လံာ်နီၢ်အ့ၤစတၢ် 4:3 - Sgaw Karen Common Bible

³ သကုၤကီၢ်ဒီဘ့ၣ်ညါဖဲစီၤပၤအတၢ်ဘိးဘၣ်သ့ၣ်ညါဘၣ်တၢ်ဒုးသ့ၣ် ညါအီၤန့ၣ်, တၢ်သူၣ်အုးသးအုးဒီးတၢ်ဟီၣ်တၢ်ယၢၤဖးဒိၣ်အိၣ်ဝဲဒၣ်လၢပှၤ ယူဒၤဖိအကျါလီၤ. အဝဲသ့ၣ်ဒုၣ်တၢ်အီၣ်တၢ်အီ, ဟီၣ်ဝဲယၢၤဝဲဒီးပှၤအါဂၤကူထီၣ်သိးထီၣ်ဆ့ကၤထၢၣ်သွ့ ဒီးမံလီၤလၢဖၣ်ဆါကျါလီၤ.

လံာ်နီၢ်အ့ၤစတၢ် 4:3 Iomraidhean Croise

လံာ်နီၢ်အ့ၤစတၢ် 1:1

တၢ်အံၤမ့ၢ်တၢ်မၤအသးဖဲမုၢ်နံၤမုၢ်သီတဖၣ် လၢစီၤပၤအဃၤၡဝ့ရိၣ်ပၢတၢ်လၢကီၢ်ပၤရၣ်အဝ့ၢ်ခိၣ်ဝ့ၢ်ၡူၡၣ် န့ၣ်လီၤ. အဝဲပၢဘၣ်ကီၢ်ဖိတကယၤခံဆံနွံဘ့ၣ်, စးထီၣ် လၢကီၢ်ဟံၣ်ဒူၤတုၤလၢကီၢ်ကူၤၡးန့ၣ်လီၤ.

လံာ်နီၢ်အ့ၤစတၢ် 3:12

လၢတၢ်န့ၣ်အဃိ, လၢလါအခီၣ်ထံးတလါထီၣ်တဆံသၢ သီတနံၤန့ၣ်, စီၤဟၤမၣ်ကိးန့ၢ်စီၤပၤအပှၤ ကွဲးလံာ်တဖၣ်ဒီးကိးထီၣ်ထးခိၣ်န့ၢ်အီၤလၢ တၢ်ဘိးဘၣ်သ့ၣ်ညါတခါလၢကဘၣ်တၢ်ကွဲးကျိးထံ အီၤဆူကျိာ်ကိးကျိာ်ဒဲးလၢတၢ်သူအီၤလၢဘီမုၢ်အ ပူၤခဲလၢာ်ဒီးကဘၣ်တၢ်ရၤလီၤအီၤဆူပှၤပၢတၢ်တဖၣ်, ပဒိၣ်ပပှၢ်ခဲလၢာ်အအိၣ်န့ၣ်လီၤ. လံာ်ဘိးဘၣ်သ့ၣ်ညါအံၤဘၣ်တၢ်ရၤလီၤအီၤလၢစီၤပၤအဃၤၡဝ့ ရိၣ်အမံၤဒီးဘၣ်တၢ်စဲပနီၣ်ဃာ်အီၤလၢစီၤပၤအပသံးန့ၣ်လီၤ.

လံာ်နီၢ်အ့ၤစတၢ် 4:2

တုၤအဝဲဟဲတုၤဆူနီအကျဲစၢၤတစုန့ၣ်လီၤ. အဝဲတလဲၤနုာ်ဆူနီပူၤဘၣ်, မ့ၢ်လၢတၢ်တပျဲလဲၤနုာ်ဘၣ်ပှၤလၢအကူအသိး ဆ့ကၤထၢၣ်သွ့ဘၣ်အဃိန့ၣ်လီၤ.

လံာ်နီၢ်အ့ၤစတၢ် 4:4

တုၤနီၢ်အ့ၤစတၢ်အကုၢ်ပိာ်မုၣ်ဖိတဖၣ်ဒီးပှၤဒ့ဒံၣ်ဖိ တဖၣ်တဲဘၣ်အီၤတၢ်လၢစီၤမၢ်ဒကဲၤမၤဝဲန့ၣ်ဒီးအဝဲ အသူၣ်အုးသးအုးဒိၣ်နီၢ်မးလီၤ. အဝဲဆှၢလီၤတၢ်ကူ တၢ်သိးတနီၤဆူစီၤမၢ်ဒကဲၤအအိၣ်ဒ်သိးကကူဝဲကၤဝဲ လၢဆ့ကၤထၢၣ်သွ့အလီၢ်န့ၣ်လီၤ. ဘၣ်ဆၣ်ဒီးဒီးစီၤမၢ်ဒကဲၤတတူၢ်လိာ်ဘၣ်ဝဲဘၣ်.

လံာ်နီၢ်အ့ၤစတၢ် 9:31

ဒီးသိၣ်လိနဲၣ်ယုၤအဝဲသ့ၣ်ဒီးအစၢၤအသွဲၣ်တဖၣ်လၢကတိၢ်န့ၢ်ဖံး ဃာ်ဘူၣ်ပူရံၣ်အမုၢ်နံၤတဖၣ်လၢအဆၢကတီၢ်ဒၣ်ဝဲ, ဒ်သိးဒၣ်အဝဲသ့ၣ်အိၣ်ဒီးတၢ်သိၣ်တၢ်သီတဖၣ် ဘၣ်ဃးဒီးတၢ်မၤတၢ်ဒုၣ်တၢ်အီၣ်တၢ်အီတဖၣ်ဒီးတၢ်သူၣ် အုးသးအုးအသိးအဆၢကတီၢ်တဖၣ်န့ၣ်လီၤ. တၢ်အံၤမ့ၢ်စီၤမၢ်ဒကဲၤဒီးနီၢ်ပၤမုၣ်အ့ၤစတၢ်ခံဂၤလိာ်အတၢ် မၤလိာ်န့ၣ်လီၤ.

လံာ်စီၤယိၤဘး 2:8

ဒီးစီၤယိၤဘးဟံးန့ၢ်သပၢၤက့ဒ်သိးအကဝာ်အသး, ဒီးဆ့ၣ်နီၤလၢဖၣ်ဆါအကျါလီၤ.

လံာ်ယၡါယၤ 22:12

ယွၤစိဒိၣ်ကမီၤထီ, သ့တၢ်လၢာ်ကစၢ်ကိးထီၣ်တ့ၢ်လံသုလၢ သုကဟီၣ်တၢ်ယၢၤတၢ်ဒီးသူၣ်အုးသးအုး, လၢသုကလူၤသု ခိၣ်တဖၣ်ဒီးကူထီၣ်ကၤထီၣ်ထၢၣ်တၢ်ကံးယာ်လီၤ.

လံာ်ယၡါယၤ 22:4

ခဲကနံၣ်အံၤ, ပာ်လီၤတဲာ်ယၤထဲတဂၤဧိၤဒ်သိးယကဟီၣ်ယၢၤ နးနးကျံးကျံးလၢယပှၤဂီၢ်မုၢ်ခဲလၢာ်လၢအသံတ့ၢ် တဖၣ်အဂီၢ်န့ၣ်တက့ၢ်. ဂုာ်ကျဲးစၢးမၤမုာ်ထီၣ်က့ၤယၤတဂ့ၤ.

လံာ်ယၡါယၤ 58:5

ဖဲသုဒုၣ်တၢ်အီၣ်တၢ်အီန့ၣ်, သုပာ်ဖျါသုသးလၢသုတူၢ်ဘၣ် တၢ်လီၤ. သုဆုးဖုၣ်လီၤသုခိၣ်တဖၣ်ဒ်နီၣ်အလၣ်တဘ့ၣ်အသိး, ဒီးသုဒါလီၤထၢၣ်တၢ်ကံးယာ်ဒီးဖှံလီၤဖၣ်ကမူၣ်ဖၣ်ဆါဒ်သိး သုကမံလီၤလၢအဖီခိၣ်အဂီၢ်လီၤ. တၢ်န့ၣ်မ့ၢ်တၢ်လၢသုကိးအီၤ လၢအမ့ၢ်တၢ်ဒုၣ်တၢ်အီၣ်တၢ်အီန့ၣ်ဧါ. မ့ၢ်သုဆိကမိၣ်လၢ ယကမုာ်သူၣ်မုာ်သးလၢတၢ်ဒ်န့ၣ်ဧါ.

လံာ်ယဃ့းစက့လး 27:30

အဝဲသ့ၣ်ခဲလၢာ် ဘၣ်မိၣ်ဘၣ်မးနးနးကလဲာ်လၢနဂီၢ်, ဖှံထီၣ် ဟီၣ်ခိၣ်ကမူၣ်တဖၣ် လၢအခိၣ်လိၤဒီးထွၣ်တလ့ၣ်အသးလၢ ဖၣ်ဆၣ်ကျါန့ၣ်လီၤ.

လံာ်ဒၤနံးယ့လး 9:3

ဒီးယဘါထုကဖၣ်တၢ်လၢသူၣ်လၢသးသပှၢ်ပှၢ်ဆူယွၤ, ကစၢ်ယွၤအအိၣ်ဒီးဒုၣ်တၢ်အီၣ်တၢ်အီ, ကူထီၣ်သိးထီၣ်ဆ့ဆးအသးလၢတၢ် ကံးယာ်ဒီးဆ့ၣ်နီၤလၢဖၣ်ဆါကျါဒီးဃ့ကညးအီၤလီၤ.

လံာ်ယိၤနါ 3:6

တုၤဝ့ၢ်နံၤနဝ့အစီၤပၤနၢ်ဟူတၢ်ကစီၣ်န့ၣ်, အဝဲဒၣ်ဂဲၤဆၢထၢၣ်လၢအလီၢ်ပစိာ်, ဘ့ၣ်လီၤကွံာ်စီၤပၤအကူအ သိး, ဒီးသိးထီၣ်ဝဲဆ့ကၤထၢၣ်သွ့, ဒီးဆ့ၣ်နီၤဝဲလၢဖၣ်ဆါအကျါန့ၣ်လီၤ.

လံာ်မးသဲ 13:42

ဒီးကလူးတဖၣ်ကတ့ၢ်လီၤကွံာ်အဝဲသ့ၣ်ဆူမ့ၣ်အူအဖၣ်ကပူၤ, ဖဲအဝဲသ့ၣ်ကဟီၣ်တၢ်ယၢၤတၢ်ဒီးကအ့ၣ်စဃံးအမဲန့ၣ်လီၤ.

လံာ်မးသဲ 22:13

တုၤနုၤတစုစီၤပၤစံးဘၣ်အခ့အပှၤတဖၣ်ဒီးစံး, ‘စၢအစုစၢအခီၣ်ဒီးတ့ၢ်လီၤကွံာ်အီၤဆူတၢ်ချၢ ဆူတၢ်ခံးကျါတက့ၢ်. ဖဲန့ၣ်ကဟီၣ်ကယၢၤတၢ်ဒီးကအ့ၣ်စဃံးအမဲလီၤ.’ ”

လံာ်မးသဲ 25:30

မ့မ့ၢ်တၢ်အခ့အပှၤလၢအဘျုးတအိၣ်တဂၤအံၤ, ဟီထီၣ်ကွံာ်အီၤဆူတၢ်ချၢလၢတၢ်ခံးကျါတက့ၢ်. ဖဲန့ၣ်ကဟီၣ်ကယၢၤတၢ် ဒီးကအ့ၣ်စဃံးအမဲလီၤ.’

လံာ်စီၤယိၤၡူ 7:6

စီၤယိၤၡူဒီးပှၤအံၣ်စရ့လးဖိအခိၣ်အနၢ်တဖၣ် ဖှီယာ်အကူအသိးလၢတၢ်သူၣ်အုးသးအုးအပူၤ, ထိၣ်လီၤပှီၤအသးလၢဟီၣ်ခိၣ်လိၤလၢယွၤအတလါစီဆှံအမဲာ်ညါ ဒီးအိၣ်မံလီၤဖဲန့ၣ်တုၤမုၢ်ဟါလီၤဒီးပာ်ဟီၣ်ခိၣ် အကမူၣ်လၢအခိၣ်အဖီခိၣ်လၢကဒုးနဲၣ်အတၢ်သးအုးအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:4

ပှၤစိာ်တၢ်ကစီၣ်တဖၣ်ဟဲတုၤဝဲလၢဝ့ၢ်ကံးဘဧၤဖဲစီၤစီလူး အိၣ်ဆိးဝဲဒီးဖဲအဝဲသ့ၣ်တဲဘၣ်တၢ်ကစီၣ်န့ၣ်, ပှၤဂီၢ်မုၢ်စးထီၣ်ဟီၣ်ဝဲ ယၢၤဝဲလၢတၢ်သးဟးဂီၤအပူၤလီၤ.