လံာ်နီၢ်အ့ၤစတၢ် 4:11 - Sgaw Karen Common Bible

¹¹ ဒီးစံးဝဲဒၣ်, “ပှၤတဂၤလၢ်လၢ်, ပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤ, မ့ၢ်လဲၤနုာ်ဆူဂၢၤပူၤဒီးထံၣ်စီၤပၤတအိၣ်ဘၣ်ဒီးစီၤပၤ အတၢ်ကိးအီၤဘၣ်န့ၣ်ကဘၣ်သံလီၤ. တၢ်အံၤမ့ၢ်တၢ်သိၣ်တၢ်သီလၢပှၤကိးဂၤဒဲးစးထီၣ် လၢစီၤပၤအပှၤကူၣ်လိာ်တၢ်တဖၣ်ဒီးတုၤလၢပှၤဂီၢ်မုၢ်ခဲလၢာ် လၢဘီမူၢ်အပူၤသ့ၣ်ညါဝဲန့ၣ်လီၤ. ကျဲအိၣ်ဒၣ်ထဲတဘိဧိၤလၢတၢ်သိၣ်တၢ်သီအံၤပျဲပူၤအီၤသ့ ဝဲလၢအမ့ၢ်ဝဲဖဲစီၤပၤယူာ်ဃီၤအနီၣ်ထိးထူဆူပှၤတ ဂၤဂၤအအိၣ်န့ၣ်အဝဲအသးသမူကပူၤဖျဲးဝဲလီၤ. မ့မ့ၢ်ယဲစီၤပၤတကိးဘၣ်ယၤအိၣ်လံတလါလံန့ၣ်လီၤ.”

လံာ်နီၢ်အ့ၤစတၢ် 4:11 Iomraidhean Croise

လံာ်နီၢ်အ့ၤစတၢ် 1:19

မ့ၢ်ဘၣ်, စီၤပၤအသးဒီး, မ်တၢ်ရၤလီၤစီၤပၤအတၢ်မၤလိာ်လၢနီၢ်ပၤမုၣ် ဝးၡတံၤအသုတပာ်ဖျါထီၣ်လၢၤအသးနီတစုလၢစီၤပၤအမဲာ်ညါ ဘၣ်တဂ့ၤန့ၣ်တက့ၢ်. တၢ်မၤလိာ်အံၤကဘၣ်တၢ်ကွဲးနီၣ်အီၤလၢကီၢ်ပၤရၣ်ဒီးကီၢ်မၤဒဲ အတၢ်သိၣ်တၢ်သီတဖၣ်အပူၤဒ်သိးတၢ်လဲ လိာ်ကွံာ်အီၤသုတသ့နီတဘျီတဂ့ၤလီၤ. အန့ၣ်ဒီးဟ့ၣ်လီၤကွံာ်အနီၢ် ပၤမုၣ်အလီၢ်အံၤဆူပိာ်မုၣ်လၢအဂ့ၤဒိၣ်န့ၢ်အီၤတဂၤအအိၣ်န့ၣ်တက့ၢ်.

လံာ်နီၢ်အ့ၤစတၢ် 2:14

အဝဲကဘၣ်လဲၤဖဲန့ၣ်လၢမုၢ်ဟါ, ဒီးလၢမုၢ်ဆ့ၣ်ထီၣ်တနံၤန့ၣ်ကဘၣ်တၢ်ဆှၢအီၤဆူပှၤ ပိာ်မုၣ်အိၣ်ဟံၣ်အဂၤတဖျၢၣ်ဒီးပာ်အီၤလၢ, ပှၤဒ့ဒံၣ်ဖိစီၤၡၤၡကးလၢအကွၢ်ထွဲစီၤပၤအသံၣ်မါတဖၣ်, အတၢ်အံးထွဲကွၢ်ထွဲအပူၤန့ၣ်လီၤ. မ့တမ့ၢ်ဘၣ်လၢစီၤပၤဘၣ်သူၣ်ဘၣ် သးအီၤဒီးကိးအီၤလၢအမံၤဘၣ်န့ၣ်, အဝဲတလဲၤဘၣ်ကဒီးဆူစီၤပၤ အအိၣ်ဘၣ်.

လံာ်နီၢ်အ့ၤစတၢ် 4:10

နီၢ်အ့ၤစတၢ်ဟ့ၣ်လီၤတၢ်ကစီၣ်အံၤလၢစီၤဟၣ်တး ကလဲၤစိာ်ဝဲဆူစီၤမၢ်ဒကဲၤအအိၣ်န့ၣ်လီၤ.

လံာ်နီၢ်အ့ၤစတၢ် 4:12

တုၤစီၤမၢ်ဒကဲၤဒိးန့ၢ်ဘၣ်နီၢ်အ့ၤစတၢ်အတၢ်ကစီၣ်န့ၣ်,

လံာ်နီၢ်အ့ၤစတၢ် 6:4

စီၤပၤသံကွၢ်ဝဲ, “မ့ၢ်ယပဒိၣ်အိၣ်တဂၤဂၤလၢနီပူၤန့ၣ်ဧါ.” ဆၢကတီၢ်ဖဲန့ၣ်ဘၣ်ဖဲစီၤဟၤမၣ်ဟဲနုာ်ဆူနီအဂၢၤပူၤဒ်သိးကမၢ စီၤပၤဘျးထီၣ်စီၤမၢ်ဒကဲၤလၢသ့ၣ်လၢအအိၣ်ကတဲာ် ကတီၤပာ်လံအသးတကျီၣ်အလိၤန့ၣ်လီၤ.

လံာ်နီၢ်အ့ၤစတၢ် 8:4

စီၤပၤယူာ်ဃီၤအနီၣ်ထိးထူဆူအအိၣ်, ဒီးနီၢ်အ့ၤစတၢ်ဆၢထၢၣ်ဒီးစံးဝဲ,

လံာ်ဒၤနံးယ့လး 2:9

သုမ့ၢ်တတဲယၤလၢယတၢ်မံမီၢ်ဘၣ်ဒီးတၢ်စံၣ်ညီၣ်တမံၤဃီ အိၣ်လၢသုဂီၢ်န့ၣ်လီၤ. သုအိၣ်ဒီးတၢ်သးဃူဃီၣ်လီၤပလိာ်လၢသုကျါ ဒ်သိးသုကလီန့ၢ်ယၤတဘျီဝံၤတဘျီလီၤ. အဂ့ၢ်ဒ်အံၤ, သုမုၢ် လၢ်လၢအကတီၢ်ကအိၣ်ဝဲလၢတၢ်ဂ့ၢ်တဖၣ်ကဆီတလဲအသး န့ၣ်လီၤ. တဲယၤလၢတၢ်မံမီၢ်မ့ၢ်မနုၤလဲၣ်န့ၣ်တက့ၢ်. အန့ၣ်ဒီးယကသ့ၣ်ညါလၢသုဖးအခီပညီသ့စ့ၢ်ကီးလီၤ.”

၁ ပ့းတရူး 3:7

ဒ်န့ၣ်အသိး, သုဝဲဝၤတဖၣ်သုကဘၣ်အိၣ်မူဒီးသုမါတဖၣ် လၢတၢ်သ့ၣ်ညါနၢ်ပၢၢ်လၢအဝဲသ့ၣ်မ့ၢ်ပှၤဂံၢ်စၢ်ဘါစၢ်တဖၣ် အပူၤန့ၣ်လီၤ. ယူးယီၣ်ပာ်ကဲအဝဲသ့ၣ်မ့ၢ်လၢအဝဲသ့ၣ်ကဒိး န့ၢ်ကစၢ်ယွၤအတၢ်ဟ့ၣ်ဘၣ်ဃးဒီးတၢ်မူဃုာ်ဒီးသုအဃိန့ၣ် တက့ၢ်. မၤတၢ်အံၤဒ်သိးသုတၢ်ထုကဖၣ်တဖၣ်တၢ်သုတမၤ တံာ်တာ်အီၤနီတမံၤတဂ့ၤအဂီၢ်န့ၣ်တက့ၢ်.