လံာ်နီၢ်အ့ၤစတၢ် 4:14 - Sgaw Karen Common Bible

¹⁴ နမ့ၢ်အိၣ်ဘှီၣ်ကလာ်လၢတၢ်ဆၢကတီၢ်ဒ်သိးအံၤန့ၣ်, တၢ်မၤစၢၤကဟဲလီၤလၢမူခိၣ်လၢပှၤယူဒၤဖိတဖၣ်အဂီၢ်, ဒီးအဝဲသ့ၣ်ကပူၤဖျဲးလီၤ. မ့မ့ၢ်နဲဒၣ်နကသံဒီးနပၢ်အပှၤဟံၣ်ဖိကတုၤလၢတၢ်ဟးဂီၤလီၤ. ဒီးဘၣ်သ့ၣ်သ့ၣ်, ကမ့ၢ်နကဲထီၣ်ဘၣ်နီၢ်ပၤမုၣ်လၢတၢ်ဆၢကတီၢ်ဒ်သိးအံၤ အဂီၢ်ဧါ, န့ၣ်မတၤသ့ၣ်ညါတဂၤလဲၣ်.

လံာ်နီၢ်အ့ၤစတၢ် 4:14 Iomraidhean Croise

လံာ်တၢ်ကဲထီၣ်အခီၣ်ထံး 22:14

စီၤအၤဘြၤဟၣ်ယုၢ်တၢ်လီၢ်န့ၣ်အမံၤလၢ, “ယဟိဝၤယံၤရၤ” အခီပညီ, “ယွၤထံၣ်တၢ်ဟ့ၣ်တၢ်” လီၤ. ဒီးတုၤလီၤလၢမုၢ်မဆါတနံၤအံၤဒၣ်လဲာ်ပှၤဂီၢ်မုၢ်စံး, “လၢယွၤအကစၢၢ်ဒီခိၣ်န့ၣ်ယွၤအိၣ်ဖျါထီၣ်ဝဲလီၤ.”

လံာ်စီၤပၤခံဘ့ၣ်တဘ့ၣ် 13:5

ယွၤဟ့ၣ်လီၤကီၢ်အံၣ်စရ့လးလၢခိၣ်နၢ်တဂၤ, လၢကမၤပူၤဖျဲးအဝဲသ့ၣ်လၢပှၤစူၤရံဖိတဖၣ်အစုပူၤ, ဒီးလၢတၢ်န့ၣ်အဃိပှၤအံၣ်စရ့လးဖိတဖၣ်အိၣ်ဆိးဘၣ်ဝဲမုာ်မုာ် ခုၣ်ခုၣ်ဒ်လၢညါအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:3

အအံၤမ့ၢ်တၢ်ကစီၣ်လၢအဝဲသ့ၣ်ကဘၣ်တဲဘၣ်ဝံယၡါယၤန့ၣ်လီၤ. “တနံၤအံၤမ့ၢ်တၢ်နးတၢ်ဖှီၣ်အမုၢ်တနံၤန့ၣ်လီၤ. ပဘၣ်တၢ်စံၣ်ညီၣ်ပှၤဒီးပအိၣ်လၢတၢ်မဲာ်ဆှးအပူၤလီၤ. ပလီၤဂာ်ဒ်ပိာ်မုၣ်တဂၤလၢဆံးစၢ်ထီၣ်အဖိအကတီၢ်ဘၣ်လံ ဘၣ်ဆၣ်ဒီး, အဂံၢ်အဘါစၢ်ကဲာ်ဆိးလၢကဆံးစၢ်ဝဲအဂီၢ်အသိးန့ၣ် လီၤ.

လံာ်စီၤဧ့စြၤ 9:9

ပမ့ၢ်တ့ၢ်ကုၢ်တဖၣ်, ဘၣ်ဆၣ်နတပာ်ထီဃာ်ပှၤလၢကုၢ်အလီၢ်န့ၣ်ဘၣ်. နမၢကီၢ်ပၤရၣ်အစီၤပၤဖးဒိၣ်တဖၣ်ကွၢ်မဲာ်ပှၤဒီးပျဲပှၤလၢ ပကအိၣ်ဆိးဘၣ်ဒံးဒီးသူၣ်ထီၣ်ဘှီထီၣ်က့ၤနတၢ်လုၢ်ဟံၣ်လၢအအိၣ် လၢတၢ်ဟးဂီၤအပူၤဒီးထံၣ်န့ၢ်တၢ်ပူၤဖျဲးဖဲအံၤလၢကီၢ်ယူ ဒၤဒီးဝ့ၢ်ယရူၤၡလ့ၣ်အပူၤန့ၣ်လီၤ.

လံာ်စီၤနဃ့မယၤ 6:11

ဒီးယစံးဆၢအီၤ “ယတမ့ၢ်ပှၤတဂၤလၢအဃ့ၢ်ဒီးအိၣ်ခူသူၣ်န့ၣ်ဘၣ်. မ့ၢ်နဆိကမိၣ်လၢယကဂုာ်ကျဲးစၢးမၤပူၤဖျဲးယသးလၢယတၢ်အိၣ်ခူ သူၣ်လၢယွၤအတၢ်လုၢ်ဟံၣ်အပူၤန့ၣ်ဧါ. ယတမၤတၢ်အံၤဘၣ်.”

လံာ်နီၢ်အ့ၤစတၢ် 2:15

ဒီးတၢ်ဆၢကတီၢ်ဘၣ်ဝဲလၢနီၢ်အ့ၤစတၢ်အဂီၢ်, လၢကလဲၤဆူစီၤပၤအအိၣ်လီၤ. နီၢ်အ့ၤစတၢ်မ့ၢ်, စီၤအဘံဃယ့းလးအဖိမုၣ်ဒီးစီၤမၢ်ဒကဲၤအတခွါမုၣ်လၢအ ကွၢ်လုၢ်ဖိက့ၤဝဲဒ်အဖိမုၣ်အသိးန့ၣ်လီၤ. ပှၤတဂၤလၢ်လၢ်လၢအထံၣ်ဘၣ်နီၢ်အ့ၤစတၢ်န့ၣ်, ဘၣ်သူၣ်ဘၣ်သးအီၤလီၤ. ဖဲအဝဲအကတီၢ်တုၤဃီၤန့ၣ်, အဝဲကူသိးဒၣ်တၢ်ဒ်ပှၤဒ့ဒံၣ်ဖိလၢအကွၢ်ထွဲပှၤပိာ်မုၣ်အိၣ်ဟံၣ်, စီၤဟ့က့ၤဟ့ၣ်ကူၣ်အီၤအသိးန့ၣ်လီၤ.

လံာ်နီၢ်အ့ၤစတၢ် 2:17

စီၤပၤဘၣ်သူၣ်ဘၣ်သး, ကွၢ်မဲာ်ဒီးအဲၣ်နီၢ်အ့ၤစတၢ်ဒိၣ်န့ၣ်ဒံး မုၣ်လိၤဘိအဂၤခဲလၢာ်လီၤ. ဒီးစီၤပၤပာ်ထီၣ်နီၢ်ပၤမုၣ်အခိၣ်သလုးလၢနီၢ်အ့ၤစတၢ်အခိၣ် လိၤဒီးဒုးကဲထီၣ်အီၤလၢနီၢ်ပၤမုၣ်လၢနီၢ်ဝးၡတံၤအလီၢ်န့ၣ်လီၤ.

လံာ်နီၢ်အ့ၤစတၢ် 2:7

အဝဲဒၣ်န့ၣ်အိၣ်ဒီးအတခွါမုၣ်တဂၤ, နီၢ်အ့ၤစတၢ်, လၢအမံၤလၢဧ့ၤဘြံၤ အကျိာ်မ့ၢ်ဝဲနီၢ်ဟဒးစၤဒီး မ့ၢ်မုၣ်လိၤဘိဃံလၤတဂၤန့ၣ်လီၤ. ဖဲအမိၢ်အပၢ်သံသဒၣ်ကွံာ်အီၤန့ၣ်, စီၤမၢ်ဒကဲၤလုၢ်ဖိက့ၤအီၤဒီးလုၢ်ဒိၣ်ထီၣ်အီၤဒ်အဖိမုၣ်ဒၣ်ဝဲ အသိးန့ၣ်လီၤ.

လံာ်နီၢ်အ့ၤစတၢ် 4:13

အဝဲဆှၢလီၤတၢ်ဟ့ၣ်ပလီၢ်အီၤဒီးစံးဝဲဒၣ်, “နအိၣ်လၢနီပူၤဘၣ်ဆၣ်ဒီးဒ်နမ့ၢ်ပှၤယူဒၤဖိတဂၤ အသိးန့ၣ်တဘၣ်ဆိကမိၣ်လၢနကပူၤဖျဲးန့ၣ်တဂ့ၤ.

လံာ်နီၢ်အ့ၤစတၢ် 4:15

နီၢ်အ့ၤစတၢ်စံးဆၢကဒါက့ၤစီၤမၢ်ဒကဲၤဒ်အံၤ, “လဲၤဒီးကိးဖှိၣ်ပှၤယူဒၤဖိခဲလၢာ်, လၢအအိၣ်လၢဝ့ၢ်ၡူၡၣ်အပူၤတပူၤဃီဒီးမၤတၢ်ဒုၣ်တၢ်အီၣ်တၢ်အီတမံၤ ဒီးဘါထုကဖၣ်လၢယဂီၢ်တက့ၢ်. လၢသၢနံၤသၢနၤအတီၢ်ပူၤန့ၣ် အီၣ်တၢ်ဒီးအီတၢ်နီတမံၤတဂ့ၤ. ယၤဒီးယခ့ယပှၤပိာ်မုၣ်ဖိတဖၣ်ပကမၤဒ်န့ၣ်အသိးစ့ၢ်ကီးလီၤ. တၢ်န့ၣ်ဝံၤအလီၢ်ခံဒီး, မ့မ့ၢ်ဒၣ်လဲာ်တၢ်လၢအထီဒါတၢ်သိၣ် တၢ်သီဘၣ်ဆၣ်ဒီး, ယကလဲၤဆူစီၤပၤအအိၣ်လီၤ. ယမ့ၢ်ဘၣ်သံလၢယမၤတၢ်အံၤအဃိဒီးယကသံလီၤ.”

လံာ်စီၤယိၤဘး 9:18

အဝဲတပျဲယချူးန့ၢ်ယတၢ်သါဒီးမၤပှဲၤတ့ၢ်လံယတၢ်အိၣ်မူ လၢတၢ်နးတၢ်ဖှီၣ်နးနးကလဲာ်လံန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:7

တၢ်အကတီၢ်လၢတၢ်ကဖှီတဲာ်တၢ်အဂီၢ်, ဒီးတၢ်အကတီၢ်လၢတၢ်ကဆးကျးတၢ်အဂီၢ်, တၢ်အကတီၢ်လၢတၢ်ကအိၣ်ဘှ့ၣ်အဂီၢ်, ဒီးတၢ်ဆၢကတီၢ်လၢတၢ်ကကတိၤတၢ်အဂီၢ်လီၤ.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယံးရမံယၤ 30:11

ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 46:28

ယကဟဲဆူ သုအိၣ်ဒီးအုၣ်က့ၤခီၣ်က့ၤသုလီၤ. ယကမၤဟးဂီၤပှၤကလုာ်ခဲလၢာ်လၢယမၤလီၤပြံလီၤပြါတ့ၢ် သုလၢအကျါ, ဘၣ်ဆၣ်ဒီး ယတမၤဟးဂီၤသုဘၣ်. ယတပျၢ်ဖျဲးသုလၢ တၢ်စံၣ်ညီၣ်အပူၤဘၣ်. မ့မ့ၢ်, ဖဲယစံၣ်ညီၣ်သုဒီး ယကမၤအီၤဖဲအတီအဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်တၢ်ဘူၣ်ထီၣ်ဘါထီၣ် 26:42

ယကသ့ၣ်နီၣ်ထီၣ်က့ၤယတၢ်အၢၣ်လီၤဒီးစီၤယၤကိာ်, ဒီးစီၤအံၤစဲးဒီးစီၤအၤဘြၤဟၣ်, ဒီးယကမၤသီထီၣ်က့ၤယတၢ်အၢၣ်လီၤလၢယကဟ့ၣ်ယပှၤဂီၢ်မုၢ်လၢထံဧိၤကီၢ်ဧိၤန့ၣ်လီၤ.

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.

လံာ်ပှၤစံၣ်ညီၣ်ကွီၢ် 15:6

ဖဲပှၤဖလ့ၡသးဖိတဖၣ်သံကွၢ်ဝဲ, မ့ၢ်မတၤမၤတၢ်အံၤလဲၣ်ဒီး သ့ၣ်ညါဝဲလၢစီၤၡံၣ်ၡိၣ်မၤတၢ်အံၤလီၤ. အဂ့ၢ်ဒ်အံၤ, အမံၤပှၢ်ပှၤတံးမနးဖိတဂၤန့ၣ်ဟ့ၣ်လီၤကွံာ်စီၤၡံၣ်ၡိၣ်အမါ ဆူစီၤၡံၣ်ၡိၣ်အတံၤသကိးတဂၤအအိၣ်အဃိန့ၣ်လီၤ. မၤသးဒ်န့ၣ်ဒီး, ပှၤဖလ့ၡသးဖိတဖၣ်လဲၤဒွဲၣ်သံကွံာ်ပိာ်မုၣ် န့ၣ်ဒီးဆူးကဲၤထီၣ်ကွံာ်အပၢ်အဟံၣ်စ့ၢ်ကီးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:22

ယွၤမၤတ့ၢ်တၢ်အၢၣ်လီၤသညူးသပှၢ်တမံၤဒီးအဝဲဒၣ်တညိ ကွံာ်ဘၣ်သုဘၣ်. အဂ့ၢ်ဒ်အံၤ, အဝဲပာ်လီၤတ့ၢ်အသးလၢကဒုးကဲ ထီၣ်သုလၢအပှၤဂီၢ်မုၢ်ဒၣ်ဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:29

စီၤဒၤဝံးစံးဝဲဒၣ်, “ခဲအံၤယမၤတၢ်မနုၤတမံၤလဲၣ်. ယသံကွၢ်တၢ်ထဲတဘီဧိၤတသ့ဘၣ်ဧါ.”