်ဆၣ်ဒီး, ဖဲတၢ်ခ့တၢ်ပှၤသ့ၣ်တဖၣ်တဲဘၣ်နီၢ်ပၤမုၣ်ဝးၡတံၤလၢစီၤပၤ အတၢ်မၤလိာ်အီၤန့ၣ်, အဝဲဂ့ၢ်လိာ်ဝဲလၢအကဟဲဝဲဒၣ်န့ၣ်လီၤ. တၢ်အံၤမၤသးဒိၣ်ထီၣ်စီၤပၤန့ၣ်လီၤ.

လံာ်နီၢ်အ့ၤစတၢ် 4:3

သကုၤကီၢ်ဒီဘ့ၣ်ညါဖဲစီၤပၤအတၢ်ဘိးဘၣ်သ့ၣ်ညါဘၣ်တၢ်ဒုးသ့ၣ် ညါအီၤန့ၣ်, တၢ်သူၣ်အုးသးအုးဒီးတၢ်ဟီၣ်တၢ်ယၢၤဖးဒိၣ်အိၣ်ဝဲဒၣ်လၢပှၤ ယူဒၤဖိအကျါလီၤ. အဝဲသ့ၣ်ဒုၣ်တၢ်အီၣ်တၢ်အီ, ဟီၣ်ဝဲယၢၤဝဲဒီးပှၤအါဂၤကူထီၣ်သိးထီၣ်ဆ့ကၤထၢၣ်သွ့ ဒီးမံလီၤလၢဖၣ်ဆါကျါလီၤ.

လံာ်နီၢ်အ့ၤစတၢ် 4:5

လၢတၢ်န့ၣ်အဃိနီၢ်အ့ၤစတၢ်ကိးဃီၤစီၤဟၤတး, ပှၤဒ့ဒံၣ်ဖိလၢနီပူၤအကျါတဂၤလၢစီၤပၤဃုထၢပာ်လီၤအီၤဒ် တၢ်ခ့တၢ်ပှၤလၢအဂီၢ်န့ၣ်, ဒီးမၢအလဲၤဝဲဆူစီၤမၢ်ဒကဲၤအအိၣ် ဒီးဃုထံၣ်တၢ်မနုၤမၤအသးဒီးဘၣ်မနုၤမၤအသးလဲၣ်အဂ့ၢ် န့ၣ်လီၤ.

စံးထီၣ်ပတြၢၤ 77:2

လၢယတၢ်ကိၢ်တၢ်ဂီၤအမုၢ်နံၤန့ၣ်, ယဃုယွၤ, ယစုယူာ်ထီၣ်အသးလၢမုၢ်နၤ လၢတၢ်တလီၤဘှံးလီၤတီၤဘၣ်အပူၤ, ဘၣ်ဆၣ်တၢ်မၤမုာ်ထီၣ်က့ၤယၤတသ့ဘၣ်.

လံာ်ယၡါယၤ 56:3

ပှၤတခီဘီမုၢ်ဖိတဂၤလၢအပာ်ဖှိၣ်အသးဒီးယွၤအပှၤဂီၢ်မုၢ်န့ၣ် တကြၢးစံးဝဲလၢ, “ယွၤတပျဲယဘူၣ်တၢ်ဘါတၢ်ဒီးအပှၤ ဂီၢ်မုၢ်န့ၣ်ဘၣ်.” ပှၤတဂၤလၢတၢ်ဒ့ကွံာ်အဒံၣ်, တကြၢးဆိ ကမိၣ်ဝဲနီတစုလၢမ့ၢ်လၢအဖိအိၣ်တသ့ဘၣ်အဃိန့ၣ်, ကဲထီၣ်ပှၤဘၣ်ဃးဒီးကစၢ်ယွၤအပှၤဂီၢ်မုၢ်တသ့ဝဲနီတစုန့ၣ်ဘၣ်.

လံာ်ယံးရမံယၤ 31:15

ယွၤစံးဝဲဒၣ်, “တၢ်ကလုၢ်သီၣ်ထီၣ်ဝဲလၢ ဝ့ၢ်ရၤမါအပူၤ, မ့ၢ်တၢ်ဟီၣ်ပသူဟီၣ်ပသီထီၣ် အတၢ်သီၣ်န့ၣ်လီၤ. နီၢ်ရၤဃ့လး ဟီၣ်ဝဲလၢ အဖိတဖၣ်အဃိန့ၣ်လီၤ. အဖိတဖၣ် လီၤမၢ်ကွံာ်လၢာ်လံ. ဒီးအဝဲတတူၢ်လိာ်ဘၣ်တၢ်ကမၤမုာ်ထီၣ်က့ၤအီၤဘၣ်.

မၤတၢ် 8:27

အန့ၣ်ဒီးစီၤဖံလံးပူးကတီၤထီၣ်အသးဒီးလဲၤဝဲလီၤ. အကတီၢ်ဖဲန့ၣ်တၢ်မၤအသးလၢပှၤအဲၤသံအီးပးအပှၤဒ့ဒံၣ်ဖိ လၢအမ့ၢ်ကီၢ်အဲၤသံအီးပးအနီၢ်ပၤမုၣ်တဂၤအပဒိၣ်ဖးဒိၣ်, ပှၤလၢအဘၣ်ပၢၤကျိၣ်ပၢၤစ့တဂၤန့ၣ်, လဲၤတၢ်လၢကျဲန့ၣ်လီၤ. အဝဲဒၣ်လဲၤတ့ၢ်ဝဲဆူဝ့ၢ်ယရူၤၡလ့ၣ်လၢကဘူၣ်ထူဘါယွၤ အဂီၢ်,

လံာ်စီၤၡမူၤအ့လးအခီၣ်ထံးတဘ့ၣ် 8:15

အဝဲကဟံးန့ၢ်ကွံာ်သုဘုဧိၤဟုဧိၤဒီးစပံးသၣ်တဖၣ်ဆံဆဲၣ်ပူတပူလၢ အနူၢ်ဧိၤစီၤဧိၤအပဒိၣ်ပပှၢ်တဖၣ်ဒီးပဒိၣ်ပပှၢ်အဂၤတဖၣ် အဂီၢ်လီၤ.